Gimet 17:30 - U Maganda A Baheta Ni Jesu-Cristo

³⁰ Nalay a panahun a pinabayan nu Diyos u tolay hide tu awan de pángtengge nikuna. Pero nadid ay inyutus na tu atanan a tolay tu bawat lugar a magsise sakay adeyuwan di dán u madukás de a kákkabiyag.

Gimet 17:30 ပူးပေါင်းရင်းမြစ်များ

Mateo 20:7

‘Awan be ti mangatád nikami ti trabaho,’ tábbeg de. Sakay kinagi na, ‘Ni konna hod, angay kam magtrabaho tu ubasan ko. Upaan ta kam.’

Mateo 3:2

Kinagi na “Adággen moy u kasalanan moy dipo adeni dán a maghare u Diyos nikitam.”

Mateo 4:17

Hod ti Capernaum ay nagsapul ti Jesus a magtoldu. Kinagi na “Adággen moy u kasalanan moy dipo adeni dán a maghare u Diyos nikitam.”

Markos 1:15

Kinagi na, “Dimmemát dán u odas sakay adene dán a maghare u Diyos. Kaya magsise kamon tu kasalanan moy hide sakay maniwala kam ti iye a Maganda a Baheta.”

Markos 6:12

Kanya naglakad ngani u sapulo ay ti duwwa a disepulus sakay nagtoldu hide tu tolay hide, a dapat de a pagsisiyan u kasalanan de.

Lukas 13:5

Pero tandaan moy i kagiyán kuwáy nikam, ni awan kam magsise tu kasalanan moy hide, ay mepahamak kam labe a konna nide.”

Lukas 15:10

Kagiyán ko nikam, konna bi hod u kasayaan nu anghel hide nu Diyos dipo tu essa a makasalanan a immadág tu kasalanan na.”

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Gimet 14:16

Tu limmipas a panahun ay pinabayan na a sunudán nu atanan a tolay u gusto de hide a gimitán.

Gimet 17:23

Dipo tu páglalebut ko ti banuwan moyáy ay neilingan ko tu lugar hide a págdasalan moy u essa a altar a nakasulat u konna he, ‘Tu Diyos a awan matengge.’ U Diyos a awan moy matengge a páppuriyán moy ay siya u ipáppangaral ko nikam.

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Gimet 3:19

Kanya nadid ay magsisi kamon sakay umadene tu Diyos, tánni patawadán na u kasalanan moy hide,

Roma 1:28

Dipo umád de a tenggiyan u Diyos, kanya pinabayan na dán hide tu mágkadukás de a isip sakay tu gággimitán de a makadanga-dangát.

Roma 2:4

Oni akala moy beman awan kam parusaan nu Diyos, dipo tunay siya ti bait, mapagpugád sakay mapasensiya? Awan moy beman tukoy a atádden naka ti pagkakataun a magsise sakay magbagu kanya talaga a mabait siya niko?

Roma 3:23

Dipo u atanan ay nagkasala sakay awan hide nagin karapat-dapat tu pangileng nu Diyos.

Roma 3:25

Ti Jesu-Cristo u pinaangay he nu Diyos ti munduwáy tánni iyalay na u biyag na, para maibut u iyamut nu Diyos nikitam, sakay tu pamamag-itan nu dige na ay napatawad dán u kasalanan tam ni sumampalataya kitam nikuna. Ginimet iye nu Diyos tánni ipeta na a siya ay matuwid, dipo tu purumero ay nagpasensiya siya sakay pinalipas na la u kasalanan a nagimet nu tolay hide a nakwa pinarusaan na dán hide.

2 Corinto 7:10

Dipo u kalungkutan a ayun tu kaluuban nu Diyos, u mánggiya nikam tánni magsise sakay magbagu, para maligtas kam. U konna he a kalase ni kalungkutan ay awan pagsisiyan. Pero u kalungkutan nu bakán hide a taga sunud nu Diyos ay kamatayan u demáttán na dipo awan ti págsise.

1 Pedro 4:3

Tama dán u panahun a sinayang moy tu pakángimet tu bagay hide a makaluta a gággustuwán nu awan hide makidiyos: konna tu kahalayan, madukás a kagustuwan nu pilas, páglasing, subra a kasayaan a awan ti pinagseserbiyan, inuman, sakay u págsamba tu diyos-diyosan hide.