Gimet 14:1 - U Maganda A Baheta Ni Jesu-Cristo

¹ Nadid, tu banuwan a Iconio ay konna bi hod u ginimet di Pablo ay ti Bernabe. Immangay hide tu sinagoga nu Judio hide sakay nangaral kanya makpal a Judio sakay Griego u summampalataya.

Gimet 14:1 ပူးပေါင်းရင်းမြစ်များ

Markos 7:26

I itod a bábbey ay bakán a Judio, nan taga-Sirofenicia siya. Nákkekagbi siya ni Jesus a palakadán na u mágkadukás a ispirito tu anak na.

Juan 12:20

Tehhod be a sangan a Griego a immangay tu kasayaan nu Aldew nu Pagtaleb para sumamba.

Juan 7:35

Namágtanungan u pinuno nu Judio hide, “Hádya wád plano naay a angayan ta awan tam kanon siya ketan? Angay wád siya tu lugar nu Griego hide, ni hádya a nekalat u kákkapatkákka tam a Judio, para magtoldu tu Griego hide?

Gimet 11:21

U kapangyariyan nu Panginoon ay katoy nide sakay makpal a naniwala sakay nanalig tu Panginoon.

Gimet 13:43

Káttapos nu pamággipun-ipun ay immunonod di Pablo sakay ti Bernabe u mákpal a Judio sakay u bakán hide a Judio a nák-agum tu rilihiyon nu Judio hide. Kinauhon hide nu apostol hide sakay pinayuwan a itulos-tulos di la a magtiwala tu kabaitan nu Diyos.

Gimet 13:46

Pero tunay ti begsák u isip di Pablo sakay ti Bernabe a nagupos, “Dapatay ay hikam pa u purumero me a pángpakapospusan tu Upos nu Diyos. Pero dipo awan moy tinanggap iye, impeta moy a awan kam karapat-dapat tu biyag a awan ti kahád, kanya angay kame dálla mangaral tu bakán hide a Judio.

Gimet 13:5

Nikuna dummemát hide ti Salamina ay inpangaral de u Upos nu Diyos tu sinagoga nu Judio hide. Sakay kakaguman di ti Juan, a ngángngahanan di a Markos a timmulung nide.

Gimet 13:51

Kanya impagpag nu duwwa u alikabuk tu tikád de ti itod a banuwan bilang tanda a awan dán hide ti pananagutan nide, sakay immangay hide ti Iconio.

Gimet 14:19

Pero te dummemát a Judio hide a gábwat ti Antioquia sakay ti Iconio. Sakay sinulsulan de u tolay hide ti Listra a kumontara ni Pablo kaya binábbatikal di siya. Káttapos ay binehbeh di siya a paluwas tu banuwan tu buung akala de a patay dán.

Gimet 14:2

Pero u ginimet nu Judio hide a awan summampalataya ay sinida de u mánnampalataya hide tu awan summampalataya a Hentil, sakay sinulsulan de hide a kumontara tu mánnampalataya hide.

Gimet 14:21

Nikuna mepangaral di Pablo sakay ti Bernabe u Maganda a Baheta ti Derbe ay makpal hide a naakit a summampalataya. Káttapos ay nagsole hide ti Listra, ti Iconio, sakay ti Antioquia a lugar ti Pisidia.

Gimet 16:1

Immangay be ti Pablo tu banuwan a Derbe sakay ti Listra. Tehhod hod a mánnampalataya a u ngahan na ay ti Timoteo a anak nu essa a bábbey a Judio a mánnámpalataya, pero u ama na ay essa a Griego.

Gimet 16:2

Igággalang nu atanan a mánnampalataya a taga-Listra sakay taga-Iconio ti Timoteo.

Gimet 17:12

Makpal u summampalataya hod a Judio konna be tu Griego hide, puro a kalállakeyan sakay kabábbiyan a tanyag ti itod a lugar.

Gimet 17:17

Kanya nákpagpaliwanagan siya tu sinagoga hide hod, tu Judio hide sakay tu maka-diyos hide a tolay, sakay maskin deya u matagbu na tu matolay a lugar aldew-aldew.

Gimet 17:4

Naniwala sakay nákkuyog di Pablo ay ti Silas u sangan nide, konna be tu tányag hide a bábbey sakay u Griego hide a makadiyos.

Gimet 18:4

Sakay kada Aldew nu Káimang ay angay mákpagpaliwanagen ti Pablo tu Judio hide sakay Griego tu sinagoga tánni maakit na hide a atanan a sumampalataya.

Gimet 18:8

Ti Crispo a pinuno nu sinagoga sakay tu buo na a pamilya ay summampalataya tu Panginoon. Sakay makpal pa a taga-Corinto a nágsaneg ni Pablo u summampalataya sakay nagpabawtismo.

Gimet 19:10

Nagnalay siya hod ti duwwa a taon, kanya u tolay hide a mágyan ti Asia ay nakasaneg tu Upos nu Diyos, Judio man oni Griego.

Gimet 19:17

Nabaheta iye nu atanan a mágyan ti Efeso, Judio ay ti Griego; kanya nanteng hide a atanan sakay pinure de u ngahan nu Panginoon a ti Jesus.

Gimet 19:8

Mággangay ti Pablo tu sinagoga tu luub nu tállo a bulan sakay mabegsak u isip na a nangaral tu tolay hide. Nákpagtábbegen siya sakay impaliwanag na nide u tungkul tu pághare nu Diyos.

Gimet 2:47

sakay pirme hide a magpure tu Diyos sakay igalang hide nu tolay hide. Kada aldew ay tehhod a iligtas u Diyos sakay idagdag na hide tu grupo nu manampalataya hide.

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

Gimet 21:28

Ipáppákhaw de, “Kalugaran me hide, tulungan moy kame! Iye a tolay u mágtatolduwán ti kontara tu bansa a Israel, kontara tu Kautusan ni Moises, sakay kontara tu templo, maskin hádya siya a dumemát. Nangkuyog pa siya ti Griego hide tu templo; dinangáttan na iye a banal a lugar.”

Gimet 9:20

Sakay simmáddáp siya tu sinagoga hide sakay nagtoldu tungkul ni Jesus, kinagi na, a siya u anak nu Diyos.

Roma 1:16

Awanák masanike a mángbaheta tu Maganda a Baheta tungkul ni Cristo, dipo sa iye u kapangyariyan nu Diyos tánni maligtas u atanan a mánnampalataya, dipalongo tu Judio hide sakay tu Griego hide.

Roma 10:12

Awan ti pagkakaiba u Judio hide sakay u Hentil hide. Eessa la u Panginoon nu atanan sakay siya u mangatád tu makpal a pagpapala tu atanan a dumulaw nikuna.

Galacia 2:3

Maski ni Griego u kaguman ko a ti Tito ay awan de pinilit a magpature.

Galacia 3:28

Awan dán ti pagkaibaan u Judio hide sakay u Griego hide, u alipin sakay u malaya hide, u lállake sakay u bábbey hide. Eessa kamon a atanan dipo tu pákpagkaessa moy ni Jesu-Cristo.

Colosas 3:11

Kanya awan dán ti pagkakaiba u Griego sakay u Judio, u ture sakay u awan ture, ute nagadalan sakay oni awan ti nagadalan, u alipin sakay tu tolay a malaya. Para ni Cristo, awan ti pagkakaiba u atanan, dipo siya ay para tu atanan.

2 Timoteo 3:11

Tukoy-tukoy mo u atanan a pággusig sakay hirap, a dinanas ko ti Antioquia, Iconio sakay ti Listra. Tiniis ko u hirap hide a iye pero inligtasák nu Panginoon tu atanan a iye.