Gimet 17:4 - U Maganda A Baheta Ni Jesu-Cristo

⁴ Naniwala sakay nákkuyog di Pablo ay ti Silas u sangan nide, konna be tu tányag hide a bábbey sakay u Griego hide a makadiyos.

Gimet 17:4 ပူးပေါင်းရင်းမြစ်များ

Juan 7:35

Namágtanungan u pinuno nu Judio hide, “Hádya wád plano naay a angayan ta awan tam kanon siya ketan? Angay wád siya tu lugar nu Griego hide, ni hádya a nekalat u kákkapatkákka tam a Judio, para magtoldu tu Griego hide?

Gimet 13:43

Káttapos nu pamággipun-ipun ay immunonod di Pablo sakay ti Bernabe u mákpal a Judio sakay u bakán hide a Judio a nák-agum tu rilihiyon nu Judio hide. Kinauhon hide nu apostol hide sakay pinayuwan a itulos-tulos di la a magtiwala tu kabaitan nu Diyos.

Gimet 13:50

Pero sinulsulan nu Judio hide u bábbey hide a igággalang, sakay u lállake hide a pinuno tu banuwan a kalabanán di Pablo sakay ti Bernabe tánni mapalakad di hide ti banuwanan itod.

Gimet 14:1

Nadid, tu banuwan a Iconio ay konna bi hod u ginimet di Pablo ay ti Bernabe. Immangay hide tu sinagoga nu Judio hide sakay nangaral kanya makpal a Judio sakay Griego u summampalataya.

Gimet 14:4

Kanya nahate u tolay hide tu banuwan, u agum ay pimmisan tu Judio hide sakay u agum be ay tu apostol hide.

Gimet 15:22

Kanya nagkasundu u apostol hide, u pupuno hide, sakay u atanan a mánnampalataya a magpile tu sangan nide para paangayán ti Antioquia, a kaguman di Pablo sakay ti Bernabe. U napile a paangayán hod ay u kákkapatkákka, a ti Judas a ngángngahanan a Barsabas, sakay ti Silas. Hide ay duwwa tu pinuno nu mnnampalataya ti Jerusalem.

Gimet 15:27

Pinaangay me hina di Judas sakay ti Silas para ipaliwanag nikam u nakasulat he.

Gimet 15:32

Sakay di Judas sakay ti Silas a prupeta be ay makpal a intoldu tu mánnampalataya hide a nangpabegsak tu isip de sakay nángpatibay tu pánnampalataya de.

Gimet 15:40

Pero pinile ni Pablo ti Silas; sakay limmakad káttapos a idasal nu mánnampalataya hide a ingatan hide nu Panginoon.

Gimet 16:3

Gusto a kuyugán ni Pablo ti Timoteo, kanya tinure na siya dipo tukoy nu Judio hide a mámmágyan ti lugaran itod a Griego u ama ni Timoteo.

Gimet 17:10

Ti itod labe a gibi ay pinaangay nu mánnampalataya hide ti Pablo sakay ti Silas tu banuwan a Berea. Káddemát di hod ay simmáddáp hide tu sinagoga nu Judio hide.

Gimet 17:12

Makpal u summampalataya hod a Judio konna be tu Griego hide, puro a kalállakeyan sakay kabábbiyan a tanyag ti itod a lugar.

Gimet 17:14

Pagdaka a inyangay nu mánnampalataya hide ti Pablo tu bihebi nu diget, pero nagwahak di Silas ay ti Timoteo ti Berea.

Gimet 17:17

Kanya nákpagpaliwanagan siya tu sinagoga hide hod, tu Judio hide sakay tu maka-diyos hide a tolay, sakay maskin deya u matagbu na tu matolay a lugar aldew-aldew.

Gimet 17:34

Te sangan a nákkuyog nikuna sakay summampalataya tu Diyos. Kaguman he di Dionisio a kaguman tu grupo nu mamággipun-ipun tu kákkagiyán de a Areopago, sakay essa a bábbey a ngángngahanan de a Damaris, sakay tu agum pa.

Gimet 18:4

Sakay kada Aldew nu Káimang ay angay mákpagpaliwanagen ti Pablo tu Judio hide sakay Griego tu sinagoga tánni maakit na hide a atanan a sumampalataya.

Gimet 19:10

Nagnalay siya hod ti duwwa a taon, kanya u tolay hide a mágyan ti Asia ay nakasaneg tu Upos nu Diyos, Judio man oni Griego.

Gimet 2:44

Sakay pirmi a mapisan-pisan u atanan nu mánnampalataya hide sakay awan hide nagkemot tu ányaman a kabiyagen de ni awan imbahagi de tu balang essa nide.

Gimet 21:28

Ipáppákhaw de, “Kalugaran me hide, tulungan moy kame! Iye a tolay u mágtatolduwán ti kontara tu bansa a Israel, kontara tu Kautusan ni Moises, sakay kontara tu templo, maskin hádya siya a dumemát. Nangkuyog pa siya ti Griego hide tu templo; dinangáttan na iye a banal a lugar.”

Gimet 28:24

Tehhod a naniwala sakay tehhod labe a awan naniwala tu kinagi na.

Gimet 4:23

Nikuna makaluwas dán di Pedro sakay ti Juan, ay immangay hide tu kakagumanan de hide sakay imbaheta de ni ánya u kinagi nu puno nu saserdote hide sakay u puno nu Judio hide.

2 Corinto 8:5

Sakay higit pa tu áasaan me u ginimet de; dipo inlaan de u sadile de tu Panginoon, sakay káttapos ay inyalay de u sadile de nikame, ayun tu kaluuban nu Diyos.