Gimet 11:26 - U Maganda A Baheta Ni Jesu-Cristo

²⁶ Sakay nikuna netan na dán siya ay kinuyog na ti Antioquia. Tu buo a sa taon ay nágyan hide hod a kakaguman nu mánnampalataya hod hide sakay nangaral tu makpal a tolay. Ti Antioquia u kadipalonguwan a lugar a nangahanan a Cristiyano u mánnampalataya hide.

Gimet 11:26 ပူးပေါင်းရင်းမြစ်များ

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Juan 2:2

Imbitadu be di Jesus sakay u disepulus na hide.

Gimet 1:15

Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

Gimet 11:20

Pero u iba tu mánnampalatay hide a taga-Chipre sakay taga-Cirene, a immangay ti Antioquia sakay nangaral be tu Griego hide tu Maganda Baheta tungkul tu Panginoon a ti Jesu-Cristo.

Gimet 11:22

Nabaheta iye nu mánnampalataya hide ti Jerusalem, kanya pinaangay de ti Antioquia ti Bernabe.

Gimet 11:27

Nadid ti panahunan itod ay te dimmemát a sangan a prupeta hide ti Antioquia a gábwat ti Jerusalem.

Gimet 11:29

Kanya nagplano u disepulus hide a magpatawed ti tulung tu mánnampalataya hide a mámmágyan ti Judea, ayun tu makaya nu bawat essa.

Gimet 14:20

Pero nikuna palebutan siya nu disepulus hide ni Jesus ay timmáknág siya sakay nagsole tu banuwan. Sakay tu kadimadimangan ay immangay hide ay ti Bernabe ti Derbe.

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Gimet 14:23

Tu balang simbaan nu mánnampalataya hide ay nagpile ti Bernabe sakay ti Pablo ti magin pinuno tu simbaan de. Káttapos de a nagdasal sakay nagkulasyon ay impagkatiwala de tu Panginoon a pánnaligan de.

Gimet 14:27

Sakay káddemát de ti Antioquia ay tinipun de u atanan a mánnampalataya sakay imbaheta de u atanan a ginimet nu Diyos tu pamamag-itan de; sakay ni kodya a inatádden nu Diyos u Hentil hide ti pagkakataun a sumampalataya.

Gimet 14:28

Sakay nalay hod hide a nákpágyan, kaguman nu mánnampalataya hide.

Gimet 18:27

Sakay nikuna maggayak siya a angay ti Acaya ay nagsulat u mannampalataya hide a taga-Efeso para tu mánnampalataya hide hod a tanggapán de ti mahusay ti Apolos. Káddemát na hod ay dakál u netulung na tu mánnampalataya hide dipo tu kabaitan nu Diyos.

Gimet 19:9

Pero tehhod a sangan a awan summampalataya, maigát u págguluwan de sakay nagupos pa ti madukás kontara tu Toldu nu Diyos tungkul tu kaligtasan a hod ni Cristo tu atubang nu tolay hide. Kanya nilakaden ni Pablo u sinagoga sakay inkuyog na u mánnampalataya hide tu iskuwilaan ni Tirano sakay nagtulos-tulos siya a nagtoldu aldew-aldew.

Gimet 20:1

Nikuna immimang dán u kaguluwan ay pinadulaw ni Pablo u mánnampalataya hide sakay pinayuwan na hide a magpakatatag. Káttapos ay nagpaalam siya sakay immangay ti Macedonia.

Gimet 20:30

Dumemát be u panahun a tehhod a magtoldu ti kakabuliyan a gábwat labe tu gurupo moy tánni maakit de u mánnampalataya hide a humiwalay sakay mákkuyog nide.

Gimet 21:4

Inehyok mi hod u disepulus hide a katoy hod, sakay náktulos kami nide ti pitto a aldew. Tu tulung nu Banal a Ispirito ay kinagi de ni Pablo a diyan siya tumulos ti Jerusalem.

Gimet 26:28

Kinagi ni Hare a Agripa ni Pablo, “Akala mu beman ay maakiták mo a magin Cristiano tu badit la a odas?”

Gimet 6:1

Nadid tu itod a panahun ay makpal dán a mánnampalataya sakay nagreklamo dán u Helenista hide kontara tu Hebreo hide. Kinagi de a u bábbey hide a bilo tu gurupo de ay napabayan dán tu pángngatád tu kabiyagen de aldew-aldew.

Gimet 6:5

Nasaya u atanan nu katolayan tu plano nu apostol hide; kanya pinile de ti Esteban, essa a lállake a matatag ti pánnampalataya tu Diyos sakay pinágdipalonguwan nu Banal a Ispirito. Pinile dibe ti Felipe, Procoro, Nicanor, Timon, Parmenas, sakay ti Nicolas a taga-Antioquia, essa siya a Hentil a naakit tu pánnampalataya nu Judio hide.

Gimet 9:19

Kimman siya sakay bimmegsak a huway u bággi na. Nákpágyan ti Saulo tu mánnampalataya hide ti Damasco ti sangan a aldew.

Gimet 9:38

Dipo adene la u Lida ti Joppa, nabaheta nu mánnampalatay hide a katoy hod ti Pedro, kanya inutusan de u duwwa a lállake para ipákpágguhon de a angay siya agad ti Joppa.

1 Corinto 11:18

Dipo nabaheta ko a tu pamagipun-ipun moy ay awan kam ti pamágkaessa. Sakay maniwalaák a tatahoden iye.

1 Corinto 12:12

U bággi ay eessa pero makpal a parte; maski ni binuo nu iba-iba a parte, ay eessa pade iye a bággi konna bihod ti Cristo; makpal u mánnampalataya nikuna pero eessa la ti Cristo a nákpagkaessaan de.

1 Corinto 14:23

Ni tu pamággipun nu mánnampalataya hide ay magpagupos hide ti iba-iba a upos a atanan sakay tehhod a dummemát a tolay a awan ti konna hod a kaluub oni awan mánnampalataya, bakay akalaán de a nagaheng kamon.

1 Corinto 4:17

Dipo he, kaya ko a pinaangay hina ti Timoteo, u pinakamamahal ko sakay tapat a anak tu Panginoon. Siya u mángpaala-ala nikam tu tama a kákkabiyag a sássunudán ko nadid a nákpagkaessaák dán ni Cristo Jesus. Ina hide u itáttoldu ko tu bawat mánnampalataya tu atanan a lugar.

Efeso 3:15

Siya u Ama nu kada pamilya nu tolay a hed ti langet sakay ti lutaáy a simampalataya nikuna.

Santiagu 2:7

Awan beman hide u mangsásseste tu dakila a ngahan ni Jesu-Cristo a nangsakup nikitam?

1 Pedro 4:14

Mapalad kam ni dáddustaán di kam dipo ni Cristo, dipo tukoy moy a katoy nikam u Banal a Ispirito nu Diyos a makapangyariyan.

1 Pedro 4:16

Pero ni maghirap kam dipo tu pánniwala moy ni Cristo ay diyan moy ikasanike; nan magpasalamat kam tu Diyos, dipo nadulaw kamon a tolay ni Cristo.

1 Juan 2:27

Pero maski ni magkakonna hod ay katoy dán nikam u Banal a Ispirito a inyatád ni Cristo. Mentaras a katoy nikam u Banal a Ispirito ay awan kamon kailangan a tolduwan ni deya man. U Banal a Ispirito u mángtoldu nikam tu atanan, sakay u atanan a itoldu na ay tatahoden, bakán a kakabuliyan. Kanya manatili kam ni Cristo dipo ina u intoldu nikam nu Ispirito.

Pahayag 3:18

Kaya ngani ipayo ko nikam a mamale kam nikán ti puro a ginto tánni yumaman kam. Mamale kam be nikán ti mapudew a badu tánni mabaduwan i eklas moye a bággi, sakay gamot ti mata tánni maketa kam.