Galacia 6:7 - U Maganda A Baheta Ni Jesu-Cristo

⁷ Diyan moy lokuwán u sadile moy. U Diyos ay awan maloko nu maskin deya. Ni ánya u immula nu essa a tolay ay itod labe u aniyán na.

Galacia 6:7 ပူးပေါင်းရင်းမြစ်များ

Lukas 16:25

Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina.

Lukas 21:8

Timmábbeg ti Jesus, “Magingat kam tánni awan kam metawtaw nu agum a tolay! Makpal u dumemát a magkagi a hide u Mesias sakay magkagi, ‘Hikán u Cristo,’ sakay ‘Dummemát dán u panahun!’ Dyan kam maniwala nide.

1 Corinto 15:33

Dyan kam padaya, dipo “U madukás a kaguman ay makasida ti mágkaganda a ugale.”

1 Corinto 3:18

Dyan moy dayaán u sadile moy. Ni tehhod a magakala nikam a malalake siya ayun tu karunungan ni munduwáy ay dapat ibilang na dán u sadile na a awan ti tukoy tánni matukuyan na u karunungan a gábwat tu Diyos.

1 Corinto 6:9

Awan moy beman tukoy a awan ti kabahagi tu kahariyan nu Diyos u makasalanan hide a tolay? Dyan moy dayaán u sadile moy! U tolay a mángngibábbey sakay mángngilállake, sumássamba tu diyos-diyosan, sakay mák-agum tu kaparehas na a lállake oni kaparehas na a bábbey,

2 Corinto 9:6

Tandaan moy iye: u magmula ti badit ay mag-ane labe ti badit, sakay u magmula ti makpal ay mag-ani labe ti makpal.

Galacia 6:3

Ni ti deyaman u magakala tu sadile na a mas higit siya tu agum pero awan labe ay nagbuli-bule tu sadile na.

Efeso 5:6

Dyan kam padaya tu maskin ti deya tu pamamag-itan nu pángngatuwiran hide a awan ti kabuluhan tungkul tu mágkadukás de a gimet, dipo u Diyos ay maiyamut tu masásuwayán hide.

2 Tesalonica 2:3

Diyan kam magpalinlang nide maski ni ánya man a kaparaan. Dipo u aldew nu káddemát nu Panginoon ay awan dumemát mentaras awan magsapul u páng-adi nu tolay hide tu Diyos, sakay awan palla dummemát u tolay a masássuwayán a netakda tu awan ti kahád a kaparusaan.

Santiagu 1:22

Dyan kitam tagapágsaneg la tu upos nu Diyos ni awan sunudán tam u kákkagiyán na, dipo ni awan ay lállokuwán tam la u sadi-sadile tam.

Santiagu 1:26

Ni tu pangisip nu tolay ay makidiyos siya pero awan na labe kaya a pugáddán u dila na, ay lállokuwán nala u sadile na, dipo awan ti pinagserserbiyan u pakidiyos na.

1 Juan 1:8

Ni kagiyán tam a awan kitam ti kasalanan ay lállokuwán tam la u sadile tam sakay awan nikitam u tatahoden.

1 Juan 3:7

Anak ko hide dyan kam paloko maski ni deya man. U maggimet ti maganda ay essa a matuwid a tolay, konna ni Cristo.

Judas 1:18

Kinagi di dán nikam tu itod pa a, “Tu dimodyan a aldew ay te dumemát a tolay, pagtawaan de u upos nu Diyos, sakay u sássunudán di la ay u mágkadukás a kagustuwan nu bággi de.”