Gimet 13:1 - U Maganda A Baheta Ni Jesu-Cristo

¹ Nadid, u mannampalataya hide ti Antioquia ay tehhod a sangan a magpahayag tu Maganda a Baheta sakay tehhod be a sangan a magtoldu tu mánnampalataya hide. Kaguman he di Bernabe, ti Simon a nginahanan de a Negro, sakay ti Lucio a taga-Cirene, ti Manaen (a kaguman ni gubernador a Herodes nikuna anak palla hide a duwwa) sakay ti Saulo.

Gimet 13:1 ပူးပေါင်းရင်းမြစ်များ

Mateo 27:32

Kálluwas de tu banuwan, netan de u essa a lállake a nginahanan a Simon, essa a taga-Cirene. Pinilit de ipabaklay nikuna u kudus ni Jesus.

Lukas 3:1

Ti panahunan itod ay sapulo dán ay ti limma a taon u pághare ni Tiberio ti Roma. Ti Poncio Pilato ay gubernador ti Judea sakay ti Herodes ay gubernador ti Galilea. U wadi na a ti Felipe ay gubernador tu lugar a Iturea sakay ti Traconite sakay gubernador be ti Lisanias ti Abilinia.

Gimet 11:30

Konna ngane hod u ginimet de, inpatawed de u tulung de tu pinuno de hide ti pánnampalataya tu pamamag-itan di Bernabe sakay ti Saulo.

Gimet 12:25

Sakay di Bernabe ay ti Saulo ay limmakad dán ti Jerusalem káttapos de a netugán u tulung de hide tu mánnampalataya hide ti Jerusalem. Kinuyog di be ti Juan a ngángngahanan de a Markos.

Gimet 13:9

Pero ti Saulo a ngángngahanan di labe a Pablo, ay putat tu kapangyariyan nu Banal a Ispirito. Lináttángngan na ti Elimas,

Gimet 15:32

Sakay di Judas sakay ti Silas a prupeta be ay makpal a intoldu tu mánnampalataya hide a nangpabegsak tu isip de sakay nángpatibay tu pánnampalataya de.

Gimet 15:35

Di Pablo sakay ti Bernabe ay nágyan pa ti Antioquia. Intoldu de sakay impangaral u Upos nu Panginoon kaguman de u agum pa a mánnampalataya.

Gimet 19:6

Sakay ti Pablo ay intupo na u kamát na nide sakay simmidung nide u Banal a Ispirito. Nagupos hide ti iba-iba a upos sakay nagpahayag tu upos a gábwat tu Diyos.

Gimet 21:9

Tehhod siya a áppat a anak a mámmadiket a prupeta.

Gimet 4:36

Konna bi he u ginimet ni Jose a Levita a taga-Cipre. Nginahanan siya nu apostol hide a Bernabe, u gusto na a kagiyán ay “Anak a Matáttulungán.”

Gimet 9:1

Nadid, tunay u pagkasoh ni Saulo a pakantingán sakay bunuwán u disepulus hide nu Panginoon. Kanya immadene siya tu pinakapuno nu saserdote hide,

Roma 16:21

Ti Timoteo a kaguman ko a magserbi tu Panginoon ay mákkumusta be nikam, sakay di Lucio, Jason sakay ti Sosipatro a kapareho ko hide a Judio.

1 Corinto 11:4

U lállake a magdasal oni magpahayag tu upos nu Diyos a tehhod a alibonbun ay awan ti galang ni Cristo a nakasakup nikuna.

1 Corinto 13:2

Sakay ni tehhodák a kakayanan a mángpahayag tu upos nu Diyos, sakay umintendi tu atanan a lihim, maski ni hed dán nikán u atanan a karunungan sakay mepaagton ko man u buked hide dipo tu grabi't kadakál nu pánnampalataya ko, ni awanák labe ti págmahal ay awanák ti kabuluhan.

1 Corinto 13:8

Mawan u kakayanan a magpahayag tu upos nu Diyos, mawan u kakayanan a magupos ti iba-iba a upos sakay mawan u karunungan, pero u págmahal ay awan ti kahád.

1 Corinto 14:29

Pabayan moy a magupos u duwwa oni tatlo a tolay a tummanggap tu kaluub a makapagpahayag tu upos a gábwat tu Diyos. Sakay suriyán be nu agum u kákkagiyán de.

1 Corinto 14:32

Sakay u tumanggap hide ti kaluub nu págpahayag ay dapat a magpugád hide tu sadile de sakay maguhay hide tu odas ni hide dán u magupos.

1 Corinto 9:6

Hikame beman la ay ti Bernabe u kailangan a magtrabaho para tu kákkabiyag me?

Galacia 2:13

Pati be u agum a mánnampalataya hod ay inumaheg ni Pedro, pate ti Bernabe ay nákke-aheg nikuna.

Galacia 2:9

Kaya nikuna a matukuyan nu pinuno nu mánnampalataya hide, a di Santiago, Pedro sakay ti Juan, a ingkaluub nikán nu Diyos iye a gawain ay tinanggap dikame ay ti Bernabe bilang kapareho de a tagapagtoldu tu Maganda a Baheta. Sakay namágkasunduwan me a magtoldu kame tu Hentil hide sakay hide u magtoldu tu Judio hide.

Efeso 4:11

Sakay te iba-iba a kaluub a inyatád siya nikitam: u agum ay pinagkaluuban na a magin apostol, u agum ay magin prupeta, u agum ay mángngaral tu Maganda a Baheta, u agum ay magin pastor sakay u agum ay tagapagtoldu.

Filipos 4:22

Kumusta kam kalla kagi nu kákkapatkákka tam hide he, lalo dán u tagapagserbi hide tu palasyo nu hare.

1 Tesalonica 5:20

Dyan moy baliawanan u adal a gábwat tu Diyos.