Gimet 16:15 - U Maganda A Baheta Ni Jesu-Cristo

¹⁵ Sakay nagpabawtismo siya sakay tu buo na a pamilya. Káttapos ay inakit na kame, “Ni maniwala kam a tatahodinák dán a mánnampalataya tu Panginoon ay tumulos kam ti bilay.” Kanya tinanggap me u pággakit na.

Gimet 16:15 ပူးပေါင်းရင်းမြစ်များ

Mateo 10:41

Ni ti deya u mangtanggap tu essa a propeta dipo siya ay propeta nu Diyos ay makatanggap be gábwat tu Diyos ti gantimpala a nelaan para tu essa propeta. Sakay ni ti deya u mangtanggap tu essa a malinis a tolay dipo tu kabaitan na ay makatanggap be ti gantimpala a nelaan para tu malinis a tolay.

Mateo 3:6

Intapat de u kasalanan de sakay tulos hide a binawtismuwan ni Juan tu dinom a Jordan.

Lukas 14:23

Kaya kinagi nu amo tu alipin, ‘Angay ka tu kakarsada sakay tu dila-dilan hide sakay pilitán mo a umangay he u deya man a ketan mo tánni maputát i bilay kuwáy.

Lukas 24:29

pero pinugád de siya, “Máktulos ka palla nikame, dipo sumahám dán i aldiwe sakay mágdadidiklám dán.” Kaya nákkuyog ngane siya nide.

Gimet 11:14

Kagiyán na niko ni kodya ka a maligtas sakay u kasabilay mo hide.’

Gimet 16:31

Kinagi de, “Maniwala ka tu Panginoon Jesus tán maligtas ka, pate u pamilya mo.”

Gimet 16:33

Sakay ti itod be a gibi ay lininisan nu guwardiya u talingu de, sakay nagpabawtismo siya pate u buo na a pamilya.

Gimet 16:34

Káttapos ay ingkuyog na hide tu bilay na sakay pinakan. Tunay u saya na sakay u pamilya na dipo summampalataya hide tu Diyos.

Gimet 18:8

Ti Crispo a pinuno nu sinagoga sakay tu buo na a pamilya ay summampalataya tu Panginoon. Sakay makpal pa a taga-Corinto a nágsaneg ni Pablo u summampalataya sakay nagpabawtismo.

Gimet 8:12

Pero nikuna impangaral ni Felipe u Maganda a Baheta tungkul tu pághare nu Diyos sakay tungkul ni Jesus-Cristo ay summampalataya sakay nagpabawtismo u lállake hide sakay u bábbey hide.

Gimet 8:38

Pinaimang nu pinuno u kalesa na sakay immogsad hide a duwwa tu dinom sakay binawtismuwan siya ni Felipe.

Roma 16:23

Kákkumustaán kam be ni Gayo. Hikán a ti Pablo ay náktulos tu bilay na, he be a magipun-ipun u mánampalataya he hide. Kákkumustaán kam be ni Erasto a tusurero nu banuwan sakay tu kapatkákka tam a ti Cuarto.

2 Corinto 12:11

Kumánnák a essa a tolay a awan ti tukoy dipo tu pághambug ko, pero hikam u nángtoglad nikán a manggimet ti konna hina. Hikam nakwa u dapat a mangpure nikán, dipo maski awanák ti kabuluhan, awanák be medimodyan ti mágkalalakiyan ina hide a apostol kan.

2 Corinto 5:14

U págmahal ni Cristo nikitam, ay ina u mangatád tu kasipag me a sumunud tu kaluuban na. Maniwala kame a natay siya para tu atanan a tolay. Kaya nadid, u atanan a tolay ay mebilang a natay.

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

Efeso 1:1

Mahal mi hide a kákkapatkákka, hikán ay ti Pablo a apostol ni Cristo Jesus a ayun tu kaluuban nu Diyos. Saiye u sulat ko para tu pinile hide nu Diyos a he ti Efeso sakay matapat be a sumunud ni Cristo Jesus:

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

Filemon 1:17

Kaya ni talaga a inturingák mo a tunay mo a kaguman tu págserbi, ay tanggapán mo ti Onesimo a konna tu págtanggap mo nikán.

Hebreo 13:2

Diyan moy kalimunan a magpatulos tu dayuhan hide. Tehhod a sangan a naggimet ti konna he, nakapagpatulos hide tu anghel hide a awan de namalayan.

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.

2 Juan 1:10

Ni te dumemát nikam a tolay a te iba a toldu ay dyan moy siya tanggapán tu bilay moy oni uhunán,

3 Juan 1:5

Mahal ko a amigu, u págserbi mo tu kákkapatkákka tam hide sakay maski u awan mo hide matenggi ay nangpatunay a matapat ka.

3 Juan 1:8

Dapat tam hide a tulungan tánni makatulung kitam nide tu págpakalat de tu tatahoden a toldu.