Gimet 12:19 - U Maganda A Baheta Ni Jesu-Cristo

¹⁹ Pinaehyok siya ni Herodes pero awan de siya netan. Kanya inpaimbistiga na u guwardiya hide sakay impabuno na hide. Sakay káttapos, ay limmakad ti Herodes ti Judea sakay immangay ti Cesarea sakay he dán hod a nágyan.

Gimet 12:19 ပူးပေါင်းရင်းမြစ်များ

Mateo 2:1

Nadid tu panahun ni Hari Herodes, káttapos a neenak ti Jesus tu banuwan a Betlehem a sakup nu Judea ay te dummemát a sasangan a mágkalalaki a tolay ti Jerusalem a gábwat ti Sikatan.

Mateo 2:13

Nadid nikuna nakahektat dán u Mágkalalaki hide a tolay ay pinumeta u essa a anghel nu Panginoon ni Jose tu tagináp na. Sakay kinagi na “Umikát ka dán Jose. Iyangay mo ti Egipto u matina mo sakay dyan kam lumakad hod hanggan awan ko kagiyán niko. Dipo ehyukán ni Herodes u anak para bunuwán.”

Mateo 2:16

Nadid nikuna biyag padla ti Herodes sakay nakalakad dán di Jose ti Betlehem, natukuyan ni Herodes a naessaan siya nu bisita hide a gábwat ti Sikatan. Naiyamut siya a tahod. Kanya inutusan na u sundalo na hide a bunuwán de u atanan a anak a lállake a te idad a duwwa a taon sakay pababa a mágyan ti Betlehem sakay tu palebut na hide a lugar. U nagin giya na tu idad nu anak hide a bunuwán ay ayun tu natukuyan na a kinagi nu mágkalalake hide a tolay tu panahun nu kállitaw nu biton.

Gimet 12:18

Nadid tu kadimadimangan na ay namágkagulo u guwardiya hide tu kákkawan ni Pedro. Awan de tukoy ni ánya nangyariyay nikuna.

Gimet 12:4

Sakay nikuna madakáp de siya ay impepireso na sakay pinabantay na tu áppat a gurupo nu sundalo hide ti tággi-áppat. U balak ni Herodes ay iyatubang na siya tu katolayan káttapos nu Piyesta.

Gimet 12:6

Ti gibiyan itod ay tidug ti Pedro tu sállat nu duwwa a sundalo. Pinungo de siya ti duwwa a kadena te guwardiya pa a mágbantay tu pintuwan nu págpiresuwan. Balak a iyatubang ni Herodes ti Pedro tu Judio hide tu sumunud a aldew.

Gimet 16:27

Minamulag-pulag u guwardiya sakay nikuna netan na a bukas dán u pintuwan hide ay binagut na u áttak na sakay laan na dán a bunuwan u sadili na ta akala na ni nakaginan dán u pireso hide.

Gimet 21:8

Tu kadimadimangan ay nagdiretso kame ti Cesarea sakay náktulos tu bilay ni Felipe a essa be a mangngaral tu Maganda a Baheta. Essa siya tu pitto a lállake a napile ti Jerusalem tu itod.

Gimet 25:13

Kállipas nu sangan a aldew ay dimmemát ti Cesarea ti Hare a Agripa sakay ti Bernice para bumate ni Festo.

Gimet 27:42

U balak nu sundalo hide ay bunuwán u atanan a pireso hide tánni awan ti makanangoy sakay makaginan.

Gimet 8:40

Namalayan dálla ni Felipe a katoy dán siya ti Azoto. Intoldu na hod u Maganda a Baheta tungkul ni Jesus sakay tu atanan a lugar a tinaleban na hanggan makademát siya ti Cesarea.