Gimet 17:19 - U Maganda A Baheta Ni Jesu-Cristo

¹⁹ Kanya kinuyog di siya sakay inyatubang tu pággipun-ipunan tu Areopago sakay tinanung a, “Maare mi beman a matukuyan ni ánya i bigu muwe a itáttoldu?

Gimet 17:19 ပူးပေါင်းရင်းမြစ်များ

Mateo 10:18

Dipo disepulus takam ay ikaso di kam be tu gubernador sakay tu hare hide. Siya dán itod u odas moy a magbahagi nide sakay tu awan hide Judio tungkul nikán.

Markos 1:27

Nagtaka u atanan, kanya namágtanungan hide, “Ánya iye? Bigu a toldu? Mautusan na pate u mágkadukás hide a ispirito sakay sumunud be nikuna.”

Juan 13:34

Kanya essa a bigu a utus u iyatád ko nikam. Magmahalan kam, ni kodya takam a minahal ay konna bi hod u dapat moy a gimitán a págmahal tu bawat essa.

Gimet 17:20

Iba ina a toldu dipo pákkasaneg mi palla kanya gusto me a matukuyan ni ánya i gustu naay a kagiyán.”

Gimet 17:22

Kanya timmaknág ti Pablo tu atubang nu pamágguhunan tu Areopago sakay kinagi na, “Hikam a taga-Atenas, netan ko a tunay kam a relihiyoso.

Gimet 17:34

Te sangan a nákkuyog nikuna sakay summampalataya tu Diyos. Kaguman he di Dionisio a kaguman tu grupo nu mamággipun-ipun tu kákkagiyán de a Areopago, sakay essa a bábbey a ngángngahanan de a Damaris, sakay tu agum pa.

Gimet 23:19

Tinawiden nu pinuno u kamát nu ulito sakay inyadeyo na sakay tinanung na, “Ánya kagiyán muwáy nikán?” kagi na.

Gimet 24:24

Nadid kállipas nu sangan a aldew ay simmole ti gobernador Felix kaguman u kabanga na ati Drusila. Impadulaw na ti Pablo sakay nágsaneg siya tu kákkagiyan ni Pablo tungkul tu pánnalig ni Cristo Jesus.

Gimet 25:22

Sakay kinagi ni Agripa ni Festo, “Gusto ko a masaneg tolayan itod.” “Masaneg mo siya ni ilaw,” kagi ni Festo.

Gimet 26:1

Kinagi ni Agripa ni Pablo, “Maare ka dán a magupos; ánya makagi muway nadid tungkul ti sadile muwe?” Nagpatabi pa ti Pablo bilang pággalang na, sakay nagupos tu págtanggul tu sadile na: