Galacia 6:16 - U Maganda A Baheta Ni Jesu-Cristo

¹⁶ Hikam a atanan a sumássunud tu kinákkagi ko hide, magkahod kam nakwa ti kapayapaan sakay kagbiyan kam nu Diyos, dipo hikam u tolay a pinile nu Diyos a kao na.

Galacia 6:16 ပူးပေါင်းရင်းမြစ်များ

Juan 1:47

Pákketa ni Jesus ni Nataniel a paadene nikuna ay kinagi na, “Saáy u tunay a Israelita, a matapat.”

Juan 14:27

Nadid, u iwahak ko nikam ay kapayapaan. Mismo a u kapayapaan ko u iyatád ko nikam ikapayapaanan iye ay awan meatád nu mundo. Kanya diyan kamon mabalisa sakay diyan kamon manteng.

Juan 16:33

Kinagi ko dán iye hide a bagay nikam, tán magkahod kam ti kapayapaan tu pákpagkaessa moy nikán. He ti munduway pahirapan dikam, pero pabegsákkán moy u isip moy dipo nagtagumpayák dán kontara tu kapangyariyan ni munduway.”

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

Roma 4:12

Sakay siya be u ama nu Judio hide a nature, bakán la ta nature hide tu bággi, nan dipo manampalataya be hide a konna tu ninuno tam a ti Abraham nikuna a awan padla siya nature.

Galacia 1:3

Magkahod kam nakwa ti kapayapaan sakay págpapala a gábwat tu Diyos a Ama sakay tu Panginoon tam a ti Jesu-Cristo.

Galacia 3:29

Ni sakup kamon ni Cristo ay lahe kamon ni Abraham sakay tagamana tu inpananto nu Diyos nikuna.

Galacia 5:16

Sa iye u kagiyán ko nikam, “U Banal a Ispirito u magin patnubay moy tu biyag moy sakay dyan kam paalipin tu kagustuwan nu pilas.”

Galacia 5:25

Nadid ta gábwat tu Banal a Ispirito u bigu tam a biyag, ay dapat ipahintulut tam u pággiyya na tu biyag tam.

Efeso 6:23

Kákkapatkákka ko hide, nakwa ay atádden kam nu Diyos Ama sakay tu Panginoon tam ati Jesu-Cristo ti kapayapaan, págmahal tu balang essa sakay pánnampalataya moy nikuna.

Filipos 3:16

U mahalaga ay magtulos-tulos kitam a sumunud tu tatahoden a natukuyan tam.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

Filipos 4:7

Ni ginimet moy iye, atádden kam nu Diyos ti kapayapaan a siya u mangbantay tu puso sakay tu isip moy dipo tu pákpagkaessa moy ni Cristo Jesus. I kapayapaanan iye ay awan kaya a maabut nu isip nu tolay.

1 Pedro 1:3

Magpasalamat kitam a pirme tu Diyos a Ama nu Panginoon tam a ti Jesu-Cristo. Dipo tu tunay a kadakál a kagbi na nikitam, kanya inatádden na kitam ti bigu a biyag, tu pamamag-itan nu kákkabiyag a huway ni Jesu-Cristo. Iye u nangatád nikitam ti biyag a pag-asa.

Judas 1:2

Hod nakwa nikam u kagbi kapayapaan sakay págmahal a gábwat tu Diyos.