Gimet 17:31 - U Maganda A Baheta Ni Jesu-Cristo

³¹ Dipo intakda na dán u aldew nu paghatul ti munduway sakay gimitán na iye a tehhod a katarungan tu pamamag-itan nu essa a tolay a pinile na. Pinatunayan na itod nikuna biyagán na a huway i tolayan itod!”

Gimet 17:31 ပူးပေါင်းရင်းမြစ်များ

Mateo 10:15

Pakatandaan moy iye: Tu Aldew nu Pághukom ay mas maparusaan nu Diyos u tolay hide a napagpagan moy ti alikabuk nan tu mágkadukás hide a tolay a mágyan tu itod a panahun tu banuwan a Sodoma sakay Gomorra.”

Mateo 24:14

Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”

Lukas 22:22

U Anak nu Tolay ay dapat a matay sigun tu intakda nu Diyos, pero makaaánteng u sapitán nu tolay a mángtokyon nikuna.”

Juan 12:48

Tehhod a manghatul tu umád a mangtanggap tu toldu ko. U upos a ipáppangaral ko u manghatul nide tu dimodyan a aldew.

Juan 16:10

Male hide tungkul tu pagkamatuwid dipo angayák dán tu Ama sakay awanák moy dán keketan.

Juan 5:27

Inatádden be siya ti kapangyariyan a maghatul, dipo siya u Anak nu Tolay.

Gimet 17:18

Nákpagtábbegan be siya tu sangan a pinakamaisto a kasale tu gurupo nu Epicureo sakay Estoico. Tehhod be a sangan a nagkagi a, “Ánya wád i kákkagi-kagiyán ne ni mumaru-marunungay a tolay?” Kinagi be nu agum, “Mangaral wád tungkul tu agum a diyos nu taga iba a banuwan.” Konna hina u kagi de dipo nangaral ti Pablo tungkul ni Jesus sakay tu kákkabiyag a huway.

Gimet 17:32

Pákkasaneg de tu kinagi ni Pablo tungkul tu kákkabiyag a huway ay pinagtawaan siya nu agum. Kinagi be nu agum, “Gusto me a masaneg a huway i kinákkagi muwe.”

Gimet 17:6

Nikuna awan di netan u duwwa ay binehbeh de ti Jason sakay u agum a mánnampalataya sakay inyangay de hide tu puno nu banuwan. Konna he u ipáppákhaw de, “Iye hide a tolay ay manggagolo maskin hádya hide angayan sakay nadid ay atoy dán he hide ti banuwan tamáy!

Gimet 2:32

Iye ay ti Jesus a biniyag nu Diyos a huway, napatunayan me a nabiyag siya a huway dipo netan me.

Gimet 4:10

gusto ko a matukuyan moy a atanan sakay konna be nikam a lahe ni Israel a itolayan iye a mágtaknág tu atubang moy ay nagpiyya dipo tu kapangyariyan ni Jesu-Cristo a taga-Nazaret. Siya u impaku moy tu kudus sakay binuno moy, pero biniyag siya a huway nu Diyos.

Roma 2:16

Mangyare iye tu aldew a hatulan nu Diyos u atanan a sekreto nu tolay, tu pamamag-itan ni Jesu-Cristo, ayun tu Maganda a Baheta a itáttoldu ko.

Roma 2:5

Dipo tu kaigáttan ni ulo moye sakay awan págsise ay padággiyán mula u parusa nu Diyos niko, tu aldew a pángpeta nu Diyos tu iyamut na sakay makatarungan a pághatul na.

1 Corinto 4:5

Kaya bakán a hikitam u magkagi ni tama oni madukás u essa a tolay. Maguhay kam tu tama a panahun, dipo u Panginoon u maghatul káddemát na. Iluwas na u bagay hide a netagu tu kadiklamman sakay ikagi na u lihim hide a plano nu balang essa. Ti panahunan iye, balang essa ay tumanggap ti papure a karapat-dapat nikuna a gábwat tu Diyos.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.

2 Timoteo 4:1

Nadid, Timoteo, tu atubang nu Diyos sakay ti Cristo Jesus a mághatul tu biyag sakay tu patay hide, tu kássole na para maghare, ay iyutus ku niko a,

Hebreo 6:2

tu bawtismo, tu págtupo ti kamát ni te ipagdasal, u kákkabiyag a huway, sakay tungkul tu pághatul nu Diyos tu tolay hide a makasalanan a hide ay maparusaan tu awan ti kahád.

2 Pedro 3:7

Tu pamamag-itan be nu upos na, u kasalukuyan nadid a langet sakay luta ay intakda nu Diyos a tutudán ti apoy tu aldew nu pághatul sakay págparusa tu awan hide sumunud tu Diyos.