Gimet 15:28 - U Maganda A Baheta Ni Jesu-Cristo

²⁸ Dipo tu tulung nu Banal a Ispirito ay naisipan me a diyan kamon atádden ti agum pa a utus nan u mágkahalaga la hide a bagay, konna ti iye hide:

Gimet 15:28 ပူးပေါင်းရင်းမြစ်များ

Mateo 11:30

Dipo u pággiya ko ay malagen sakay u iyatád ko nikam a utus ay awan mahirap.”

Mateo 23:4

Naghanda hide ti madágge a karga sakay pinabaklay de tu tolay hide pero maski ni toldo man ay umád de iyahikad para tumulong.

Juan 16:13

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Gimet 15:19

Kinagi pa ni Santiagu a, “Kanya para nikán ay dyan tamon paghirapán u Hentil hide tu káadene de tu Diyos.

Gimet 15:25

Kanya namágkaessaan me a nangpile ti tolay a paangayan mi hina. Kaguman hide nu mahal tam a kákkapatkákka a ti Bernabe sakay ti Pablo,

Gimet 15:8

U Diyos a makatukoy tu isip nu balang essa i nángpatunayay a tinanggap na dán u Hentil hide nikuna inyatád na nide u Banal a Ispirito a konna labe nikitam.

Gimet 16:4

Tu balang lugar a angayan de ay ipakapospos de tu mánnampalataya hide u napagkasunduan nu apostol hide sakay u puno hide ti Jerusalem sakay inyutus de a sunudán de itod.

Gimet 5:32

Hikame i mangpatunayay ti bagayan iye pati u Banal a Ispirito a impagkaluub nu Diyos tu atanan a sumássunud nikuna.”

1 Corinto 14:37

Ni tu pangakala nu deya man a tummanggap siya ti adal a gábwat tu Diyos oni maski ánya a kaluub nu Banal a Ispirito ay dapat na a tenggiyán a i sulat kuwáy nikam ay utus nu Panginoon.

1 Corinto 7:25

Nadid, tungkul be tu mámmadiket sakay tu bábbelo hide, awanák ti mekagi a utus a gábwat tu Panginoon. Pero bilang essa a tolay a mapagkatiwalaan dipo tu kagbi nikán nu Panginoon ay iye u mekagi ko,

1 Corinto 7:40

Pero palagay ko ay mas magin masaya siya ni awan dán siya mákkabanga a huway. Ina u makagi ko, sakay tukoy ko a he nikán u Ispirito nu Diyos.

1 Tesalonica 4:8

Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.

1 Pedro 1:12

Nikuna a ipakapospos di iye, ay impaunawa nide nu Diyos a u gággimitán de ay para nikam bakán a para nide. Iye a tatahoden ay masaneg moy dán nadid tu magbaheta hide tu Maganda a Baheta nu Diyos tu kapangyariyan nu Banal a Ispirito a pinaangay nide a gábwat ti langet. Maske u anghel hide ti langet ay tunay u pagkasoh de a maintendiyan iye a katutuhanan.

Pahayag 2:24

Pero u agum hina nikam ti Tiatira a awan nágsaneg tu toldu ni Jezebel, sakay awan summunud tu ‘mágkadsalad kan a lihim ni Satanas,’ ay awan kudán dagdagen ti dágge.