Gimet 19:13 - U Maganda A Baheta Ni Jesu-Cristo

¹³ Tehhod hod a sangan a Judio a maglebut a mágpalayas ti mágkadukás a ispirito. Pinurbaan de a gamitán u ngahan ni Jesus tu págpalayas de. Kinagi de tu madukás a ispirito a, “Tu ngahan ni Jesus a ipáppangaral ni Pablo ay utusan takam a lumakad hina!”

Gimet 19:13 ပူးပေါင်းရင်းမြစ်များ

Mateo 12:27

Kagi moy a nagpalayasák ti demonyo dipo inatáddinák ti kapangyariyan ni Satanas. Kodya nadid u disepulus moy hide? Nagpalayas be hide ti demonyo. Kaya hide u magpatunay ni tama u kinagi moy patungkul nikán.

Mateo 26:63

Pero awan ti kákkagi ti Jesus. Sakay kinagi nikuna nu pinakapuno a saserdote, “Iyutos ko niko: kagiyan mo nikami, tu ngahan nu Diyos a biyag, ni hiko beman u Mesias, u Anak nu Diyos?”

Markos 5:7

Sakay pinumákhaw siya ti mabegsák, kinagi na, “Jesus, Anak nu Kataas-taasan a Diyos, ánya i pákalam muway nikán? Ipananto mo tu ngahan nu Diyos a awanák mo pahirapan!”

Markos 9:38

Kinagi ni Juan ni Jesus, “Maisto, naketa kame ti tolay a nagpalayas ti madukás a ispirito tu ngahan mo, binawalan me siya dipo awan tam siya kaguman.”

Lukas 11:19

Ni magpalayasák ti dimonyo tu pamamag-itan ni Beelzebul, deya be u mangatád ti kapangyariyan tu disepulus moy hide a makagimet ti konna hod? Hide dán be u mángpatunay a talaga mali kam.

Lukas 9:49

Kinagi ni Juan, “Panginoon, naketa kame ti tolay a magpaibut ti dimonyo hide tu ngahan mo. Sinaway me siya dipo bakán tam siya a kaguman.”

Gimet 19:14

U naggimet ti iye ay u pitto a anak a lállake nu pinakapuno a saserdote nu Judio hide a u ngahan na ay Esceva.

2 Corinto 11:4

Dipo masaya kam a mangtanggap tu maskin deya a dumemát sakay mangaral ti iba a Jesus kesa tu impangaral me. Tinanggap moy u ispirito sakay adal a iba tu itáttoldu me nikam.