Gimet 13:25 - U Maganda A Baheta Ni Jesu-Cristo

²⁵ Sakay nikuna adene dán a matapos ti Juan tu gimet na ay kinagi na tu tolay hide, ‘Ti deyaák beman tu palagay moy? Bakán a hikán u Cristo. Pero dumemát siya a kasunud ko. Sakay awanák karapat-dapat maskin tagaibut tu sandalyas na.’”

Gimet 13:25 ပူးပေါင်းရင်းမြစ်များ

Mateo 3:11

Bawtismuwan ko ti dinom u tolay hide bilang tanda nu págsisi de pero u Tagapagligtas a dumemát ay mas makapangyariyan nan nikán. Awanák pa ngane karapatdapat a magin utusan na a tagatawed nu sapatus na. Siya u magbawtismo nikam tu Banal a Ispiritu sakay tu apoy.

Markos 1:7

Konna he u kákkagiyán na tu tolay hide, “U dumemát a kasunud ko ay mas makapangyariyan nan hikán. Awanák karapat-dapat a mangibut tu sinelas na.

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

Juan 1:34

Netan kudán ngane siya a mismo, sakay páppatunayan ko a siya u anak nu Diyos.”

Juan 1:36

Nikuna a ketan na ti Jesus a magtaleb ay kinagi na, “Atoy dán u Tupa nu Diyos!”

Juan 4:34

Kinagi ni Jesus nide, “U kanán ko ay u kássunud tu kaluuban nu nángpaangay he nikán, sakay u pángtupad tu pagimet na.

Juan 7:18

U magtoldu a ayun la tu sadile na a kagustuwan ay u gusto nala ay puriyán siya ni tolay. Pero u magtoldu a inutusan nu Diyos ay u gusto na ay mapure u Diyos. Sakay u págtoldu na ay tama, bakán a kakabuliyan.

Gimet 13:36

Nikuna masunud dán ni David u atanan a kagustuwan nu Diyos ay natay siya sakay nelábbáng a kaguman nu ninunu na hide sakay nahunot.

Gimet 19:4

Kanya kinagi ni Pablo, “U bawtismo ni Juan ay para tu tolay hide a nagsise dán tu kasalanan de. Pero kinagi nabe tu tolay hide a kailangan de a manampalataya tu dumemát a kasunud na a awan ti iba nan ti Jesus.”

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

2 Corinto 4:5

Bakán a u sadile me u ipáppangaral me nan ti Cristo Jesus a Panginoon tam. Nagserbi kame nikam dipo tu págmahal me ni Cristo Jesus.

2 Timoteo 4:7

Ginimet ko u atanan a makaya ko para tupadán u tungkulin a intiwala nikán nu Diyos konna tu essa a mággayam a nagginan ti mahusay hanggan a natapos u karera. Nadid nagimet ku dán u tarabaho a inyatád nikán nu Diyos. Sakay nanatiliyák a tapat tu pánnampalataya ni Cristo.

Pahayag 11:7

Sakay káttapos de a magbaheta tu upos nu Diyos ay umawas tu ábbut a tunay ti kadsalad u essa a makaánteng a hayup sakay mákpaglaban nide. Matalo hide sakay mabuno nu hayup.