Gimet 13:13 - U Maganda A Baheta Ni Jesu-Cristo

¹³ Nadid, limmakad di Pablo sakay tu kaguman na hide ti Pafos, sakay bimmiyahe hide a paangay ti Perga a sakup ni Panfilia. Kaddemat di hod ay himmiwalay nide ti Juan, a ngángngahanan a Markos, sakay nagsole ti Jerusalem.

Gimet 13:13 ပူးပေါင်းရင်းမြစ်များ

Gimet 12:12

Nikuna maisip na u atanan a nangyare ay immangay siya tu bilay ni Maria a ina ni Juan a ngángngahanan de a Markos Makpal hod a mánnampalataya a napisan-pisan a mágdadasalán.

Gimet 15:36

Kállipas nu sangan a aldew ay kinagi ni Pablo ni Bernabe, “Angen ta soliyán sakay bisitaán u kákkapatkákka tam hide tu banuwan hide a nangaralan ta tu Upos nu Panginoon. Sakay ilingán ni anya dán i kalagayan diyay.”

Gimet 15:38

Pero umád ni Pablo a kuyugán ti Markos dipo awan siya nákpagtulos-tulos tu tarabaho de ni awan nákhiwalay nide ti Panfilia.

Gimet 2:10

Tehhod pa nikitam a taga-Frigia sakay Panfilla, Egipto sakay u lugar hide a sakup ni Libia a adene ti Cirene. Katoy bihod u taga-Roma hide u Judio sakay u naakit hide tu rilihiyon de.

Gimet 27:13

Nikuna bumugso dán u mahina a pahás a gábwat ti abagatan ay inakala de a maare kami dán a bumiyahe. Kanya insangpa di dán u angkla sakay nagbiyahe kame a namihebi ti Creta.

Gimet 27:5

Nagtaleb kame tu tapat nu Cilicia sakay ti Pamfilia, sakay nakademát kame ti Mira, essa a banuwan nu Licia.

Colosas 4:10

Kumustaán kambe ni Aristarco a kaguman ko be a nakapireso, sakay ti Markos a pensan ni Bernabe. (Konna tu imbilin ko nikam tu itod tungkul ni Markos, tanggapán moy siya ti mahusay káddemát na hina.)

2 Timoteo 4:11

Ti Lukas dálla i nawahakay a kaguman ko nadid, ehyukán mo ti Markos sakay ikuyog mu he, dipo dakál u metulung na tu pagserbi ku he tu Panginoon.