Gimet 16:33 - U Maganda A Baheta Ni Jesu-Cristo

³³ Sakay ti itod be a gibi ay lininisan nu guwardiya u talingu de, sakay nagpabawtismo siya pate u buo na a pamilya.

Gimet 16:33 ပူးပေါင်းရင်းမြစ်များ

Mateo 3:6

Intapat de u kasalanan de sakay tulos hide a binawtismuwan ni Juan tu dinom a Jordan.

Lukas 19:9

Sakay kinagi ni Jesus nikuna, “Dimmemát nadid u kaligtasan ti sabilayan iye dipo te patunay a itolayan iye ay lahe labe ni Abraham.

Gimet 16:15

Sakay nagpabawtismo siya sakay tu buo na a pamilya. Káttapos ay inakit na kame, “Ni maniwala kam a tatahodinák dán a mánnampalataya tu Panginoon ay tumulos kam ti bilay.” Kanya tinanggap me u pággakit na.

Gimet 16:23

Sakay káttapos di hide a binábbálbág ay impireso de hide sakay pinabantay de ti mapiyya.

Gimet 16:25

Pero nikuna bállog dán ni gibi ay nagdasal di Pablo sakay ti Silas sakay nágkansiyon hide ti papure sakay págsamba tu Diyos. U agum a pireso ay mágsaneg nide.

Gimet 16:32

Sakay impangaral de nikuna u Upos nu Panginoon sakay u atanan a kaguman tu bilay na.

1 Corinto 1:16

(O bál, binawtismuwan ko bál itod u pamilya ni Estefanas. Maliban nide ay awanák dán ti matandaan a binawtismuwan ko.)

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

1 Pedro 3:21

I dinuman itod a lonso ay sa itod u mage letrato nu págbautismo a mángligtas nikam. Tu pamamag-itan nu kákkabiyag a huway ni Jesu-Cristo. U págbawtismo a iye ay bakán a para linisán u dangát nu bággi tam nan iye ay tanda a nagsise kitamon tu kasalanan tam hide. Dipo ti iye ay maare kitamon a iligtas nu Diyos dipo ti Cristo ay huway a nabiyag.