Galacia 6:9 - U Maganda A Baheta Ni Jesu-Cristo

⁹ Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

Galacia 6:9 ပူးပေါင်းရင်းမြစ်များ

Mateo 10:22

Kaiyamutan di kam dipo tu pániwala moy nikán. Pero u matapat nikán hanggan matay ay siya la u maligtas.

Mateo 24:13

Pero u matapat hanggan tu katapusan ay siya u maligtas.

Mateo 25:17

Kona labe tu nakaalap ti duwwa a libo ay tummubo be u pilak na ti duwwa a libo.

Mateo 9:19

Kanya tinumaknág ti Jesus sakay u disepulus na hide sakay nákkuyog tu puno.

Markos 3:3

Dinulaw ni Jesus u lállake a patay ti kamat, “Karon he!”

Lukas 18:1

Kinagi ni Jesus tu disepulus na hide u essa a talinhaga, para itoldu na nide a pirme hide a magdasal sakay dyan hide mawanan ti pag-asa.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

1 Corinto 15:58

Kaya ngane, mahal ko hide a kákkapatkákka, magpakatatag kam sakay dyan manghina. Magpakasipag kam tu págserbi tu Panginoon dipo tukoy moy a awan masayang u pagud moy para nikuna.

2 Corinto 4:1

Nadid, dipo tu kagbi nu Diyos, ay pinili na kame para ti iye a tarabaho, kaya awan kame panghinaan ti isip.

2 Corinto 4:16

Kaya awan kame manghina ti isip. Maski ni humina dán u bággi me ti lutaáy, ay tulos-tulos pade a bumegsák u ispirito me aldew-aldew.

2 Corinto 9:6

Tandaan moy iye: u magmula ti badit ay mag-ane labe ti badit, sakay u magmula ti makpal ay mag-ani labe ti makpal.

Efeso 3:13

Kanya dyan kam nakwa manghina dipo tu nabaheta moy a pághirap ko he para nikam. Iye a pághirap ay para tu kapiyaan moy.

2 Tesalonica 3:13

Kákkapatkákka me hide, diyan kam magsawa a maggimet ti maganda.

Hebreo 12:3

Isipán moy u tiniis hide ni Jesus a hirap a gábwat tu makasalanan hide a tolay, tánni awan kam manghina ti isip.

Hebreo 12:5

Makay nalimunan moy dán wád u pagtoldu nu Diyos nikam bilang anak na, “Anak ko, diyan mo baliawanan u pagdisiplina nu Panginoon, sakay diyan ka manghina ti isip ni sawayán na ka.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Santiagu 5:7

Kákkapatkákka ko hide, magtiyaga kam be a maguhay tu káddemát nu Panginoon. Konna tu mágmula a nagtiyaga a maguhay tu uden sakay tu págbunga nu mula na hide.

1 Pedro 2:15

Gusto nu Diyos a gimitán tam u tama tán tumahan u tolay hide a apehet ti pággisipan a mágga-upusán ti baka-bakán kontara tu upos nu Diyos.

1 Pedro 3:17

Mas mapiyya pa a maghirap kam dipo tu pággimet moy ti maganda ni saiye u kagustuwan nu Diyos, nan maghirap kam dipo tu pággimet moy ti madukás.

1 Pedro 4:19

Kanya hikam a maghirap hide dipo tu kagustuwan nu Diyos ay dapat itulos-tulos moy la u pággimet moy ti maganda sakay magtiwala kam tu Diyos a Nanglalang, dipo tapat siya tu pananto na hide.

Pahayag 2:17

“Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay atádden ko tu netagu a manna. Sakay atádden ko siya ti mapudew a bito a sássulatan nu essa a bigu a ngahan a awan ti makatuko-tukoy maliban nikuna.”

Pahayag 2:3

Tukoy ko be a matiyaga kam a nagtiis tu makpal a hirap alang-alang nikán sakay awan moy inadággen u pánnapalataya moy nikán sakay awan kam nanghina.

Pahayag 2:7

Ni makaintendi kam, ay pakasanigán moy u kákkagiyán nu Banal a Ispirito tu gurupo nu mánnampalataya hide. “U magtagumpay ay atádden ko ti karapatan a kuman tu bunga nu kayo a makapangatád ti biyag a katoy tu kahariyan nu Diyos.”