Gimet 13:38 - U Maganda A Baheta Ni Jesu-Cristo

³⁸ Dapat moy a matukuyan kákkapatkákka ko hide a tu pamamag-itan ni Jesus ay napatawad dán u kasalanan tam.

Gimet 13:38 ပူးပေါင်းရင်းမြစ်များ

Mateo 1:21

Magenak siya ti essa a lállake, u ingahan mo nikuna ay Jesus dipo siya u mángligtas tu tolay na hide tu kaparusaan nu kasalanan de.”

Lukas 24:47

Tu pamamag-itan nu ngahan na, u págsise sakay kapatawadan nu kasalanan ay dapat a ipangaral tu atanan a bansa, sapul ti Jerusalem.

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

Gimet 10:43

Siya u kákkagiyán nu prupeta hide nikuna ipahayag de a, ‘Ni deya man u maniwala nikuna ay patawadán na u kasalanan de tu pamamagitan nu ngahan na.’”

Gimet 2:14

Nadid, dipo tu kinagi de ay timmáknág ti Pedro kaguman u sapulo ay ti essa a apostol sakay nagupos siya ti mabegsák. Kinagi na, “Hikam a kasa Judio ko hide, sakay hikam a taga-Jerusalem, mágsaneg kam nikán, dipo kagiyán ko ni ánya i gustuway a kagiyán ni iye hide a bagay.

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Gimet 28:28

Kinagi pa ni Pablo, “Kanya nadid gustu ko a matukuyan moy a iye a impakapospos ko nikam tungkul tu kaligtasan a gubwát tu Diyos ay impáppangaral dán tu Hentil hide sakay hide pa u naniwala ti iye!”

Gimet 4:10

gusto ko a matukuyan moy a atanan sakay konna be nikam a lahe ni Israel a itolayan iye a mágtaknág tu atubang moy ay nagpiyya dipo tu kapangyariyan ni Jesu-Cristo a taga-Nazaret. Siya u impaku moy tu kudus sakay binuno moy, pero biniyag siya a huway nu Diyos.

Gimet 5:31

Inyangay siya nu Diyos ti langet sakay inatádden ti kataasan a katungkulan a makaguman na a maghare ti langet. Siya u Mangsakup sakay Mángligtas nikitam. Ginimet itod nu Diyos tánni magkahod ti págkakataun u lahe hide ni Israel a magsise sakay mangaged ti tawad tu kasalanan de hide tánni mapatawad hide.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Efeso 4:32

Nan magin mabait kam sakay makákkagbiyán tu balang essa sakay magpatawadan kam konna tu págpatawad nikam nu Diyos tu pamamag-itan ni Cristo.

Colosas 1:14

Tu pamamag-itan nu Anak na, ay napalaya sakay napatawad kitamon tu kasalanan tam hide.

Hebreo 8:6

Pero u tungkulin a neatád ni Jesus, ay mas dakila nan u neatád a tungkulin tu agum a saserdote. Dipo siya u mángtaknág tu bigu a kasunduwan a mas maganda, sakay pinatibay iye nu Diyos tu pananto na.

Hebreo 9:22

Ayun tu Kautusan, halus atanan a kagamitan tu págsamba tu tolda ay mebilang a malinis tu pamamag-itan nu dige. Sakay awan mapatawad u kasalanan ni awan ti mebuhos a dige bilang alay tu Diyos.

1 Juan 2:12

Magsulaták nikam a anak ko hide, dipo pinatawad dán nu Diyos u kasalanan moy dipo tu ginimet ni Cristo.