Galacia 6:2 - U Maganda A Baheta Ni Jesu-Cristo

² Magtulungan kam tu ánya man a problema moy hide, tu konna he a paraan ay matupad moy u utus ni Cristo.

Galacia 6:2 ပူးပေါင်းရင်းမြစ်များ

Mateo 8:17

Nangyari iye para matupad u hula ni propeta Isaias tu itod a “Siya u nangibut tu sakisaket tam sakay pinagpiyya na kitam.”

Lukas 11:46

Tinábbeg siya ni Jesus, “Kakagbi kam be maisto hide nu Kautusan! Páppadággiyan moy u tolay hide tu mágkahirap moy hide a Kautusan, pero mismo hikam ay awan moy hide tattulungan para sunudan i kautusanan iye.

Juan 13:34

Kanya essa a bigu a utus u iyatád ko nikam. Magmahalan kam, ni kodya takam a minahal ay konna bi hod u dapat moy a gimitán a págmahal tu bawat essa.

Juan 15:12

Sa iye u utus ko, magmahalan kam: konna tu págmahal ko nikam.

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

Roma 8:2

Dipo tu pákpagkaessa tam ni Cristo Jesus, ay napalaya kitamon tu kapangyariyan nu kasalanan sakay kamatayan tu pamamag-itan nu kapangyariyan nu Banal a Ispirito a makapangatád ti biyag.

1 Corinto 9:21

Kapag ni hedák tu Hentil hide, a awan makatukoy tu Kautusan ni Moises ay mabiyagák a konna tu essa a tolay a awan sakup nu Kautusan tánni maakit ko be hide. (Pero awan ko kákkagiyán a awanák dán sumássunud tu Kautusan nu Diyos dipo u sássunudán ko ay u utus hide ni Cristo.)

Galacia 6:5

Dipo managut u bawat essa tu sadile de a ginimet.

1 Tesalonica 5:14

Kákkapatkákka mi hide, ipákkekagbi mi nikam a pagkagiyan moy u tamad hide sakay pabegsákkán moy u isip nu mágkahina hide sakay tulungan moy hide. Pagtiyagaan moy u atanan a tolay.

Santiagu 1:25

Pero pagpalaán nu Diyos u atanan a gimitán nu tolay a tulos-tulos a magadal sakay mangtupad tu upos nu Diyos a mangpalaya nikitam gábwat tu kasalanan, sakay bakán la tagapágsaneg a makalimon a agad.

Santiagu 2:12

Kanya magingat kam tu pággupos moy sakay tu gimet moy, dipo hatulan kam nu Diyos ayun tu Kautusan a nangpalaya tu tolay.

Santiagu 2:8

Ni sunudán moy u utus nu Diyos a katoy tu Kasulatan a, “Mahalán moy u kapareho moy a tolay a konna tu págmahal moy tu sadile moy a bággi,” ay nagimet moy dán u tama.

1 Pedro 2:24

Ti Cristo ay naparusaan dipo tu kasalanan tam. Nepako siya tu kudus tánni hummintu kitamon tu págkasala a konna tu patay a awan dán magkasala, sakay sumunud kitamon tu kagustuwan nu Diyos. Sakay dipo tu talingu na hide ay nagpiyya kitamon.

2 Pedro 2:21

Mas maganda pa ni awan de natukuyan u tungkul tu makadiyos a kákkabiyag, kasera ni natukuyan de iye sakay adággen de labe tu dimodyan a aldew u banal hide a utus a inyatád nide.

2 Pedro 3:2

U gusto ko ay lagi a sumariwa tu isip moy u upos nu prupeta hide nu Diyos tu itod, sakay u utus a inyatád nu Panginoon sakay Tagapagligtas tu pamamag-itan nu apostol hide, a pinaangay na hina nikam.

1 Juan 4:21

Sa iye u utus a inyatád nikitam ni Cristo: ni ti deya man u magmahal tu Diyos ay dapat be a magmahal tu kapatkákka na.