Gimet 11:14 - U Maganda A Baheta Ni Jesu-Cristo

¹⁴ Kagiyán na niko ni kodya ka a maligtas sakay u kasabilay mo hide.’

Gimet 11:14 ပူးပေါင်းရင်းမြစ်များ

Markos 16:16

U sumampalataya sakay magpabawtismo ay maligtas, pero u umád a sumampalataya ay maparusaan.

Lukas 19:10

Dipo u Anak nu Tolay ay immangay he tánni ehyukán sakay iligtas u nágketawtaw hide.”

Juan 12:50

Sakay tukoy ko u utus na hide ay mangatád ti biyag a awan ti kahád. Kanya ni ánya u ipekagi nu Ama, ay itod la u kákkagiyán ko nikam.”

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Juan 4:53

Naalala nu opisyal a ti odasan itod ay kinagi nikuna ni Jesus a nagpiyya dán u anak na. Kanya siya sakay tu buu na a pamilya ay naniwala ni Jesus.

Juan 6:63

U Ispirito nu Diyos u mangatád ti biyag; awan iye magimet nu tolay. U upos hide a kinagi ko ay gábwat tu Ispirito a makapangatád ti biyag.

Juan 6:68

Timmábbeg ti Simon Pedro, “Panginoon ti deya pa beman angayan miyay? Katoy dán niko u upos a makapangatád ti biyag a awan ti kahád.

Gimet 10:2

Tehhod siya a ánteng tu Diyos, pati u buo na a pamilya. Palagi siya a mangatád ti tulung tu Judio hide, sakay pirme a magdasal tu Diyos.

Gimet 10:22

Kanya kinagi de, “Pinaangay kame he nu kapitan nu sundalo hide a ti Cornelio. Mabait siya a tolay sakay te ánteng tu Diyos, igággalang siya nu atanan a Judio. Kinagi nikuna nu anghel nu Diyos a paangay na ka sakay sanigán na u kagiyán mo.”

Gimet 10:43

Siya u kákkagiyán nu prupeta hide nikuna ipahayag de a, ‘Ni deya man u maniwala nikuna ay patawadán na u kasalanan de tu pamamagitan nu ngahan na.’”

Gimet 10:6

Náktulos siya tu bilay ni Simon a máglinis ti koblet ni hayup para gimitán a gagamit. U bilay na ay adene tu diget.”

Gimet 11:13

Káddemát mi hod ay inyistorya nikame ni Cornelio a naketa siya ti anghel a mágtaknág tu disalad nu bilay na, sakay kinagi na nikuna, ‘Ipauwet mo ti Simon a ngángngahanan de a Pedro ti Joppa.

Gimet 16:15

Sakay nagpabawtismo siya sakay tu buo na a pamilya. Káttapos ay inakit na kame, “Ni maniwala kam a tatahodinák dán a mánnampalataya tu Panginoon ay tumulos kam ti bilay.” Kanya tinanggap me u pággakit na.

Gimet 18:8

Ti Crispo a pinuno nu sinagoga sakay tu buo na a pamilya ay summampalataya tu Panginoon. Sakay makpal pa a taga-Corinto a nágsaneg ni Pablo u summampalataya sakay nagpabawtismo.

Gimet 2:39

Dipo iye a pananto nu Diyos ay para nikam sakay tu kaapu-apuwan moy hide, sakay para tu atanan a tolay a katoy ti adeyo, tu balang essa a dulawán nu Panginoon a Diyos.”

1 Corinto 1:16

(O bál, binawtismuwan ko bál itod u pamilya ni Estefanas. Maliban nide ay awanák dán ti matandaan a binawtismuwan ko.)