Gimet 1:24 - U Maganda A Baheta Ni Jesu-Cristo

²⁴ Sakay bagu hide a nangpile ay nagdasal hide, “Panginoon, hiko u nakatukoy tu puso nu atanan a tolay. Kanya ipeta mo ped nikame ni ti deya u dapat me a piliyán ti duwwaan iye,

Gimet 1:24 ပူးပေါင်းရင်းမြစ်များ

Lukas 16:15

Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”

Juan 21:17

Tu katállo a beses ay kinagi ni Jesus, “Simon a anak ni Juan, mahalák mu beman a talaga?” Nalungkut ti Pedro dipo tállo na dán siya a beses a tanungán ni mahal na be man siya. Kanya timmábbeg siya, “Panginoon, tukoy mo u atanan a bagay. Tukoy mo a mahal taka.” Kinagi ni Jesus nikuna, “Pakanán mo u tupa ko hide.”

Gimet 14:23

Tu balang simbaan nu mánnampalataya hide ay nagpile ti Bernabe sakay ti Pablo ti magin pinuno tu simbaan de. Káttapos de a nagdasal sakay nagkulasyon ay impagkatiwala de tu Panginoon a pánnaligan de.

Gimet 15:8

U Diyos a makatukoy tu isip nu balang essa i nángpatunayay a tinanggap na dán u Hentil hide nikuna inyatád na nide u Banal a Ispirito a konna labe nikitam.

Gimet 6:6

Nikuna a inyatubang de hide tu apostol hide; ay impagdasal de sakay intupo de u kamát de nide.

Roma 8:27

Sakay maintendiyan nu Diyos a makatukoy tu lasán nu puso nu tolay u ánya man a kagiyán nu Banal a Ispirito. Dipo u Banal a Ispirito u mamagitan para nikitam a anak nu Diyos, sakay iye ay palagi a ayun tu kaluuben nu Diyos.

Hebreo 4:13

Awan ti metagu tu Diyos, áelingán na a atanan. Sakay tábbegan tam nikuna u atanan a ginimet tam.

Pahayag 2:23

Sakay pati be u immunonod hide tu toldu na ay parusaan ko ti kamatayan tu pamamag-itan nu peste, tánni matukuyan nu atanan a mánnampalataya a hikán u makatukoy tu puso sakay tu isip nu tolay. Premyuwan ko u balang essa nikam ayun tu ginimet moy.