Gimet 11:12 - U Maganda A Baheta Ni Jesu-Cristo

¹² Sakay kinagi nikán nu Banal a Ispirito a diyanák magalangan a mákkuyog nide. Nákkuyog be nikán u ánnám a mánnampalataya nikuna immangay kame tu bilay ni Cornelio.

Gimet 11:12 ပူးပေါင်းရင်းမြစ်များ

Mateo 1:20

Pero nikuna a nabuo dán tu isip na a gimitán iye ay pinumeta u essa a anghel nu Panginoon nikuna tu tagináp na. Kinagi nu anghel nikuna, “Jose a lahe ni David, dyan ka magduwaduwa a mangkabanga ni Maria, dipo u anak a katoy tu tiyan na ay gimet nu kapangyariyan nu Banal a Ispiritu.

Juan 16:13

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Gimet 1:15

Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

Gimet 10:23

Pinatulos hide ni Pedro sakay hod na dán hide a pinatidug ti gibiyan itod. Tu kadimadimangan ay nákkuyog siya nide, sakay kaguman u sangan a mánnampalataya a taga-Joppa.

Gimet 10:45

Nagtaka u mánnampalataya hide a Judio a kaguman ni Pedro, dipo nepagkaluub be tu bakán hide a Judio u Banal a Ispirito.

Gimet 11:13

Káddemát mi hod ay inyistorya nikame ni Cornelio a naketa siya ti anghel a mágtaknág tu disalad nu bilay na, sakay kinagi na nikuna, ‘Ipauwet mo ti Simon a ngángngahanan de a Pedro ti Joppa.

Gimet 13:2

Essa aldew mentaras a magkulasyon sakay magpure hide tu Panginoon, kinagi nu Banal a Ispirito nide, “Ibukod moy di Bernabe sakay ti Saulo. Tehhodák a inlaan a tarabaho para nide.”

Gimet 13:4

Nadid, inyutus nu Banal a Ispirito di Bernabe ay ti Saulo a umangay ti Seleucia. Sapul hod ay nággabeng hide tu dakal a abeng a paangay ti Chipre a dakál a puduk.

Gimet 15:7

Káttapos nu atakdug a pamágtábbegan ay timmaknág ti Pedro sakay kinagi na nide, “Kákkapatkákka ko hide, tukoy moy a piniliyák nu Diyos para ipangaral tu Hentil hide u Maganda a Baheta tánni sumampalataya be hide.

Gimet 15:9

Eessa u pangileng nu Diyos nikitam sakay hide; pinatawad na hide tu kasalanan de dipo tu pánnampalataya de.

Gimet 28:15

Nikuna a mabaheta nu kákkapátkakka hide ti pánnampalataya ti Roma u tungkul nikame ay immangay hide tu Tindaan de Apio, sakay u agum ay hod tu Tállo a bilay a áupaan tanni tagbuwan di kame hod. Nikuna ketan ni Pablo u kákkapátkakka hide ay nagpasalamat siya tu Diyos sakay bimmegsák u isip na.

Gimet 8:29

Sakay kinagi nu Banal a Ispirito ni Felipe a, “Máksabay ka ran ti sasakyanan itona.”

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

2 Tesalonica 2:2

diyan kam manteng oni mabalisa tu mabaheta moy a dumemát dán u Panginoon. Diyan kam maniwala maski ni kagiyán de a kinagi nide nu Banal a Ispirito, oni nabaheta de oni nabasa de tu essa a sulat a gábwat kan nikame.

Pahayag 22:17

Kinagi nu Banal a Ispirito sakay u Bábbey a ikasal, “Karon he!” Sakay atanan a makasaneg ti iye ay magkagi be a, “Karon he!” Umadene u atanan a mauwaw; mangalap u masoh tu dinom a makapangatád ti biyag, awan iye ti bayad.