Gimet 13:29 - U Maganda A Baheta Ni Jesu-Cristo

²⁹ Sakay nikuna matupad di dán u atanan nu nakasulat tungkul nikuna ay inyogsad di siya tu kudus sakay inlábbáng.

Gimet 13:29 ပူးပေါင်းရင်းမြစ်များ

Markos 15:42

Nikuna a mágdiha-diham dán ay dummemát ti Jose a taga-Arimatea, essa siya a igággalang a miyembro nu Sanedrin. Maguhay be siya tu káddemát nu pághare nu Diyos. Dipo tu itod ay aldew nu pághanda, oni dispiras nu Aldew nu Káimang ay nagbegsák isip siya a ummadene ni Pilato para agidán na u bangkay ni Jesus.

Lukas 23:50

Nadid, te essa a lállake a Jose u ngahan na. Taga-Arimatea siya a sakup nu banuwan nu Judea. Mabait sakay malinis iye a tolay sakay kaguman tu maguhay hide tu paghare nu Diyos. Maski ni kagawad siya nu Sanedrin ay awan siya sang-ayun tu ginimet de ni Jesus.

Lukas 23:53

Nikuna meogsad dán u bangkay ay binalutan na ti damit a lino sakay indátton na tu páglábbánggan a kumán a kuweba awan palla itod napaglalábbángngan.

Lukas 24:44

Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”

Juan 19:28

Tukoy ni Jesus a natapos na dán u atanan a tarabaho na, sakay tán matupad u katoy tu Kasulatan ay kinagi na, “Mauwawák.”

Juan 19:30

Nikuna a masápsáp dán ni Jesus u alak ay kinagi na, “Natapos dán.” Indukog na u ulo na sakay nabágsutan siya ti angás.

Gimet 13:27

Awan tinengge nu taga-Jerusalem hide sakay u puno de hide a ti Cristo u Tagapagligtas. Maski u Kasulatan a hula nu prupeta hide a bábbasaán de kada Aldew nu Káimang nu Judio hide ay awan de naintendiyan. Hide pa u nángpatupad ti hulaan itod nikuna hatulan de ti kamatayan ti Jesus.

Gimet 2:23

Sapul pa tu sapul ay tukoy dán nu Diyos a ti Jesus ay iyatád na nikam, kanya ayun tu karunungan na ay pinayagen na a impepako moy sakay pinabuno tu makasalanan hide a tolay.

Gimet 26:22

Pero maskin nikan ay awanák pinabayan nu Diyos, kanya katoyák he nadid a magpatunay tungkul nikuna tu atanan a tolay, mababa man oni u mágkataas hide a tolay. Awanák ti itáttoldu ni awan u kinagi la nu prupeta hide sakay ni Moises,

Gimet 4:28

Tu ginimet de ay natupad dán u balak mo tu itod. Sakay nangyare iye tu kapangyariyan mo sakay tu kagustuwan mo.

Gimet 5:30

U Diyos nu nuno tam hide u nangbiyag a huway ni Jesus a binuno moy nikuna impepako moy tu kudus.

1 Corinto 15:4

Nelábbang siya sakay nabiyag a huway tu katállo a aldew, sigun be tu Kasulatan.