Gimet 18:15 - U Maganda A Baheta Ni Jesu-Cristo

¹⁵ Pero dipo u reklamo moy ay tungkul la tu upos, ngaha-ngahan sakay u Kautusan moy hide a Judio bahala kamon hina! umándák a mák-alam ti itona hide a bagay.”

Gimet 18:15 ပူးပေါင်းရင်းမြစ်များ

Mateo 27:24

Nikuna a netan iye ni Pilato a awan siya ti magimet sakay makay magkagulo pa u tolay hide ay nagpaalap siya ti dinom sakay nagguges tu kamát na tu atubang nu tolay hide. “Awanák ti pananagutan ti kákkatay ni tolayan iye. Bahala kamon!” kagi ni Pilato.

Mateo 27:4

Kinagi na, “Nagkasalaák! Intokyon ko u tolay a awan ti kasalanan.” “Anya u pákalam mi? Bahala ka hina!” tábbeg de.

Juan 18:31

Kinagi ni Pilato nide, “Hatulan moy dán siya tu sadile moy a Kautusan.” Timmábbeg u puno nu Judio hide, “Pero awan kame ti kapangyariyan a humatul ti kamatayan maskin ti deya.”

Gimet 18:13

Káddemát di hod ay kinagi de a, “I tolayan iye ay áakitán na u tolay hide a sumamba tu Diyos tu paraan a bawal tu batas!”

Gimet 23:29

Natukuyan ko a tungkul la tu bagay ate kaugnayan tu Kautusan de u ibábbintang di nikuna pero awan itod sapat a dahilan para ipabuno di siya oni ipepireso.

Gimet 25:11

Ni limmabagák tu batas oni nakagimeták ti kasalanan, sakay hikán ay hatulan mo ti parusa a kamatayan ay tanggapán ko. Pero ni awan tatahoden u ibábbintang ni Judiowan iye hide nikán ay awanák dapat meatád nide. U gusto ko a magdisisyon tu kaso ko ay u hare ti Roma.”

Gimet 25:19

Pero u namágtaluwan di la ay u tungkul tu relihiyon de a Judio, sakay tu essa a tolay a u ngahan na ay Jesus. Patay dán i tolayan iye, pero ipákpagpumilit ni Pablo a biyag siya.

Gimet 26:3

Dipo tukoy mo u kaugaliyan sakay u bagay hide a namágtábbegan nu Judio hide. Kanya mákkekakagbiyák niko a ni maare ay pagtiyagaan mo a sanigán i kagiyán kuwáy.

1 Timoteo 1:4

Sakay dyan de sássayangan i odas diye tu bida hide sakay tu listaan hide nu ginagábwatan nu dadáddikál di hide. Ta paggábwatan la iye nu pamágtalu-talu sakay awan ti metulung tu kákkabiyag nu mánnampalataya hide tu Diyos.

1 Timoteo 6:4

ay maghambug la siya pero i tahoday ay awan ti tukoy. Talaga a ugali na dán i manusutay, sakay mákpagtábbegan tungkul tu kahulugan nu upos hide a magbunga la ti sállapan, kontraan, sestiyan, sakay sihiyan.

2 Timoteo 2:23

Iwasan mo u awan hide ti kuwenta a tábbegan dipo sangpáttán ni ina ay dimaan.

Tito 3:9

Pero umadeyo ka tu awan hide ti kabuluhan a uhunan, konna tu pángsaysay tu atakdug a listaan nu nunu hide, u pamágdibate sakay pamágdadema tungkul tu Kautusan. Dipo i konna ay he a uhunan ay awan ti meatád a maganda.