Gimet 12:7 - U Maganda A Baheta Ni Jesu-Cristo

⁷ Nadid, bigla dálla a te pimmeta a anghel nu Panginoon, kaya nagdemlag ti husto u piresuwan. Kinuyág-kuyág na u wahes ni Pedro para malukag. Kinagi na, “Umikat ka, magalisto ka!” Sakay pagdaka a naokbis u kadena tu kama-kamát na.

Gimet 12:7 ပူးပေါင်းရင်းမြစ်များ

Mateo 2:13

Nadid nikuna nakahektat dán u Mágkalalaki hide a tolay ay pinumeta u essa a anghel nu Panginoon ni Jose tu tagináp na. Sakay kinagi na “Umikát ka dán Jose. Iyangay mo ti Egipto u matina mo sakay dyan kam lumakad hod hanggan awan ko kagiyán niko. Dipo ehyukán ni Herodes u anak para bunuwán.”

Lukas 2:9

Bigla a timmaknág u essa a anghel nu Panginoon tu atubang de, kanya nagdemlag u palebut de tu demlag nu Panginoon. Kanya grabi u ánteng de.

Lukas 24:4

Magulu-guluwan palla hide tu nangyare ay bigla dálla a pimmeta u duwwa a lállake a makasile ti damit.

Gimet 10:30

Kinagi ni Cornelio, “Áppat dán a aldew u nakalipas tu konna labe he a odas, nagdasalák ti bilay miyáy nikuna bigla timmaknág tu atubang ko u essa a lállake a magdemlag u damit na.

Gimet 12:23

Ti odas biyan itod ay pinagkasakit siya nu anghel nu Panginoon, dipo inangkin na u kapuriyan a para tu Diyos; inuhád siya hanggan a natay.

Gimet 12:6

Ti gibiyan itod ay tidug ti Pedro tu sállat nu duwwa a sundalo. Pinungo de siya ti duwwa a kadena te guwardiya pa a mágbantay tu pintuwan nu págpiresuwan. Balak a iyatubang ni Herodes ti Pedro tu Judio hide tu sumunud a aldew.

Gimet 12:8

Sakay kinagi nikuna nu anghel, “Isulot mo badu muwe sakay ti sandalyas muwe.” Konna ngani hod u ginimet na. Kinagi pa nu anghel nikuna, “Iyalikábkáb mo i malayon muwe a badu sakay umusoseg ka nikán.”

Gimet 16:26

Sakay bigla dálla a naglinog ti mabegsak sakay nayanág u pundasyon nu págpiresuwan. Nabukasan u atanan nu pintuwan nu piresuwan sakay naokbis u kadena nu atanan a pireso.

Gimet 2:24

Pero nadid ay biniyag siya a huway nu Diyos sakay inibutan na u kapangyariyan nu kamatayan nikuna dipo awan maare a maghare nikuna u kamatayan.

Gimet 5:19

Pero nikuna gibi dán ay binukasan nu anghel nu Panginoon u kulungan sakay inluwas na u apostol hide. Kinagi na nide,

Gimet 9:3

Nadid, immangay ti Saulo ti Damasco. Nikuna adene dán siya tu banuwan ay bigla a kimmislap tu palebut na u makasile a demlag a gábwat ti langet,

Efeso 5:14

Sakay melantad u atanan dipo tu demlag. Kaya kinagi nu Kasulatan, “Lumukag ka hiko a tidug, Umikat ka a gábwat tu patay hide tánni demlagan ka ni Cristo.”

Hebreo 1:14

Ni konna hod ay ánya u anghel hide? Ispirito hide a magserbi tu Diyos, sakay hide u utusan para tumulung tu maligtas hide.

Pahayag 18:1

Nadid, káttapos ni iye ay naketaák ti essa a anghel a pasidung a gábwat ti langet. Makapangyariyan a tahod i anghelan iye. Makasile siya dipo tu kaluwalhatiyan na kanya dummemlag u buo a mundu.