Galacia 6:12 - U Maganda A Baheta Ni Jesu-Cristo

¹² U tolay a mangpilit nikam a magpature ay gustu dila a puriyán hide nu agum a tolay. Konna hod gimet diyay dipo paraan de a awan hide mapahirapan a konna tu págpahirap tu tolay a magtoldu au kamatayan la ni Cristo tu kudus u makaligtas tu tolay.

Galacia 6:12 ပူးပေါင်းရင်းမြစ်များ

Mateo 23:27

Kakagbi kam, maisto hide nu Kautusan ni Moises sakay Pariseo hide! Mapagkunware kam! U kapareho moy hide ay u pantiyong a pinaganda, maganda ngane tu luwas pero ti disalad ay putat ti buyok sakay tulang.

Mateo 23:28

Talaga konna kam tu páglábbángan! Tu pangeleng nu tolay ay magkabait kam pero u tatahoden, tunay kam a mapagkunware sakay madukás.”

Mateo 23:5

Puro a pagpakunware u gimet de hide. Pinalabang de u págdattonan de ti bersikulo de sakay pinaatakdug de u garayan nu damit de hide para mapansin hide nu tolay a mágserbi hide tu Diyos.

Mateo 5:10

Pinagpala nu Diyos u dáddustaán hide a tolay dipo gimitán de u kaluuben nu Diyos, hide u katolayan tu kahareyan na.

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Mateo 6:2

Kanya ni mangatád kam tu mágkahirap hide ay dyan moy ihambug tu agum. Ina u gággimitán nu mapagkunware hide a tolay tu sinagoga hide sakay tu kakarsada tánni puriyán hide nu katolayan. Ikagi ko nikam a talaga natanggap di dán u gantimpala de. Awan dán hide ti gantimpala a gábwat tu Diyos.

Mateo 6:5

Sakay kinagi pa ni Jesus “Ni magdasal kam ay dyan moy ahigán u gimet nu mapagkunware hide. Gugustu de a magdasal a nakataknág tu sinagoga sakay tu kakarsada tánni ketan hide nu katolayan. Ikagi ku nikam a talaga naalap di dán u gantimpala de.

Lukas 16:15

Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”

Lukas 20:47

Alapán de u ari-arian nu bilo hide. Sakay gusto de a itagu u mágkadukás de a gimet kaya magdasal hide ti atakdug. Iye hide a tolay ay parusaan nu Diyos ti mas madágge a parusa!”

Juan 7:18

U magtoldu a ayun la tu sadile na a kagustuwan ay u gusto nala ay puriyán siya ni tolay. Pero u magtoldu a inutusan nu Diyos ay u gusto na ay mapure u Diyos. Sakay u págtoldu na ay tama, bakán a kakabuliyan.

Gimet 15:1

Pero te sangan a tolay a dimmemát hod a gábwat ti Judea a nagtoldu tu mánnampalataya hide ti konna he, “Kapag awan kam nagpature sigun tu Kautusan ni Moises ay awan kam maligtas.”

Gimet 15:5

Pero timmaknág u sangan a mánnampalataya a kaguman tu gurupo nu Pariseo hide sakay kinagi de, “Dapat a turiyán u Hentil hide a summampalataya sakay kagiyán a sumunud tu Kautusan ni Moises.”

2 Corinto 10:12

Awan ko gusto a ibilang oni ipareho u sadile ko tu agum a magmadakál tu sadile de. Awan ti tukoy i tolayan ina hide! Dipo u sadile dila u ginimet de a sukatan sakay parisan.

2 Corinto 11:13

Dipo iye hide a tolay ay bakán a tunay a apostol nan makándayaán la sakay magkukunware a apostol ni Cristo.

Galacia 2:14

Nikuna ketan ko a awan dán ayun tu Maganda a Baheta u gággimitán de ay kinagi ko ni Pedro tu atubang de a atanan, “Hiko ay Judio pero kumán ka dán a Hentil dipo kuman ka a kaguman de. Pero nadid ay bakin páppilitán mo u Hentil hide a mabiyag a konna tu kákkabiyag nu Judio hide? Dipo nikuna a awan ka dán kuman a kaguman de, kumán mu labe a kinagi a u kapareho mula a Judio u nebabagay a kuman a kaguman mo.”

Galacia 2:3

Maski ni Griego u kaguman ko a ti Tito ay awan de pinilit a magpature.

Galacia 5:11

Kákkapatkákka ko hide, tehhod kan a magkagi a ipáppangaral ko kan hanggan nadid a kailangan pade a magpature. Ni tatahoden ina ay awan dán nakwa ti magpahirap nikán. U tatahoden ay páppahirapanák di la dipo ipáppangaral ko u tungkul tu kákkepako ni Cristo tu kudus.

Galacia 6:13

Maski ngane u nagpature hide ay awan sumássunud tu Kautusan. Gusto dikam la a pature tán mepagmadakál de a hide u nakaakit nikam para sumunud ti kautusanan iye.

Filipos 1:15

Tahod ngane a mangaral u agum tungkul ni Cristo dipo tu sene sakay gustu dila a ipeta a masmalalake hide nikán, pero te mangaral labe a tehhod a katapatan.

Filipos 2:4

Bakán la u sadile moy a kapiyyaan u isipán moy nan pate be u kapiyyaan nu agum.

Filipos 3:18

Dipo makpal u mabiyag kontara tu adal tungkul tu kákkatay ni Cristo tu kudus. Sangan ku dán a beses a kagiyán nikam sakay nadid ay magtákták i luwa kuwáy a ipaala-ala nikam a huway i iye.

Colosas 2:23

Ti bigla ileng, kumán ngane a maganda u págsamba tu anghel hide, u male a gággimitán a págpakababa sakay págpasaket tu bággi de. Pero iye hide ay awan ti metulung para mapigilan u mágkadukás a kagustuwan nu pilas.