Gimet 17:13 - U Maganda A Baheta Ni Jesu-Cristo

¹³ Pero nikuna mabaheta nu Judio hide a taga-Tesalonica a impangaral be ni Pablo ti Berea u Upos nu Diyos ay immangay be hide hod tánni sulsulan de u tolay hide a manggulo tu banuwan.

Gimet 17:13 ပူးပေါင်းရင်းမြစ်များ

Mateo 23:13

Nadid pinagkagiyan ni Jesus u maisto hide nu Kautusan ni Moises sakay u Pariseo hide, “Kakagbi kam! Mapagkunware kam! Hadlangán moy u tolay hide para awan hide mapaghariyán nu Diyos. Umád moy a magpasakop tu pághare nu Diyos ay hadlangan moy pa u masoh a magpasakop!

Lukas 12:51

Ti isip moy bemane ay immangayák ti lutaáy para mangatád ti kapayapaan? Kagiyán ko nikam, bakán a kapayapaan i tawed kuwáy nan u pamágsasena nu tolay hide.

Gimet 14:2

Pero u ginimet nu Judio hide a awan summampalataya ay sinida de u mánnampalataya hide tu awan summampalataya a Hentil, sakay sinulsulan de hide a kumontara tu mánnampalataya hide.

Gimet 17:1

Nadid himmoyot di Pablo sakay ti Silas ti Amfipolis sakay ti Apolonia, sakay nagtulos hide ti Tesalonica. Ti itod a lugar ay te sinagoga u Judio hide.

Gimet 17:10

Ti itod labe a gibi ay pinaangay nu mánnampalataya hide ti Pablo sakay ti Silas tu banuwan a Berea. Káddemát di hod ay simmáddáp hide tu sinagoga nu Judio hide.

Gimet 17:5

Pero nagsállap u Judio hide kanya inipun de u abusador hide sakay inutusan di hide a manggulo tu banuwan. Sináddáp de u bilay ni Jason, sakay pilit de a inehyok di Pablo sakay ti Silas tánni iyatubang tu tolay hide.

Gimet 20:4

Nákkuyog nikuna ti Sopater a anak ni Pirro a taga-Berea, di Aristarco sakay ti Segundo a taga-Tesalonica, ti Gayo a taga-Derbe, ti Timoteo, di Tiquico sakay ti Trofimo a taga-Asia.

Gimet 21:27

Nikuna adene dán a matapos u netakda a pitto a aldew ay hed ti Pablo tu Templo. Netan siya hod nu Judio hide a taga-Asia. Kaya sinusutan de u makpal a tolay tu Templo a dakáppán de ti Pablo.

Gimet 6:12

Iye u ginimet de tánni masulsulan de a magiyamut u tolay hide ni Esteban, u ama-amaan hide nu lahe hide sakay tu lahe hide ni Israel. Sinunggaben de siya sakay inyatubang tu Sanedrin.

2 Corinto 11:26

Tu madalas ko a págbiyahe ay nadanas ko u iba-iba a delikadu a kalagayan: tu dilikadu a dinom, tu mágbabano hide, tu kalugar ko hide a Judio sakay tu Hentil hide. Tu dilikadu hide a banuwan, paparang, tu diget, sakay tu tolay hide a magkukunware a mánnampalataya.