Gimet 16:5 - U Maganda A Baheta Ni Jesu-Cristo

⁵ Kanya lalo a timmibay u pánnampalataya nu kákkapátkákka hide, sakay kumákkakakáppal u sumampalataya hide a medag-dag ti aldew-aldew.

Gimet 16:5 ပူးပေါင်းရင်းမြစ်များ

Gimet 11:21

U kapangyariyan nu Panginoon ay katoy nide sakay makpal a naniwala sakay nanalig tu Panginoon.

Gimet 12:24

Pero u Upos nu Diyos ay kimmalat sakay nágkakakáppal u mánnampalataya hide.

Gimet 15:41

Immangay di Pablo ti Siria sakay ti Cilicia, sakay pinabegsák na u pánniwala nu mánnampalataya hide.

Gimet 2:47

sakay pirme hide a magpure tu Diyos sakay igalang hide nu tolay hide. Kada aldew ay tehhod a iligtas u Diyos sakay idagdag na hide tu grupo nu manampalataya hide.

Gimet 4:4

Pero maskin konna he u nangyare nide ay makpal u simmampalataya tu págtoldu de. Ummabut ti limma a libu u simmampalataya hide a lállake.

Gimet 5:14

Pero mágkakakáppal u lállake hide sakay u bábbey hide a summampalataya tu Panginoon.

Gimet 6:7

Tulos-tulos a kimmalat u Upos nu Diyos sakay u mánnampalataya hide ay pakáppal a pakáppal ti Jerusalem. Sakay u saserdote hide ay makpal a simmampalataya.

Gimet 9:31

Kanya sapul hod ay nagin tahimik u kalagayan nu mánnampalataya hide tu buo a Judea, Galilea sakay Samaria. Hide ay bimmegsák ti pánnampalataya sakay kimmakpal tu tulung nu Banal a Ispirito sakay nabiyag a te ánteng tu Panginoon.

Roma 16:25

Sakay nadid, puriyán tam u Diyos a siya u makapangpatibay tu pánnampalataya moy ayun tu Maganda a Baheta a intoldu ko nikam. U Maganda a Baheta a iye ay tungkul ni Jesu-Cristo, a nelihim tu nalay dán a panahun,

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

Galacia 5:1

Nadid, ay malaya kitamon dipo pinalaya kitamon ni Cristo tu Kautusan a nangsakup nikitam. Kaya magpakatatag kam sakay dyan dán paalipin a huway!

Colosas 2:6

Ta tinanggap moy dán ti Cristo Jesus bilang Panginoon, ay dapat mabiyag kam a karapat-dapat nikuna.

1 Tesalonica 3:13

Pabegsákkán na u isip moy tánni manatili kam a banal sakay awan ti kapintasan tu atubang nu Diyos tam a Ama hanggan tu káddemát a huway nu Panginoon tam a ti Jesus, kaguman u pinili na hide.

1 Tesalonica 3:2

Sakay pinaangay mi hina nikam ti Timoteo a kapatkákka tam sakay kaguman me a tagapagserbi tu Diyos tu pángpakapospos tu Maganda a Baheta patungkul tu Panginoon tam a ti Cristo. Pinaangay me siya hina nikam tán pabegsákkán u isip moy sakay tán patibayán u pánnampalataya moy.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

Hebreo 13:9

Diyan kam paakit tu sari-sare sakay tu iba hide a adal. Mas maganda para nikitam a mapabegsák u pánnampalataya tam tu pamamag-itan nu kagbi nu Diyos nan tu pamamag-itan nu kássunud tu utus hide tungkul tu makan. U simmunud ti iye hide ay awan ti naalap a pakinabang.

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.