Gimet 15:7 - U Maganda A Baheta Ni Jesu-Cristo

⁷ Káttapos nu atakdug a pamágtábbegan ay timmaknág ti Pedro sakay kinagi na nide, “Kákkapatkákka ko hide, tukoy moy a piniliyák nu Diyos para ipangaral tu Hentil hide u Maganda a Baheta tánni sumampalataya be hide.

Gimet 15:7 ပူးပေါင်းရင်းမြစ်များ

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Juan 3:27

Timmábbeg ti Juan, “Awan ti magimet u tolay ni awan ipakultad nu Diyos.

Gimet 1:16

“Kákkapatkákka ko hide, u nakasulat tu Banal a Kautusan nikuna a pinagupos nu Banal a Ispirito ti David tungkul ni Judas a nánggiya tu nangdakáp hide ni Jesus ay natupad dán.

Gimet 1:24

Sakay bagu hide a nangpile ay nagdasal hide, “Panginoon, hiko u nakatukoy tu puso nu atanan a tolay. Kanya ipeta mo ped nikame ni ti deya u dapat me a piliyán ti duwwaan iye,

Gimet 10:19

Aisipán padla ni Pedro u gusto a kagiyán nu pangitain nikuna kagiyan siya nu Banal a Ispirito, “Te tállo a lállake a magehyok niko.

Gimet 10:20

Umogsad ka dán sakay dyan ka magalangan a mákkuyog nide dipo hikán u nangutus nide.”

Gimet 13:2

Essa aldew mentaras a magkulasyon sakay magpure hide tu Panginoon, kinagi nu Banal a Ispirito nide, “Ibukod moy di Bernabe sakay ti Saulo. Tehhodák a inlaan a tarabaho para nide.”

Gimet 15:14

Káttatapos la a impaliwanag ni Simon u purumero a pángdulaw nu Diyos tu Hentil hide tánni pate hide ay magin banuwan na.

Gimet 15:2

Awan immayun di Pablo sakay ti Bernabe kaya nagin mainit u pamágguhon de tungkul ti iye. Kanya namágkaessaan de a paangayán di Pablo sakay ti Bernabe ti Jerusalem sakay tu sangan pa a mánnampalataya ti Antioquia, para itanung tu apostol hide sakay tu puno hide nu mánnampalataya hide u tungkul tu uhunanan itod.

Gimet 15:39

Kanya namágtábbegan hide sakay naghiwalay a duwwa. Ingkuyog ni Bernabe ti Markos sakay nággabang hide a patamo ti Cyprus.

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

Gimet 21:16

Sakay nákkuyog nikame u sangan a mánnampalataya a taga-Cesarea sakay inyangay de kame tu bilay ni Manason a taga-Cyprus sakay hed kame hod a náktulos. Nalay dán siya a mánnampalataya.

Gimet 3:18

Dipo tu ginimet moy ay natupad dán u inpahayag nu Diyos tu pamamag-itan nu prupeta hide tu itod a kailangan a maghirap ti Cristo.

Gimet 4:25

Ti David a Tagapagserbi mo tu itod ay indipalongo nu Banal a Ispirito kanya insulat na u konna he: ‘Bakin wád a tunay iyamutay nu Hentil hide? Sakay bakin nagbalak u Judio hide ti baka-bakán?

Gimet 9:15

Pero kinagi nikuna nu Panginoon, “Kammudán hod! Dipo pinile ko siya para ipangaral tu Hentil hide u tungkul nikán, tu hare hide, sakay tu lahe hide ni Israel,

Filipos 2:14

Gimitán moy u atanan a bagay a awan ti reklamo sakay pamágtabbegan.