Gimet 13:41 - U Maganda A Baheta Ni Jesu-Cristo

⁴¹ ‘Hikam a makán upusán ti mágkadukás kontara tu Diyos, Magtaka kam sakay mepahamak! Dipo gimitán ko tu kapanahunan moy u essa bagay a awan moy mapaniwalaan maskin ipakapospos di nikam!’”

Gimet 13:41 ပူးပေါင်းရင်းမြစ်များ

Lukas 16:14

Nikuna masaneg iye nu Pariseo hide ay kinatawaan de ti Jesus dipo masássohan hide ti pilak.

Lukas 23:35

Mágtáknág hod u tolay hide a mággeleng, mentaras a sássestiyan siya nu puno hide nu banuwan. Kinagi de, “Inligtas na u agum, nadid ni talaga a siya u Cristo a pinile nu Diyos ay iligtas na be i sadile nae!”

Gimet 13:47

Dipo sa iye u inyutus nikame nu Panginoon, ‘Indátton taka a magin demlag nu Hentil hide Tánni mebaheta mo u kaligtasan hanggan tu kaontok-ontukan ni munduway.’”

Gimet 22:21

Pero kinagi nikán nu Panginoon, ‘Lumakad ka dán dipo paangayán taka tu adeyo a lugar, tu Hentil hide.’”

Gimet 3:23

U awan hide sumunud ti iye a prupeta ay ibukod nu Diyos tu pinile na hide sakay puksaán.’

Gimet 6:14

Nasaneg me a kinagi ni Jesus a taga-Nazaret a sidaán na u Templo, sakay palitan na u kaugalian a inpamana nikitam ni Moises.”

1 Tesalonica 2:16

Pilitán di kame a pugáddan tánni awan me mepangaral u Maganda a Baheta nu kaligtasan tu Hentil hide. Naputat dán hide ti kasalanan, kaya nadid ay meangay dán nide u iyamut nu Diyos.

1 Pedro 4:17

Nadid, adene dán a dumemát u panahun nu pághatul nu Diyos. Tu pághatul na ay idipalongo na a hatulan u pinile na hide. Ni hikitam a anak na idipalongo naay a hatulan ay tunay ti dágge u parusa a maguhay tu tolay hide a awan maniwala tu Maganda a Baheta a gábwat tu Diyos.