Galacia 6:10 - U Maganda A Baheta Ni Jesu-Cristo

¹⁰ Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

Galacia 6:10 ပူးပေါင်းရင်းမြစ်များ

Mateo 10:25

U madanas nu tagapagtoldu ay madanas labe nu disepulus na. Madanas labe nu utusan u madanas nu amo. Ni hikán a tagapagtoldu moy ay nginahanan de a Satanas mas grabe u ingahan de nikam a disepulus ko hide.”

Mateo 12:50

Dipo ni ti deya u tumupad tu kaluuben nu Ama ko ti langet ay siya u ina sakay kapatkákka ko hide.”

Mateo 25:40

Sakay tábbegan ko hide, ‘Talaga a kagiyan ko nikam: nikuna ginimet moy iye tu pinakamababa hide a kákkapatkákka ko ay bilang hikán u kinagbiyan moy.’

Mateo 5:43

Kinagi pa ni Jesus “Nasaneg moy a intoldu de tu nunu moy hide a ‘Mahalán mo u kaibigan mo sakay kaiyamutan mo u kadima mo.’

Markos 3:4

Káttapos ay tinanung nabe u tolay hide, “Ánya beman u ayun tu Kautusan, u maggimet ti maganda oni maggimet ti madukás tu Aldew nu Káimang? U mángligtas ti biyag oni mamuno?” Pero awan hide timmábbeg.

Lukas 6:35

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

Juan 12:35

Timmábbeg ti Jesus nide, “Sabadit dálla a panahun a makaguman moy u demlag. Kanya mabiyag kam tu demlag mentaras a hod palla he u demlag, para awan kam abután nu diham. Dipo awan tukoy nu maglakad tu kadiklámman ni hádya siya angayan.

Juan 9:4

Kailangan a tupadán tam u tarabaho nu nangpaangay he nikán, mentaras a magimet tam palla. Dipo dumemát dán u gibi a awan tamon magimet u ipagimet na.

Gimet 6:7

Tulos-tulos a kimmalat u Upos nu Diyos sakay u mánnampalataya hide ay pakáppal a pakáppal ti Jerusalem. Sakay u saserdote hide ay makpal a simmampalataya.

2 Corinto 2:8

Kaya mákkekakagbiyák nikam a ipabate moy nikuna a mahal moy padi siya.

Galacia 1:23

Nabaheta di dálla a, “U date a mágpahirap nide ay nangaral dán nadid ti pánnampalataya a sinikap na a sidaán tu itod.”

Efeso 2:19

Kaya awan kamon taga-iba a bansa nan kabanuwan kamon nu pinile hide nu Diyos sakay kasale tu pamilya na.

Efeso 3:15

Siya u Ama nu kada pamilya nu tolay a hed ti langet sakay ti lutaáy a simampalataya nikuna.

Efeso 4:28

U mágtakaw ay dyan dán magtakaw; nan magtrabaho siya sakay gamitán na u kamát na tu tarabaho a marangal tánni makatulung siya tu mangailangan hide.

Efeso 5:16

Samantalaán moy u pagkakataun hide a makagimet kam ti maganda. Dipo makpal dán u mágkadukás a gimet ti muduwáy.

Filipos 4:10

Tunay i saya kuwáy tu Panginoon dipo huway moy dámman a inpeta u págmalasakit moy nikán, kállipas nu sangan a taon. Tukoy ko a awanák moy nalimu-limunan. Kaya la ay awan kam ti pagkakataun a tumulung nikán.

Colosas 4:5

Magingat kam tu pákpággagum moy tu awan hide mánnampalataya. Samantalaán moy u atanan a pagkakataun a mebahagi u pánnampalataya moy.

1 Tesalonica 5:15

Diyan kam gumante tu naggimet nikam ti madukás nan itulos-tulos moy la a maggimet ti maganda tu balang essa sakay tu atanan a tolay.

1 Tesalonica 5:21

Pagadalan moy ti husto u toldu hide ni iye ay gabwat tu Diyos oni awan sakay ni anya u maganda ay sala itod u sunudan moy.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Tito 3:8

Tatahoden i adalan iye, kaya buo mo iye a tiyaga a itoldu tu mánnampalataya hide tu Diyos para ilaan de u sadile de tu pággimet ti maganda. I bagayan hidenye ay tunay a maganda sakay dakál a pakinabang para tu tolay.

Hebreo 13:16

Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

1 Pedro 2:5

Nadid, ay tehhod kamon a bigu a biyag a gábwat tu Diyos. Sakay nagkaessa kam a nagin konna tu essa a Templo. Kumán kam a bito a biyag a ginimet a templo na. Konna kam be tu essa a saserdote a nelaan para tu Diyos. U alay a ispiritwal a makasaya tu Diyos ay u págserbi moy nikuna alang-alang ni Jesu-Cristo.

1 Pedro 4:17

Nadid, adene dán a dumemát u panahun nu pághatul nu Diyos. Tu pághatul na ay idipalongo na a hatulan u pinile na hide. Ni hikitam a anak na idipalongo naay a hatulan ay tunay ti dágge u parusa a maguhay tu tolay hide a awan maniwala tu Maganda a Baheta a gábwat tu Diyos.

1 Juan 5:1

Ni maniwala kitam a ti Jesus u Cristo a sinugu nu Diyos, ay anak kitam ngane nu Diyos. Sakay ni ti deya man u magmahal tu Ama ay magmahal be tu kapareho de a anak nu Ama.

3 Juan 1:10

Kanya káddemát ko hina ay iluwas ko u atanan a ginággimet na: u kakabuliyan a kinákkagi na a kontara nikame. Sakay awan padi siya nakontento ti itod, nan awan na pa tanggapán u kákkapatkákka tam a dummemát. Sakay bawalan na pa u masoh hide a mangtanggap nide. Sakay awan na dán hide pakultadan a mákpagipun-ipun tu kákkapatkakka hide ti pánnampalataya ni Cristo.

3 Juan 1:11

Mahal ko a amigu, dyan mo ahigán iye hide a madukás a halimbawa. U ahigán mo ay u maganda, dipo u maggimet ti maganda ay anak nu Diyos; u maggimet ti madukás ay awan palla nakatengge tu Diyos.

3 Juan 1:3

Masayaák a tahod nikuna dimmemát u agum tam a kákkapatkákka sakay imbaheta de nikán a tapat ka tu tatahoden sakay talaga a nabiyag ka ayun ti iye.