Galacia 6:13 - U Maganda A Baheta Ni Jesu-Cristo

¹³ Maski ngane u nagpature hide ay awan sumássunud tu Kautusan. Gusto dikam la a pature tán mepagmadakál de a hide u nakaakit nikam para sumunud ti kautusanan iye.

Galacia 6:13 ပူးပေါင်းရင်းမြစ်များ

Mateo 23:15

Kakagbi kam a talaga, maisto hide nu Kautusan ni Moises sakay Pariseo hide! Mapagkunware kam! Ahabisan moy u diget sakay angayan u iba a bansa, makaakit kam la ti essa a awan maniwala tu relihiyon moy. Sakay ni maakit moy dán ay ginimet moy pa a mas madukás nan nikam. Kanya nagin doble u dahilan para siya ay parusaan ti impiyerno.

Mateo 23:23

Kakagbi kam, maisto hide nu Kautusan ni Moises sakay Pariseo hide! Mapagkunware kam! Inyatád moy u ikapo maski u págrekado a awan ti halaga pero kinalimunan moy a igimet u mas lalo a mahalaga a adal tu Kautusan: Hikam ay magin pantay tu atanan a bagay, u magin makakagbiyan sakay u katapatan. Tama ngane a mag-ikapo kam pero dyan moy be kalimunan a gimetan u mas mahalaga tu Kautusan.

Mateo 23:3

Kaya gimetan moy u itáttoldo de sakay sunudán moy u inyutos de. Pero dyan moy ahigán u gimet de dipo awan de gimetán u itáttoldo de.

Lukas 5:38

Ni bigu a alak u iyasák moy ay dapat a bigu be u pággasákkan.

1 Corinto 3:21

Kaya dyan moy ipagmadakál u deya man. Dipo mebilang a hod nikam u atanan:

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

2 Corinto 11:18

Nadid, dipo makpal u magmadakál tungkul tu bagay hide a makamundu, hikán be ay dapat a magmadakál.

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

2 Pedro 2:19

Ipáppananto de u kalayaan tu tolay hide a maakit de, pero mismo hide ay alipin nu kasalanan a mángpahamak nide. Dipo u tolay ay alipin nu ányaman a bagay a mangpugád nikuna.