Gimet 12:17 - U Maganda A Baheta Ni Jesu-Cristo

¹⁷ Pero sininyasan na hide a tumahimik, sakay kinagi na nide ni kodya siya a inluwas nu Panginoon tu piresuwan. Sakay inbilin na be a ibaheta di ni Santiago sakay tu agum hide a mánnampalataya u nangyare. Káttapos ay naghektat dán siya a angay ti iba a lugar.

Gimet 12:17 ပူးပေါင်းရင်းမြစ်များ

Mateo 10:23

Ni dustaán di kam tu essa banuwan ay guminan kam tu iba. Kagiyán ku nikam a awan moy pa maangayan u atanan a banuwan ti Israel ay makademáták dán a Anak nu Tolay.”

Markos 6:3

Awan beman siya u karapintero a anak ni Maria, sakay wadi na di Santiago, Jose, Judas sakay ti Simon? Awan beman u wáwwadi na a bábbey ay hod he a mágyan?” Dipo ti itod ay umád de a maniwala nikuna sakay binadit-badit de siya.

Lukas 1:22

Kálluwas na ay awan dán siya makapagupos nan makánsinyasán dálla. Kaya inisip nu tolay hide a tehhod a impeta u Diyos a pangitain nikuna tu disalad nu Templo.

Juan 10:40

Nagsole ti Jesus tu dibilew nu dinom ti Jordan, tu lugar a pinagbawtismuwan tu itod ni Juan. Nágyan hod siya,

Juan 11:54

Kanya awan dán lantad a pumeta ti Jesus tu Judio hide nan immangay siya tu lugar a adene tu kaparangan, tu essa a banuwan a ni dulawán ay Efraim. Sakay hod pahod siya a nákpágyan kaguman nu disepulus na hide.

Juan 13:24

Kanya sininyasan siya ni Simon Pedro a tanungán ti Jesus ni ti deya u gusto na he a kagiyán.

Juan 7:1

Nadid, káttapos ay linebut ni Jesus i Galilea. Umád na a umangay ti Judea dipo gusto siya a bunuwán nu puno nu Judio hide.

Juan 8:59

Dipo ti iye ay nangkáppot ti bito u tolay hide para batikalán de siya. Pero timmagu ti Jesus sakay limmakad tu templo.

Gimet 1:15

Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

Gimet 12:16

Pero tulos-tulos la u págtoktok ni Pedro. Kaya binukasan de u pintuwan. Nikuna ketan de ti Pedro ay awan hide makapaniwala.

Gimet 12:18

Nadid tu kadimadimangan na ay namágkagulo u guwardiya hide tu kákkawan ni Pedro. Awan de tukoy ni ánya nangyariyay nikuna.

Gimet 13:16

Kanya timmaknág ti Pablo sakay sininyasan na hide a tumahimik. “Hikam a Israelita hide sakay tolay hide a tehhod a ánteng tu Diyos, magsaneg kam!

Gimet 15:13

Káttapos de a magupos ay kinagi ni Santiagu, “Kákkapatkákka ko hide, sanigán moy kagiyán kuwáy.

Gimet 16:40

Nadid kálluwas de tu piresuwan ay nagtulos hide tu bilay ni Lydia. Nedemáttan di hod u mánnampalataya hide. Bagu hide a limmakad ay pinabegsak de hide ti isip a magpakatibay tu pánnampalataya de.

Gimet 19:33

Te essa hod a tolay a u ngahan na ay ti Alejandro. Intoglad siya nu Judio hide tu atubang para magpaliwanag a hide a Judio ay awan ti tukoy tungkul tu kaguluwan. Nikuna makataknág dán ay sininyasan na u tolay hide a tumahimik tánni makapagpaliwanag siya.

Gimet 21:18

Tu kadimadimangan na ay bimmisita kame ay di Pablo tu kán Santiago. Katoy bi hod u pupuno hide nu mánnampalataya hide.

Gimet 21:40

Pinakultaden be siya nu pinuno, kanya timmaknág ti Pablo sakay gimmemmak tu balitang nu agdenan sakay sininyasan na u tolay hide a tumahimik. Nikuna tahimik dán hide a atanan ay nagupos ti Pablo ti upos a Hebreo.

Gimet 28:15

Nikuna a mabaheta nu kákkapátkakka hide ti pánnampalataya ti Roma u tungkul nikame ay immangay hide tu Tindaan de Apio, sakay u agum ay hod tu Tállo a bilay a áupaan tanni tagbuwan di kame hod. Nikuna ketan ni Pablo u kákkapátkakka hide ay nagpasalamat siya tu Diyos sakay bimmegsák u isip na.

1 Corinto 15:7

Pummeta be siya ni Santiago sakay tu atanan a apostol hide.

Galacia 1:19

Awanák hod ti netan a agum a apostol, nan ti Pedro la sakay ti Santiagu a wadi nu Panginoon.

Galacia 2:12

Ta dipo nikuna a awan palla u sasangan a tolay a inutusan ni Santiago ay kaguman siya a mákkan tu Hentil hide. Pero nikuna a dimmemát hide ay bimmukod siya tu Hentil hide. Ginimet na itod dipo manteng siya a te makagi u kaparehas na hide a Judio, lalu dán u Judio hide a sumássunud palla tu ugale de a págpature.

Galacia 2:9

Kaya nikuna a matukuyan nu pinuno nu mánnampalataya hide, a di Santiago, Pedro sakay ti Juan, a ingkaluub nikán nu Diyos iye a gawain ay tinanggap dikame ay ti Bernabe bilang kapareho de a tagapagtoldu tu Maganda a Baheta. Sakay namágkasunduwan me a magtoldu kame tu Hentil hide sakay hide u magtoldu tu Judio hide.

Santiagu 1:1

Hikán ti Santiago a alipin nu Diyos sakay alipin nu Panginoon Jesu-Cristo. Magsulaták tu atanan a Judio a mánnampalataya tu Diyos a katoy tu iba-iba a lugar ti munduway. Kumusta kam la hina a atanan.