Gimet 15:32 - U Maganda A Baheta Ni Jesu-Cristo

³² Sakay di Judas sakay ti Silas a prupeta be ay makpal a intoldu tu mánnampalataya hide a nangpabegsak tu isip de sakay nángpatibay tu pánnampalataya de.

Gimet 15:32 ပူးပေါင်းရင်းမြစ်များ

Mateo 23:34

Magpaangayyák nikam ti propeta hide, mágkalalaki a tolay sakay u maisto hide nu Kautusan ni Moises! Bunuwán moy u sangan nide sakay u agum ay ipako moy tu kudus. U agum ay haplitán moy tu sinagoga sakay u agum ay ehyokán moy tu banubanuwan tán madakáp moy.

Lukas 11:49

Iye be u mangpatunay a tatahoden u kinagi nu Diyos sigun tu Karunungan na, ‘Paangayán ko nide u prupeta sakay u disepulus ko hide a magtoldu tu tolay hide. Pero bunuwán de u agum sakay pasakitan de u agum.’

Gimet 11:23

Nikuna dumemát hod sakay netan na u págpapala nu Diyos nide ay nasaya siya sakay pinayuwan na hide a atanan a manatile hide a tapat tu Panginoon.

Gimet 11:27

Nadid ti panahunan itod ay te dimmemát a sangan a prupeta hide ti Antioquia a gábwat ti Jerusalem.

Gimet 13:1

Nadid, u mannampalataya hide ti Antioquia ay tehhod a sangan a magpahayag tu Maganda a Baheta sakay tehhod be a sangan a magtoldu tu mánnampalataya hide. Kaguman he di Bernabe, ti Simon a nginahanan de a Negro, sakay ti Lucio a taga-Cirene, ti Manaen (a kaguman ni gubernador a Herodes nikuna anak palla hide a duwwa) sakay ti Saulo.

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Gimet 15:1

Pero te sangan a tolay a dimmemát hod a gábwat ti Judea a nagtoldu tu mánnampalataya hide ti konna he, “Kapag awan kam nagpature sigun tu Kautusan ni Moises ay awan kam maligtas.”

Gimet 15:22

Kanya nagkasundu u apostol hide, u pupuno hide, sakay u atanan a mánnampalataya a magpile tu sangan nide para paangayán ti Antioquia, a kaguman di Pablo sakay ti Bernabe. U napile a paangayán hod ay u kákkapatkákka, a ti Judas a ngángngahanan a Barsabas, sakay ti Silas. Hide ay duwwa tu pinuno nu mnnampalataya ti Jerusalem.

Gimet 15:27

Pinaangay me hina di Judas sakay ti Silas para ipaliwanag nikam u nakasulat he.

Gimet 15:3

Kanya pinahektat ngane nu mánnampalataya hide di Pablo. Tu káhhoyot de ti Fenicia sakay ti Samaria ay imbaheta de tu kákkapatkákka hod a makpal dán a mánnampalataya a Hentil. Minasaya u mánnampalataya hide ti bahetaan itod.

Gimet 15:31

Sakay pákkabasa de tu sulat ay tunay u saya nu tolay hide dipo tu nasaneg de.

Gimet 15:41

Immangay di Pablo ti Siria sakay ti Cilicia, sakay pinabegsák na u pánniwala nu mánnampalataya hide.

Gimet 18:23

Nágyan hod siya ti sangan a aldew sakay káttapos ay naghektat dámman siya. Linebut na u atanan a lugar a sakup ni Galacia sakay ti Frigia, sakay pinabegsák na u pánnampalataya nu atanan a mánnampalataya hod.

Gimet 2:40

Makpal pa a kinagi ti Pedro pero essa la u pákkekakagbi na tu tolay hide itod ay, “Pabayan moy a maligtas kam tánni awan kam mesale tu parusa a dumemát ti madukássan iye a lahe.”

Gimet 20:2

Sakay immangay siya tu banu-banuwan ti Macedonia a nagtoldu sakay pinayuwan na u mánnampalataya hod hide a magpakatatag. Káttapos ay nagtulos siya ti Grecia.

Roma 12:6

Iba-iba u kakayanan a inyatád nikitam nu Diyos ayun tu habag na, kanya gamitán tam i kaluuban ina hide. Ni u kaluub nu essa a tolay ay págpahayag tu upos nu Diyos, kailangan ipahayag na iye ayun tu pánnampalataya na.

Roma 12:8

ni págpayo, magpayo siya ti maayus, ni pángngatád, mangatád siya tu maluwag tu kaluuben na, ni pámmuno, mamuno siya ti buo a tiyaga. Sakay ni káttulung tu te kailangan, tumulung siya a tehhod a kasayaan.

1 Corinto 1:8

Sakay u Diyos u mangpabegsák nikam hanggan tu katapusan, tánni demáttan kam a awan ti kapintasan tu kássole nu Panginoon tam a ti Jesu-Cristo.

1 Corinto 14:29

Pabayan moy a magupos u duwwa oni tatlo a tolay a tummanggap tu kaluub a makapagpahayag tu upos a gábwat tu Diyos. Sakay suriyán be nu agum u kákkagiyán de.

1 Corinto 14:3

Pero u mágpahayag tu upos nu Diyos ay tu tolay u pángkagiyan na tán lumagu u pánnampalataya de sakay pabegsákkán u isip de tán sumaya hide.

1 Corinto 14:32

Sakay u tumanggap hide ti kaluub nu págpahayag ay dapat a magpugád hide tu sadile de sakay maguhay hide tu odas ni hide dán u magupos.

Efeso 3:5

Iye a plano ay awan inpahayag nu Diyos tu tolay hide tu itod, pero impahayag na dán nadid tu banal hide a apostol sakay tu prupeta hide tu pamamag-itan nu Banal a Ispirito.

1 Tesalonica 2:11

Tukoy moy dán be a nagin konna kame tu essa a ama tu balang essa nikam.

1 Tesalonica 3:2

Sakay pinaangay mi hina nikam ti Timoteo a kapatkákka tam sakay kaguman me a tagapagserbi tu Diyos tu pángpakapospos tu Maganda a Baheta patungkul tu Panginoon tam a ti Cristo. Pinaangay me siya hina nikam tán pabegsákkán u isip moy sakay tán patibayán u pánnampalataya moy.

1 Tesalonica 4:1

Kaya ngani kákkapatkákka, essa pa a bagay u pákkekakagbi me nikam sakay ipayo tu ngahan nu Panginoon Jesus. Ipakpagguhon me nikam a mabiyag kam a ayun tu natukuyan moy nikame dipo ina u makasaya tu Diyos. Konna ngani hod u kakkabiyag moy nadid pero maspagandaan moy pa.

1 Tesalonica 5:14

Kákkapatkákka mi hide, ipákkekagbi mi nikam a pagkagiyan moy u tamad hide sakay pabegsákkán moy u isip nu mágkahina hide sakay tulungan moy hide. Pagtiyagaan moy u atanan a tolay.

1 Tesalonica 5:20

Dyan moy baliawanan u adal a gábwat tu Diyos.

2 Tesalonica 3:12

Tu ngahan nu Panginoon tam a ti Jesu-Cristo, mahigpit me a kagiyán ti tolayan iye hide a ayusan de u biyag de sakay magtarabaho hide para tu kabiyagen.

1 Timoteo 2:1

Nadid, u pinakadipalongo tu atanan a ipákpágguhon ko nikam ay ipagdasal moy u atanan a tolay. Iagum moy hide tu agidán moy hide, pákkekagbi, sakay págpasalamat.

2 Timoteo 4:2

ipangaral mo u upos nu Diyos maski ánya a pagkakataun. Akitán mo u tolay hide, pagkagiyan sakay pabegsákkán u isip de tu pamamag-itan nu matiyaga mo a págtoldu nide.

1 Pedro 5:1

Hikam a pinuno hide nu mánnampalataya hide, mákkekagbiyák nikam bilang essa be a konna nikam. Tistiguwák tu pághirap ni Cristo, sakay kabahagiyák be tu karangalan na a adene dán a mehayag. Mákkekakagbiyák nikam

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.