Gimet 13:11 - U Maganda A Baheta Ni Jesu-Cristo

¹¹ Kaya maparusaan ka nadid! Mabuhák ka hanggan tu aldew a intakda nu Diyos!” Kaya pagdaka a nabate ni Elimas a kumán a tinakáppan ti mangitet a diklam u mata na sakay nagkapa-kapa siya ti mangantabay nikuna.

Gimet 13:11 ပူးပေါင်းရင်းမြစ်များ

Juan 9:39

Nadid ay kinagi ni Jesus, “Kanyaák a immangay ti munduwáy ay para mahatulan u tolay hide. Sakay tu konna hod ay maketa u buhák hide tu tatahoden, sakay para mabuhák u magkagi hide a ketan de u tatahoden.”

Gimet 9:17

Kanya immangay ngane hod ti Ananias. Summáddáp siya tu bilay sakay intupo na u kamát na ni Saulo. Kinagi na, “Kapátkákka ko a Saulo, pinaangayák he nu Panginoon tam a ti Jesus, a nákpágguhon niko tu dilan nikuna patamo ka he. Inutusanák na tanni maketa ka a huway sakay maputat ka tu Banal a Ispirito.”

Roma 11:25

Kákkapatkákka ko hide, gusto ko a matukuyan moy u essa a katutuhanan a nadid ko la a ikagi nikam, tánni awan magin mataas u pangisip moy tu sadile moy. U págmaigát nu Judio hide ay pansamantala la, awan habang panahun. Iye ay hanggan a makompleto u bilang nu Hentil hide a manampalataya ni Cristo.

Hebreo 10:31

Makaánteng u mahatulan nu Diyos a biyag!

2 Pedro 2:17

U kapareho ni mágkabuliyán iye hide a tagapagtoldu ay u sapa hide a nasáttan sakay tu diklám a inyáppah nu mabegsák a pahás. Inhanda dán nu Diyos u grabit diham a lugar para nide.