Gimet 16:1 - U Maganda A Baheta Ni Jesu-Cristo

¹ Immangay be ti Pablo tu banuwan a Derbe sakay ti Listra. Tehhod hod a mánnampalataya a u ngahan na ay ti Timoteo a anak nu essa a bábbey a Judio a mánnámpalataya, pero u ama na ay essa a Griego.

Gimet 16:1 ပူးပေါင်းရင်းမြစ်များ

Gimet 14:1

Nadid, tu banuwan a Iconio ay konna bi hod u ginimet di Pablo ay ti Bernabe. Immangay hide tu sinagoga nu Judio hide sakay nangaral kanya makpal a Judio sakay Griego u summampalataya.

Gimet 14:21

Nikuna mepangaral di Pablo sakay ti Bernabe u Maganda a Baheta ti Derbe ay makpal hide a naakit a summampalataya. Káttapos ay nagsole hide ti Listra, ti Iconio, sakay ti Antioquia a lugar ti Pisidia.

Gimet 14:6

Nikuna matukuyan iye nu apostol hide ay gimminan hide sakay impangaral de u Maganda a Baheta ti Listra sakay ti Derbe a banuwan ti Licaonia sakay tu palebut na a lugar.

Gimet 17:14

Pagdaka a inyangay nu mánnampalataya hide ti Pablo tu bihebi nu diget, pero nagwahak di Silas ay ti Timoteo ti Berea.

Gimet 18:5

Nikuna dimmemát di Silas sakay ti Timoteo a gábwat ti Macedonia, inyatád dán ni Pablo u buo na a odas tu pángngaral sakay magpatunay tu Judio hide a ti Jesus u Cristo.

Gimet 19:22

Pinágdipalongo na ti Macedonia di Timoteo sakay ti Erasto, u kaguman na a duwwa, sakay nákpágyan palla siya ti Asia ti sangan a aldew.

Roma 16:21

Ti Timoteo a kaguman ko a magserbi tu Panginoon ay mákkumusta be nikam, sakay di Lucio, Jason sakay ti Sosipatro a kapareho ko hide a Judio.

1 Corinto 16:10

Káddemát hina ni Timoteo ay tanggapán moy siya ti maganda tánni mapayapa u kaluuban na, dipo kapareho ko siya a tagapagserbi nu Panginoon.

1 Corinto 4:17

Dipo he, kaya ko a pinaangay hina ti Timoteo, u pinakamamahal ko sakay tapat a anak tu Panginoon. Siya u mángpaala-ala nikam tu tama a kákkabiyag a sássunudán ko nadid a nákpagkaessaák dán ni Cristo Jesus. Ina hide u itáttoldu ko tu bawat mánnampalataya tu atanan a lugar.

1 Corinto 7:14

Dipo u lállake a awan mánnampalataya ay magin karapat-dapat tu Diyos dipo tu kabanga na a mánnampalataya. Sakay u bábbey a awan mánnampalataya ay magin karapat-dapat dipo tu kabanga na a mannampalataya. Kaya u anak de hide ay malinis dán tu atubang nu Diyos dipo imbilang dán nu Diyos a malinis u págkabanga de.

2 Corinto 1:1

Gábwat iye a sulat nikán a ti Pablo a apostol ni Jesu-Cristo, ayun tu kaluuban nu Diyos sakay gábwat tu kapatkákka tam a ti Timoteo. I sulatan iye ay para tu mánnampalataya hide ti Corinto sakay tu mánnampalataya hide a mágyan ti buo a Acaya:

2 Corinto 1:19

Hikame ay di Silvano sakay Timoteo ay nangaral nikam tungkul ni Jesu-Cristo a anak nu Diyos. Sakay tukoy moy a ti Cristo ay tapat tu upos na. Talaga a tupadán na u panantu na.

Filipos 1:1

Mahal ko hide a kákkapatkákka, iye a sulat ay gábwat nikán a ti Pablo sakay ti Timoteo a alipin hide ni Cristo Jesus. Iye ay para tu atanan a pinile nu Diyos a taga-Filipos a summampalataya hide ni Cristo Jesus, pate u puno hide sakay tu tumulung nide a mangasiwa tu mánnampalataya hide.

Filipos 2:19

Maniwalaák a kaluuban nu Panginoon Jesus a mapaangay ko hina a pagdaka ti Timoteo tánni masayaák be ni ibaheta na u kalagayan moy hina.

Colosas 1:1

Mahal ko hide a kákkapatkákka, iye a sulat ay gábwat nikán a ti Pablo a apostol ni Cristo Jesus ayun tu kaluuben nu Diyos sakay gábwat be tu kapatkákka tam a ti Timoteo.

1 Tesalonica 1:1

Hikán ti Pablo sakay kaguman ku he di Silas ay ti Timoteo a summulat nikam a mánnampalataya hide a taga-Tesalonica, sakay sakup nu Diyos a Ama sakay nu Panginoon a ti Jesu-Cristo. Magkahod kam nakwa ti págpapala sakay kapayapaan a gábwat tu Diyos.

1 Tesalonica 3:2

Sakay pinaangay mi hina nikam ti Timoteo a kapatkákka tam sakay kaguman me a tagapagserbi tu Diyos tu pángpakapospos tu Maganda a Baheta patungkul tu Panginoon tam a ti Cristo. Pinaangay me siya hina nikam tán pabegsákkán u isip moy sakay tán patibayán u pánnampalataya moy.

1 Tesalonica 3:6

Nadid ay nagsole dán he ti Timoteo, maganda u inbaheta na tungkul tu pánnampalataya sakay págmahal moy. Sakay inbaheta na be nikame a pirme moy kame a maalaala sakay tunay u pagkasoh moy a metan kame. Konna tu pagkasoh me a metan mikam.

2 Tesalonica 1:1

I sulatan iye ay gabwat nikan a ti Pablo, sakay kaguman ko di Silas ay ti Timoteo. Tu Simbaan ti Tesalonica, mákkumusta kame nikam a mánnampalataya hide a taga-Tesalonica, a pinile nu Diyos Ama sakay u Panginoon tam a ti Jesu-Cristo.

1 Timoteo 1:18

Anak ko a Timoteo, iyintrega ko niko i bagayan iye ayun tu nehula dán tungkul niko. Tánni tu pangtupad mo ti hidenye ay magkahod ka ti tapang a umatubang tu kumontara hide tu tama a toldu,

1 Timoteo 1:2

Para ni Timoteo a tatahoden ko a anak ti pánnampalataya: Magkahod kam nakwa ti págpapala, kagbi, sakay ti kapayapaan a gábwat tu Diyos a Ama sakay ni Jesu-Cristo a Panginoon tam.

2 Timoteo 1:2

Para ni Timoteo a mahal ko a anak: Magkahod ka nakwa ti pagpapala, kagbi, sakay kapayapaan a gábwat tu Diyos a Ama sakay ni Cristo Jesus a Panginoon tam.

2 Timoteo 1:5

Awan ko malimunan u tapat mo a pánnampalataya a konna tu pánnampalataya nu apo mo a bakás a ti Loida sakay nena mo a ti Eunice. Sakay hanggan nadid, ay siguraduwák a konna palla hod u pánnámpalataya mo.

2 Timoteo 3:11

Tukoy-tukoy mo u atanan a pággusig sakay hirap, a dinanas ko ti Antioquia, Iconio sakay ti Listra. Tiniis ko u hirap hide a iye pero inligtasák nu Panginoon tu atanan a iye.

Filemon 1:1

Iye a sulat ay gábwat nikán a ti Pablo, a pumáppireso dipo tu pángpakapospos ko tu Panginoon tam a ti Jesu-Cristo. U kapátkákka tam a ti Timoteo u kaguman ku he. I sulat miyan iye ay para niko, Filemon, a mahal mi a kaguman tu gawain nu Panginoon.

Hebreo 13:23

Gusto ko be a matukuyan moy a nakalaya dán u kapatkákka tam a ti Timoteo. Ni dumemát siya a pagdaka ay ikoyog ko siya káangay ko hina.