Gimet 15:22 - U Maganda A Baheta Ni Jesu-Cristo

²² Kanya nagkasundu u apostol hide, u pupuno hide, sakay u atanan a mánnampalataya a magpile tu sangan nide para paangayán ti Antioquia, a kaguman di Pablo sakay ti Bernabe. U napile a paangayán hod ay u kákkapatkákka, a ti Judas a ngángngahanan a Barsabas, sakay ti Silas. Hide ay duwwa tu pinuno nu mnnampalataya ti Jerusalem.

Gimet 15:22 ပူးပေါင်းရင်းမြစ်များ

Gimet 1:23

Kanya nangpile hide ti duwwa a lállake a pagpiliyan de: ti Matias sakay ti Jose a ngángngahanan de a Barsabas sakay Justo.

Gimet 11:19

Nadid, u mánnampalataya hide ay minawatak-watak dipo tu págpahirap nide sapul nikuna mabuno ti Esteban. Te nakademát ti Fenicia, ti Chipre hanggan ti Antioquia. Maskin hadya demáttán diyay ay ipáppangaral de u Maganda a Baheta pero tu Judio la hide.

Gimet 11:20

Pero u iba tu mánnampalatay hide a taga-Chipre sakay taga-Cirene, a immangay ti Antioquia sakay nangaral be tu Griego hide tu Maganda Baheta tungkul tu Panginoon a ti Jesu-Cristo.

Gimet 11:22

Nabaheta iye nu mánnampalataya hide ti Jerusalem, kanya pinaangay de ti Antioquia ti Bernabe.

Gimet 11:27

Nadid ti panahunan itod ay te dimmemát a sangan a prupeta hide ti Antioquia a gábwat ti Jerusalem.

Gimet 15:23

Impatawed de u sulat a konna he: “Hikame a apostol hide sakay pupuno hide ay mangumusta tu kákkapatkákka tam a Hentil ti Antioquia, ti Siria sakay ti Cilicia.

Gimet 15:25

Kanya namágkaessaan me a nangpile ti tolay a paangayan mi hina. Kaguman hide nu mahal tam a kákkapatkákka a ti Bernabe sakay ti Pablo,

Gimet 15:27

Pinaangay me hina di Judas sakay ti Silas para ipaliwanag nikam u nakasulat he.

Gimet 15:3

Kanya pinahektat ngane nu mánnampalataya hide di Pablo. Tu káhhoyot de ti Fenicia sakay ti Samaria ay imbaheta de tu kákkapatkákka hod a makpal dán a mánnampalataya a Hentil. Minasaya u mánnampalataya hide ti bahetaan itod.

Gimet 15:30

Kanya pinahektat di dán u umangay hide ti Antioquia. Káddemat di hod ay pinisan de u atanan a mánnampalataya hide sakay inyatád de u sulat.

Gimet 15:32

Sakay di Judas sakay ti Silas a prupeta be ay makpal a intoldu tu mánnampalataya hide a nangpabegsak tu isip de sakay nángpatibay tu pánnampalataya de.

Gimet 15:40

Pero pinile ni Pablo ti Silas; sakay limmakad káttapos a idasal nu mánnampalataya hide a ingatan hide nu Panginoon.

Gimet 16:19

Nikuna ketan nu amo na hide a nawanan dán hide ti pagkakitaan ay intoglad de ti Pablo sakay ti Silas sakay inyangay de hide tu matolay a lugar para iyatubang tu pinuno hide nu banuwan.

Gimet 16:25

Pero nikuna bállog dán ni gibi ay nagdasal di Pablo sakay ti Silas sakay nágkansiyon hide ti papure sakay págsamba tu Diyos. U agum a pireso ay mágsaneg nide.

Gimet 16:29

Nák-aged ti sulo u guwardiya sakay mágpapágpággán a nagginan a simmáddáp sakay limmuhud tu atubang di Pablo ay ti Silas.

Gimet 17:10

Ti itod labe a gibi ay pinaangay nu mánnampalataya hide ti Pablo sakay ti Silas tu banuwan a Berea. Káddemát di hod ay simmáddáp hide tu sinagoga nu Judio hide.

Gimet 17:14

Pagdaka a inyangay nu mánnampalataya hide ti Pablo tu bihebi nu diget, pero nagwahak di Silas ay ti Timoteo ti Berea.

Gimet 17:4

Naniwala sakay nákkuyog di Pablo ay ti Silas u sangan nide, konna be tu tányag hide a bábbey sakay u Griego hide a makadiyos.

Gimet 18:5

Nikuna dimmemát di Silas sakay ti Timoteo a gábwat ti Macedonia, inyatád dán ni Pablo u buo na a odas tu pángngaral sakay magpatunay tu Judio hide a ti Jesus u Cristo.

Gimet 8:14

Nikuna nabaheta nu apostol hide a mámmágyan ti Jerusalem a tinanggap nu Samaritano hide u Upos nu Diyos ay inutusan de a angay hod di Pedro sakay ti Juan.

2 Corinto 1:19

Hikame ay di Silvano sakay Timoteo ay nangaral nikam tungkul ni Jesu-Cristo a anak nu Diyos. Sakay tukoy moy a ti Cristo ay tapat tu upos na. Talaga a tupadán na u panantu na.

1 Tesalonica 1:1

Hikán ti Pablo sakay kaguman ku he di Silas ay ti Timoteo a summulat nikam a mánnampalataya hide a taga-Tesalonica, sakay sakup nu Diyos a Ama sakay nu Panginoon a ti Jesu-Cristo. Magkahod kam nakwa ti págpapala sakay kapayapaan a gábwat tu Diyos.

2 Tesalonica 1:1

I sulatan iye ay gabwat nikan a ti Pablo, sakay kaguman ko di Silas ay ti Timoteo. Tu Simbaan ti Tesalonica, mákkumusta kame nikam a mánnampalataya hide a taga-Tesalonica, a pinile nu Diyos Ama sakay u Panginoon tam a ti Jesu-Cristo.

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.