Gimet 14:15 - U Maganda A Baheta Ni Jesu-Cristo

¹⁵ “Dyan moy ina gimitán, tolay kami labe a konna nikam! Katoy kame he para ipangaral me nikam u Maganda a Baheta tánni adággen moy dán ina hide a gimet a awan ti pinagseserbiyan sakay sumole kam tu biyag a Diyos a nanggimet tu langet, tu luta, tu diget, sakay u atanan a katoy hod.

Gimet 14:15 ပူးပေါင်းရင်းမြစ်များ

Mateo 16:16

Timmábbeg ti Simon Pedro, “Hiko u Cristo, u Anak nu Diyos a biyag.”

Juan 5:26

U Ama mismo u pinaggabwatan nu biyag. Sakay u Anak ay inatádden na be ti kapangyariyan a paggabwatan nu biyag.

Juan 7:18

U magtoldu a ayun la tu sadile na a kagustuwan ay u gusto nala ay puriyán siya ni tolay. Pero u magtoldu a inutusan nu Diyos ay u gusto na ay mapure u Diyos. Sakay u págtoldu na ay tama, bakán a kakabuliyan.

Gimet 10:26

Pero kinagi ni Pedro, “Tumaknág ka. Tolayák labe a kapareho mo.”

Gimet 13:32

Katoy kami he para ibaheta nikam u Maganda a Baheta. Iye u pananto nu Diyos tu nuno tam hide.

Gimet 14:21

Nikuna mepangaral di Pablo sakay ti Bernabe u Maganda a Baheta ti Derbe ay makpal hide a naakit a summampalataya. Káttapos ay nagsole hide ti Listra, ti Iconio, sakay ti Antioquia a lugar ti Pisidia.

Gimet 16:30

Inluwas na hide sakay tinanung na hide, “Ánya u dapat ko a gimitán tánni maligtasák?”

Gimet 27:10

Kinagi na, “Kakagumanan ko hide, ti palagay kuwáy ay dilikadu kitamon a magbiyahe, masayang la i kargaáy hide sakay i abingáy sakay dilikadu pa i biyag tamáy.”

Gimet 27:21

Nanalay kami dán a awan ti kákkan, kaya timmaknág ti Pablo sakay kinagi na, “Kakagumanan ko hide, ni nágsaneg kamla nakwa nikán a dyan kitamon lumakad ti Creta ay awan nakwa iye nangyare nikitam a kahirapan sakay kákkawan nu karga tam hide.

Gimet 27:25

Kanya begsákkán moy isip moye, kakaguman ko hide! Dipo maniwalaák tu Diyos a mangyare u atanan ayun tu kinagi na nikán.

Gimet 4:24

Pákkasaneg hod nu mánnampalataya hide ay nagkaessa hide a nagdasal, “Panginoon, hiko u nanglalang tu langet, tu luta, tu diget sakay tu atanan a bagay a katoy hod.

Gimet 7:26

Tu sumunud a aldew ay tehhod siya a netan a duwwa a Israelita a magdima, nadid pilit na hide a sawayán, ‘kakagumanan ko hide,’ kagi na, ‘Bakin magdima kam? Pareho kam pabe a Israelita.’

1 Corinto 8:4

Kaya tungkul tu makan a nealay tu diyos-diyosan hide, tukoy tam a awan tatahoden iye hide a diyos. Sakay tukoy tam be a eessa u Diyos.

Efeso 4:17

Tu ngahan nu Panginoon, kagiyán ko iye nikam: dyan kamon mabiyag a konna tu tolay a awan nakatengge tu Diyos. Awan ti seserbi u áisipán de.

1 Tesalonica 1:9

Dipo hide dán a mismo u nágbaheta tu maganda moy a pángtanggap nikame. Sakay hide dán be u nágbaheta ni kodya moy a inadággen u pagsamba tu diyos-diyosan hide tánni sumunud tu tatahoden sakay biyag a Diyos.

1 Timoteo 3:15

ni mara awanák makademát a pagdaka ay tukoy mu dán u dapat a ugale nu tolay hide a kabilang dan tu pamilya nu biyag a Diyos. Dipo intiwala nikitam u tatahoden tungkul ni Cristo a kuman a hikitam u adigi sakay pundasyon nu tatahoden.

Hebreo 3:12

Kanya magingat kam kákkapatkákka ko, a awan magkahod ti madukás a isip sakay mawanan ti pánniwala a magin dahilan nu káadág moy tu biyag a Diyos.

Santiagu 5:17

Konna ni Elias, maskin prupeta siya ay tolay padi siya a konna nikitam. Pero nikuna a nagdasal siya a dyan nakwa maguden, ay awan ngane naguden ti tállo a taon ay ti kalahate.

Pahayag 14:7

Sakay kinagi na ti mabegsák, “Magkahod kam ti ánteng tu Diyos, sakay parangalan moy siya! Dipo dimmemát dán u odas nu pághatul na. Sambaán moy u Diyos a nanglalang tu langet, tu luta, tu diget, sakay tu hábwayan hide!”

Pahayag 19:10

Limmuhudák tu atubang na para sumamba nikuna, pero kinagi na nikán, “Dyan mo ina gimitán! Dipo kaparehuwák mu labe a tagapagserbi, konna tu kákkapatkákka hide a nagpahayag tungkul ni Jesus. U Diyos u dapat mo a sambaán! Dipo u tatahoden a intoldu ni Jesus ay impahayag nu prupeta hide tu pamamag-itan nu kapangriyan nu Banal a Ispirito.”

Pahayag 19:19

Sakay netan ko a namággipun u makaánteng a hayup, u hare hide ti munduway, sakay u sundalo de hide tánni geraán de u mágkabayo sakay u sundalo na hide.

Pahayag 22:9

Pero kinagi na nikán, “Dyan mo ina gimitán! Tagapagserbiyák labe a kapareho mo, konna tu kákkapatkákka mo a prupeta, sakay u atanan a mangsunud tu upos hide ti libruwan iye. U Diyos i sambaán muway!”

Pahayag 4:11

“Karapat-dapat ka a tumanggap ti papure, pággalang, sakay kapangyariyan, Panginoon me a Diyos; Dipo hiko u nanglalang tu atanan a bagay. Sakay ayun tu kagustuwan mo ay nilalang mo hide sakay pinanatile ti iye.”