Gimet 18:18 - U Maganda A Baheta Ni Jesu-Cristo

¹⁸ Káttapos ni itod a pangyayare ay nákpágyan pa ti Pablo ti sangan a aldew ti Corinto, sakay nagpaalam tu mánnampalataya hide. Káttapos ay immangay siya ti Cencrea a adene tu diget, kaguman na u magkabanga a Priscila sakay Aquila. Ti Cencrea ay nagpagapas siya ti buuk dipo natupad na dán u pananto na tu Diyos. Káttapos, nággabeng hide a patamo ti Siria.

Gimet 18:18 ပူးပေါင်းရင်းမြစ်များ

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Markos 6:46

Nikuna a makalakad dán u tolay hide ay simmangkay siya tu essa a bumábbuked para magdasal.

Gimet 1:15

Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

Gimet 15:23

Impatawed de u sulat a konna he: “Hikame a apostol hide sakay pupuno hide ay mangumusta tu kákkapatkákka tam a Hentil ti Antioquia, ti Siria sakay ti Cilicia.

Gimet 15:41

Immangay di Pablo ti Siria sakay ti Cilicia, sakay pinabegsák na u pánniwala nu mánnampalataya hide.

Gimet 18:2

Nakilala na hod ti Aquila, essa a Judio a taga-Ponto. Káddedemát na la a gábwat ti Italia kaguman u kabanga na a ti Priscila. Lummakad hide hod dipo pinalakad ni emperador a Claudio u atanan a Judio ti Roma. Immangay ti Pablo tu bilay de,

Gimet 18:26

Mabegsák u pággisipan na a mangaral tu sinagoga nu Judio hide. Nikuna masaneg nu magkabanga a Aquila sakay Priscila u págpaliwanag ni Apolos ay inakit de siya tu bilay de. Sakay impaliwanag di pa nikuna ti husto u bagay hide a awan na palla tukoy tungkul tu pamamaraan nu Diyos.

Gimet 18:27

Sakay nikuna maggayak siya a angay ti Acaya ay nagsulat u mannampalataya hide a taga-Efeso para tu mánnampalataya hide hod a tanggapán de ti mahusay ti Apolos. Káddemát na hod ay dakál u netulung na tu mánnampalataya hide dipo tu kabaitan nu Diyos.

Gimet 21:23

Kanya konna he u gimitán mo: tehhod he a áppat a lállake a nagpananto tu Diyos.

Gimet 21:24

Ikuyog mo hide sakay gimitán moy u páglinis sigun tu Kautusan. Hiko dán u bahala tu magastus, tánni mapagappás di dán u buuk de. Tán matukuyan nu atanan a awan tatahoden u baheta tungkul niko nan sássunudán mo u Kautusan ni Moises.

Gimet 21:3

Dimmemát kame tu tapat nu Cyprus a matannaw tu banda ti kawihe. Nagdire-diretso kame hanggan ti Siria pero pimmundu kame ti Tiro dipo magawas ti karga u abeng.

Roma 16:1

Nadid, gusto ko a ipatengge nikam u kapatkákka tam a ti Febe. Nagserbi siya tu grupo nu mánnampalataya hide ti Cencrea.

1 Corinto 9:20

Kapag ni hedák tu Judio hide ay mabiyagák a konna tu essa a Judio tánni maakit ko hide a sumampalataya ni Jesu-Cristo. Maski ni awanák sakup nu Kautusan nu Judio hide ay sinunud ko iye tánni sumampalataya la hide.

Galacia 1:21

Káttapos hod ay immangayák ti Siria sakay Cilicia.