Gimet 10:28 - U Maganda A Baheta Ni Jesu-Cristo

²⁸ Kinagi na, “Tukoy moy a bawal tu relihiyon me a Judio u mákpisan oni bumisita tu bakán a Judio; pero inpeta nikán nu Diyos a maskin deya man ay dyan ko ituring a madangát oni awan karapat-dapat.

Gimet 10:28 ပူးပေါင်းရင်းမြစ်များ

Markos 7:2

Dipo netan de u disepulus hide ni Jesus a awan naguges ti kamát bagu a kinuman, a ayun tu kaugaliyan nu Pariseo hide.

Lukas 18:11

Timmaknág u Pariseo sakay nagdasal ti konna heeh, ‘Magpasalamaták niko, Panginoon dipo awanák kapareho nu agum a mágtakaw, mágkadaya, mángngibábbey oni konna ti lállakeyáy a mágsingeh ti buwes.

Juan 18:28

Gábwat tu kán Caifas ay inyangay de ti Jesus tu páppágyanan nu gubernador. Magamulaldew dán ti itod. Awan simmáddáp u Judio hide tu páppágyanan nu gubernador dipo ayun tu Kautusan de, u sumáddáp tu bilay nu essa a bakán a Judio ay mebilang a madangat kanya awan maare a kuman. Tu pangapon tu pággala-ala tu kasayaan tu Págtaleb nu Anghel.

Juan 4:27

Nadid, ti odasan itod ay dimmemát u disepulus hide ni Jesus. Nagtaka hide nikuna a mademáttan de a mákpágguhon siya tu essa a bábbey. Pero awan hide nagtanung tu bábbey ni ánya i kailangan naay, sakay awan be hide nagtanung ni Jesus ni bakin a mákpágguhon siya tu bábbey.

Juan 4:9

Kinagi nu Samaritana nikuna, “Judio ka sakay Samaritanaák, bakin a mák-enom ka nikán?” Kinagi na iye dipo umad a mákpággagum u Judio hide tu Samaritano hide.

Gimet 10:29

Kanya nikuna pinauwiták moy ay awanák nagitamad a nákkuyog. Gusto ko matukuyan ni bakin impaangayák moy.”

Gimet 11:9

Pero nasaneg ko a huway u boses a gábwat ti langet kinagi na, ‘Diyan mo ituring a madangát u bagay hide a imbilang nu Diyos a malinis!’