Gimet 11:23 - U Maganda A Baheta Ni Jesu-Cristo

²³ Nikuna dumemát hod sakay netan na u págpapala nu Diyos nide ay nasaya siya sakay pinayuwan na hide a atanan a manatile hide a tapat tu Panginoon.

Gimet 11:23 ပူးပေါင်းရင်းမြစ်များ

Mateo 16:24

Kinagi ni Jesus tu disepulus na hide, “Ni deya u masoh a sumunod nikán ay limunán na u sadili na, báklayán na u kudus na sakay sumunud nikán.

Markos 2:5

Nikuna ketan ni Jesus ni sakodya a kadakál u pánniwala de ay kinagi na tu paralitiko, “Anak, pinatawad dán u kasalanan mo hide.”

Juan 15:4

Manatile kam nikán tán manatiliyák be nikam. Awan makapagbunga u essa a pinget ni awan nakakapit tu ponan. Konna bi hod u mangyare, awan kam magbunga ni awan kam manatile nikán.

Gimet 13:43

Káttapos nu pamággipun-ipun ay immunonod di Pablo sakay ti Bernabe u mákpal a Judio sakay u bakán hide a Judio a nák-agum tu rilihiyon nu Judio hide. Kinauhon hide nu apostol hide sakay pinayuwan a itulos-tulos di la a magtiwala tu kabaitan nu Diyos.

Gimet 14:22

Pinabegsák de u isip nu mánnampalataya hide tu lugar a hinoyutan de sakay pinayuwan de hide a magtulos-tulos a tapat tu pánnampalataya de. Kinagi de, “Magdanas kitam pa ti makpal a hirap bagu kitam a makasáddáp tu kahariyan nu Diyos.”

Gimet 14:26

Sapul ti Atalia ay nággabeng dán hide a pasole ti Antioquia. Dipo u mánnampalataya hod u nagdasal a tulungan hide nu Diyos tu gawain de. Kanya, nagsoli hide ti Anntioquia dipo natapos di dán u gawain de.

Gimet 15:40

Pero pinile ni Pablo ti Silas; sakay limmakad káttapos a idasal nu mánnampalataya hide a ingatan hide nu Panginoon.

Gimet 20:24

Pero awan nikán ti halaga u biyag ko, u mahalaga ay magimet kula u tungkulin ko sakay matapos u tarabaho a inyatád nikán nu Panginoon Jesus u págbaheta tu Maganda a Baheta tungkul tu kabaitan nu Diyos.

Gimet 20:32

Nadid ay ipabahala takamon tu Diyos sakay tu Upos na a mangpatunay tu kabaitan na. Siya u makapangpatibay nikam sakay makapangatád tu págpapala a inhanda na tu atanan a pinile na a magin kao na.

Gimet 4:36

Konna bi he u ginimet ni Jose a Levita a taga-Cipre. Nginahanan siya nu apostol hide a Bernabe, u gusto na a kagiyán ay “Anak a Matáttulungán.”

Roma 12:8

ni págpayo, magpayo siya ti maayus, ni pángngatád, mangatád siya tu maluwag tu kaluuben na, ni pámmuno, mamuno siya ti buo a tiyaga. Sakay ni káttulung tu te kailangan, tumulung siya a tehhod a kasayaan.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

2 Corinto 1:17

Dipo beman a konna he u plano ko ay makagi moy dán a pabagu-baguwák ti isip? Akala moy beman a pabagu-bagu u plano ko konna tu gággimitán nu tolay a makamundu, a kagiyán na nadid a, “On” sakay mamaya-maya ay “Awan?”

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

Colosas 1:6

Kimmalat iye ti buuwáy a mundu tán mangatád ti págpapala, konna tu nangyare nikam sapul nikuna a nasaneg moy sakay naintendiyan u tatahoden tungkul tu kagbi nu Diyos.

2 Timoteo 3:10

Pero hiko Timoteo, ay tukoy-tukoy mo u atanan a itáttoldu ko, u kákkabiyag ko, u layunin ko ti biyag, u pánnampalataya ko, u págtiyaga ko, u págmahal ko, sakay u katapatan ko.

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.

1 Juan 2:28

Kanya ngane anak hide, itulos-tulos moy u pákkaessa moy ni Cristo tánni káddemát na a huway ay mabegsák u isip tam sakay awan kitam masanike nikuna ti aldiwan itod.

3 Juan 1:4

Awan dán ti agum a mas makapangpasaya nikán ni mabaheta ko a nabiyag a ayun tu tatahoden u anak ko hide ti pánnampalataya.

Judas 1:4

Nagsulaták nikam dipo tehhod a sangan a tolay a nákpisan nikam a awan moy naripara. Iye hide a tolay ay u awan hide maka-diyos; iniba de u itáttoldu nu Banal a Kasulatan tungkul tu kagbi nu Diyos, ta u rason de ay makákkagbiyán kan u Diyos kanya tulos-tulos la hide a maggimet tu kagustuwan nu pilas de. Awan de tenggiyán ti Jesu-Cristo, u kasiya-siya tam a Puno sakay Panginoon. Tu itod pa a panahun ay nesulat dán tu Banal a Kasulatan u parusa a nelaan dán nide.