Gimet 13:39 - U Maganda A Baheta Ni Jesu-Cristo

³⁹ Sakay u atanan nu summampalataya hide nikuna ay napatawad dán tu atanan nu kasalanan de a awan mapatawad maski tu págsunud tu Kautusan hide ni Moises.

Gimet 13:39 ပူးပေါင်းရင်းမြစ်များ

Lukas 10:25

Nadid, immadene ni Jesus u essa a maisto nu Kautusan tánni purbaan siya, “Maisto,” kagi na, “Ánya u dapat ko a gimitán tánni magkahodák ti biyag a awan ti kahád?”

Lukas 10:28

“Tama u tábbeg mo,” kagi ni Jesus. “Gimitán mo ina, tánni magkahod ka ti biyag a awan ti kahád.”

Lukas 18:14

Kagiyán ko nikam, iye a lállake ay simmole a kinasayaan nu Diyos, pero awan na kinasayaan u essa. Dipo u mánglangkaw tu sadile na ay mebaba, pero ni ti deya man u magpakababa ay melangkaw.”

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Gimet 10:43

Siya u kákkagiyán nu prupeta hide nikuna ipahayag de a, ‘Ni deya man u maniwala nikuna ay patawadán na u kasalanan de tu pamamagitan nu ngahan na.’”

Roma 10:10

Dipo imbilang nu Diyos a awan ti kasalanan u tolay a sumampalataya nikuna ti buo a puso. Sakay ni ipahayag na a siya ay sumampalataya, maligtas siya.

Roma 10:4

Dipo awan de tukoy a ti Cristo u katupaden nu Kautusan. Dipo tu ginimet na, u atanan a manampalataya nikuna ay imbilang nu Diyos a awan ti kasalanan.

Roma 3:19

Nadid, tukoy tamon a atanan a kinagi tu Kautusan ay para nikitam a Judio hide a sakup nu Kautusan, tánni awan ti me dahilan u ti deyaman a awan siya dapat maparusaan. U atanan a tolay ti munduway ay managut tu Diyos.

Roma 3:20

Dipo awan ni ti deyaman u ibilang nu Diyos a awan ti kasalanan tu pamamag-itan nu kássunud tu Kautusan. Nan u Kautusan u mángpeta tu kasalanan nu tolay.

Roma 4:15

U Kautusan u dahilan ni bakin tehhod a parusa a gábwat tu Diyos. Dipo ni awan ti Kautusan ay awan be ti págsuway.

Roma 4:24

nan para be nikitam. Nebilang kitam a awan ti kasalanan dipo tu pánnampalataya tam tu Diyos a nangbiyag a huway tu Panginoon tam a ti Jesus.

Roma 5:1

Kanya nadid ay imbilang kitamon nu Diyos a awan ti kasalanan dipo tu pánnampalataya tam tu Panginoon tam a ti Jesu-Cristo, kanya tehhod kitamon a maganda a rilasyon tu atubang nu Diyos.

Roma 5:20

U Kautusan ay inyatád nu Diyos tánni ketan nu tolay a makpal u kasalanan de, sakay nadag-dagen pa dipo tu Kautusan. Pero maski ni nadag-dagen u págsuway ay mas lalo a nadagdagen u habag nu Diyos.

Roma 5:9

Sakay nadid ay nebilang kitamon a awan ti kasalanan tu pamamag-itan nu dige ni Cristo, kanya siguradu dán u kaligtasan tam tu parusa nu Diyos dipo ni Cristo.

Roma 8:1

Kanya nadid, ay awan dán mahatulan ti kaparusaan u katoy ni Cristo Jesus.

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

Roma 9:31

Pero u Judio hide a nagsikap a meturing a awan ti kasalanan tu pamamag-itan nu kássunud de tu Kautusan ay awan nagtagumpay.

1 Corinto 6:11

Konna hina u agum nikam tu itod. Pero nalinis kamon tu kasalanan moy hide sakay netalaga kamon tu Diyos. Napatawad kamon tu ngahan nu Panginoon tam a ti Jesu-Cristo sakay tu Banal a Ispirito nu Diyos.

Galacia 2:16

Pero tukoy me a imbilang dán nu Diyos u tolay a awan ti kasalanan tu pamamag-itan nu pánnampalataya na ni Jesu-Cristo bakán a tu kássunud tu kautusan. Kanya ngane, summampalataya kami be ni Jesu-Cristo tánni meturing kame a matuwid tu pamamag-itan nu pánnampalataya nikuna, bakán a tu kássunud tu kautusan. Dipo awan ni ti deyaman u meturing a matuwid tu pamamag-itan la nu kássunud tu kautusan.

Galacia 2:19

U tatahoden tu pamamag-itan a mismo nu Kautusan ay natukuyan ko a awan dán ti kapangayarihan u Kautusan nikán kaya malayaák dán a mabiyag para tu Diyos.

Galacia 3:8

Bagu pa iye a nangyare ay kinagi dán nu kasulatan a ituring nu Diyos a matuwid u Hentil hide tu pamamag-itan nu pánnampalataya de nikuna, sakay iye a Maganda a Baheta ay inpakapospos na ni Abraham, “Tu pamamag-itan mo ay pagpalaán nu Diyos u atanan a bansa.”

Galacia 5:3

Huwayán ko a kagiyán, pakatandaan moy a ni magpature kam para magin katanggap-tanggap tu Diyos, obligadu kam a sumunud tu Kautusan.

Hebreo 10:11

Balang saserdote ay aldew-aldew a magserbi sakay magalay ti konna labe hod a alay, pero awan labe itod hide makaibut ti kasalanan.

Hebreo 10:4

Dipo u dige nu lállake hide a baka sakay nu kambing hide ay awan makapang-ibut tu kasalanan hide nu tolay.

Hebreo 7:19

Dipo awan ti magin ganap tu pamamag-itan nu Kautusan ni Moises. Pero mas maganda u bigu a pag-asa a tinanggap tam nadid, dipo makaadene kitamon tu Diyos.