Gimet 1:15 - U Maganda A Baheta Ni Jesu-Cristo

¹⁵ Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

Gimet 1:15 ပူးပေါင်းရင်းမြစ်များ

Mateo 13:31

Nagtalinghaga pa ti Jesus “U pághare nu Diyos ay konna tu essa a bine nu atong a mustasa. Inmula iye nu essa a tolay.

Lukas 22:32

Pero indaddasal taka a awan manghina u pánnampalataya mo. Ipamenák mo pero pagsisiyan mo labe, kaya gusto ko a tulungan mo u kakagumanan mo hide tánni bumegsák u pánnamplataya de.”

Juan 14:12

Kagiyán ko nikam u tatahoden: U deyaman a maniwala nikán ay makagimet be tu gággimitán ko, sakay mas pa ti iye u magimet na dipo angayák dán tu Ama.

Juan 21:23

Dipo ti iye ay kimmalat u baheta a awan mata-matay iye a disepulus. Pero awan kinagi ni Jesus a awan siya matay. U kinagi nala ay, “Ni gusto ko siya a mabiyag hanggan tu kássole ko, ay maánya beman niko?”

Gimet 10:23

Pinatulos hide ni Pedro sakay hod na dán hide a pinatidug ti gibiyan itod. Tu kadimadimangan ay nákkuyog siya nide, sakay kaguman u sangan a mánnampalataya a taga-Joppa.

Gimet 11:1

Nadid, nabaheta nu apostol hide sakay nu mánnampalataya hide ti buo Judea a naniwala be u Hentil hide tu upos nu Diyos.

Gimet 11:12

Sakay kinagi nikán nu Banal a Ispirito a diyanák magalangan a mákkuyog nide. Nákkuyog be nikán u ánnám a mánnampalataya nikuna immangay kame tu bilay ni Cornelio.

Gimet 11:26

Sakay nikuna netan na dán siya ay kinuyog na ti Antioquia. Tu buo a sa taon ay nágyan hide hod a kakaguman nu mánnampalataya hod hide sakay nangaral tu makpal a tolay. Ti Antioquia u kadipalonguwan a lugar a nangahanan a Cristiyano u mánnampalataya hide.

Gimet 11:29

Kanya nagplano u disepulus hide a magpatawed ti tulung tu mánnampalataya hide a mámmágyan ti Judea, ayun tu makaya nu bawat essa.

Gimet 12:17

Pero sininyasan na hide a tumahimik, sakay kinagi na nide ni kodya siya a inluwas nu Panginoon tu piresuwan. Sakay inbilin na be a ibaheta di ni Santiago sakay tu agum hide a mánnampalataya u nangyare. Káttapos ay naghektat dán siya a angay ti iba a lugar.

Gimet 14:2

Pero u ginimet nu Judio hide a awan summampalataya ay sinida de u mánnampalataya hide tu awan summampalataya a Hentil, sakay sinulsulan de hide a kumontara tu mánnampalataya hide.

Gimet 15:1

Pero te sangan a tolay a dimmemát hod a gábwat ti Judea a nagtoldu tu mánnampalataya hide ti konna he, “Kapag awan kam nagpature sigun tu Kautusan ni Moises ay awan kam maligtas.”

Gimet 15:3

Kanya pinahektat ngane nu mánnampalataya hide di Pablo. Tu káhhoyot de ti Fenicia sakay ti Samaria ay imbaheta de tu kákkapatkákka hod a makpal dán a mánnampalataya a Hentil. Minasaya u mánnampalataya hide ti bahetaan itod.

Gimet 16:2

Igággalang nu atanan a mánnampalataya a taga-Listra sakay taga-Iconio ti Timoteo.

Gimet 16:40

Nadid kálluwas de tu piresuwan ay nagtulos hide tu bilay ni Lydia. Nedemáttan di hod u mánnampalataya hide. Bagu hide a limmakad ay pinabegsak de hide ti isip a magpakatibay tu pánnampalataya de.

Gimet 17:10

Ti itod labe a gibi ay pinaangay nu mánnampalataya hide ti Pablo sakay ti Silas tu banuwan a Berea. Káddemát di hod ay simmáddáp hide tu sinagoga nu Judio hide.

Gimet 17:14

Pagdaka a inyangay nu mánnampalataya hide ti Pablo tu bihebi nu diget, pero nagwahak di Silas ay ti Timoteo ti Berea.

Gimet 17:6

Nikuna awan di netan u duwwa ay binehbeh de ti Jason sakay u agum a mánnampalataya sakay inyangay de hide tu puno nu banuwan. Konna he u ipáppákhaw de, “Iye hide a tolay ay manggagolo maskin hádya hide angayan sakay nadid ay atoy dán he hide ti banuwan tamáy!

Gimet 18:18

Káttapos ni itod a pangyayare ay nákpágyan pa ti Pablo ti sangan a aldew ti Corinto, sakay nagpaalam tu mánnampalataya hide. Káttapos ay immangay siya ti Cencrea a adene tu diget, kaguman na u magkabanga a Priscila sakay Aquila. Ti Cencrea ay nagpagapas siya ti buuk dipo natupad na dán u pananto na tu Diyos. Káttapos, nággabeng hide a patamo ti Siria.

Gimet 18:27

Sakay nikuna maggayak siya a angay ti Acaya ay nagsulat u mannampalataya hide a taga-Efeso para tu mánnampalataya hide hod a tanggapán de ti mahusay ti Apolos. Káddemát na hod ay dakál u netulung na tu mánnampalataya hide dipo tu kabaitan nu Diyos.

Gimet 21:17

Nikuna makademát kame dán ti Jerusalem ay masaya kame a tinanggap nu mánnampalataya hod hide.

Gimet 21:20

Nikuna masaneg di iye ay nagpure hide tu Diyos. Sakay kinagi de ni Pablo, “Tukoy mo kapátkákka, tehhod dán a sangan a libu a Judio u summampalataya ni Jesus pero atanan de ay masigasig pade a sumunud tu Kautusan ni Moises.

Gimet 21:7

Sapul ti Tiro ay nagtulos-tulos kame a nagbiyahe hanggan makademát kame ti Tolemaida. Nákpagketa kame tu mánnampalataya hide sakay he kame hod a saldew.

Gimet 22:5

Makapagpatunay tungkul ti iye u pinakapuno nu saserdote hide sakay u buo a gurupo nu pinuno hide. Inatáddinák di pa ti sulat para tu Judio hide ti Damasco, kanya immangayák hod para dakáppán u kaguman ti tolduwan iye hide tungkul ni Cristo sakay iyangay he ti Jerusalemáy para parusaan.”

Gimet 28:14

Tehhod kame hod a netan a kákkapátkákka ti pánnampalataya, inakit dikame a mágyan pala hod ti sasimba. Sapul ti Puteoli ay nagtulos kame dán ti Roma.

1 Corinto 15:6

Káttapos ay pummeta siya tu mahigit a limma a datos a kákkapatkákka a namággipun-ipun. Makpal palla u biyag nide hanggan nadid, pero nágkatay dán u agum.

Pahayag 11:13

Naglinog ti tunay a begsák ti itod be a odas. Nasida u kasapulo a parte nu banuwan, sakay pitto a libu a tolay u natay. Mineántingan u nabuhay hide a tolay, kaya tinengge de u kadakilaan sakay kapangyariyan nu Diyos ti langet.

Pahayag 3:4

Konna pa man hod ay tehhod a sasangan hina ti Sardis a awan immaheg tu mágkadukás a gimet nu agum, kumán de a iningatan u badu de a malinis, kaya makaguman ko hide a nakabadu ti mapudew dipo karapat-dapat hide.