Gimet 16:13 - U Maganda A Baheta Ni Jesu-Cristo

¹³ Sakay tu Aldew nu Káimang ay limmuwas kame tu banuwan sakay immangay tu bihebi nu dinom, tu essa a lugar a natukuyan me a lugar nu págdasalan nu Judio hide. Nággetnod kame sakay nákpágguhon tu bábbey hide a nagipun-ipun hod.

Gimet 16:13 ပူးပေါင်းရင်းမြစ်များ

Mateo 13:2

Makpal a tolay u dinumulug nikuna kanya sinumakay siya tu abang. Inumetnod siya sakay nagtoldu tu katolayan a nágtaknág tu baybay.

Markos 16:15

Sakay kinagi nide ni Jesus, “Umangay kam tu buo a mundu sakay ipangaral moy u Maganda a Baheta tu atanan a tolay.

Lukas 13:10

Nadid, essa Aldew nu Káimang ay nagtoldu ti Jesus tu sinagoga.

Juan 8:2

Tu dimadimang, mentaras a maaga palla ay nagsole ti Jesus a huway tu templo. Makpal a tolay u immadene nikuna, kanya immetnod siya sakay nagtoldu siya hide.

Gimet 13:14

Pero di Pablo ay nagtulos-tulos ti Antioquia a sakup ni Pisidia. Sakay tu Aldew nu Káimang ay immangay hide tu sinagoga nu Judio hide sakay nággetnod.

Gimet 13:42

Nikuna paluwas dán di Pablo sakay ti Bernabe tu sinagoga, nákkekagbi u tolay hide a mangaral hide a huway tungkul ti iye hide a bagay tu sumunud a Aldew nu Káimang.

Gimet 16:16

Essa a aldew, nikuna paangay kame tu lugar a págdasalan ay natagbuwan me u madiket a alipin. Te bunog siya a mangatád nikuna ti kapangyariyan a maghula. Dakál u kitaán nu amo na hide dipo tu pághula na.

Gimet 16:6

Sakay immangay di Pablo tu lugar nu Frigia sakay ti Galacia, dipo awan hide pinayagen nu Banal a Ispirito a mangaral tu Upos nu Diyos ti Asia.

Gimet 17:2

Ugale dán ni Pablo a umangay tu sinagoga. Tu luub nu tállo a simba kada Aldew nu Káimang ay mákpagpaliwanagan siya tungkul tu Kasulatan,

Gimet 18:4

Sakay kada Aldew nu Káimang ay angay mákpagpaliwanagen ti Pablo tu Judio hide sakay Griego tu sinagoga tánni maakit na hide a atanan a sumampalataya.

Gimet 20:7

Tu purumero a aldew nu sasimba ay napisan-pisan kame para tu pángtappeng-tappeng ti tinapay. Nangaral ti Pablo nide hanggan tu bállog nu gibi dipo palakad siya tu kadimadimangan.

Gimet 21:5

Nikuna a dumemát dán u aldew a kállakad me ay nagtulos-tulos kame dán tu págbiyahe me. Intugán di kame a atanan hanggan tu luwas nu banuwan, kaguman de u kákkabanga de sakay u anak de hide. Káddemát me tu bihebi nu diget ay limmuhud kame sakay nagdasal.

Gimet 9:20

Sakay simmáddáp siya tu sinagoga hide sakay nagtoldu tungkul ni Jesus, kinagi na, a siya u anak nu Diyos.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.