Galacia 6:1 - U Maganda A Baheta Ni Jesu-Cristo

¹ Kákkapatkákka ko hide, ni te nagkasala a kaguman moy, hikam a igággiyya nu Banal a Ispirito ay uhunán moy siya a pasoliyán tu Diyos. Pero magingat kam makay pate hikam ay matokso be.

Galacia 6:1 ပူးပေါင်းရင်းမြစ်များ

Mateo 11:29

Magpasakup kam nikán konna tu essa a hayup a te paud sakay matuto kam nikán. Mabaiták sakay mapagpakumbaba kanya makaimang kamon.

Mateo 26:69

Alay ni Pedro a naggetnud tu sural, inadeniyan siya nu essa a utusan a bábbey sakay kinagi na, “Kaguman ka be ni Jesus a taga-Galilea, awan beman?”

Mateo 26:75

Sakay naalala ni Pedro u kinagi ni Jesus, “Bago a magtarakket u manok, pentállowák mo a ipamen.” Sakay lumuwas ti Pedro sakay nagsanget ti husto.

Mateo 9:13

Angay moy intendiyán u kinagi nu Panginoon tu kasulatan na ‘Gusto ko a kagbiyan moy u tolay hide, bakán a u alay moy.’ Dipo awanák ummangay ti munduwáy para kagiyan u malinis hide a tolay a magsisi nan u makasalanan hide.”

Roma 14:1

Nadid, tanggapán moy u kapatkákka moy a mahina ti pánnampalataya sakay dyan kam mákpagtalo tu pánniwala na hide.

Roma 15:1

Hikitam a mágkabegsák ti pánnampalataya ay dapat a tumulung tu kákkapatkákka hide a mágkahina ti pánnampalataya. Bakán la a u sadile tam a kapiyyaan u dapat tam a isipán,

Roma 8:6

U sapitán nu kássunud tu makasalanan a pagkatolay ay kamatayan, pero u sapitán nu kássunud tu kagustuwan hide nu Banal a Ispirito ay kapayapaan sakay biyag a awan ti kahád.

1 Corinto 10:12

Kaya ngane, magingat u magakala a matatag dán ti pánnampalataya, bakay matokso kam sakay magkasala.

1 Corinto 14:37

Ni tu pangakala nu deya man a tummanggap siya ti adal a gábwat tu Diyos oni maski ánya a kaluub nu Banal a Ispirito ay dapat na a tenggiyán a i sulat kuwáy nikam ay utus nu Panginoon.

1 Corinto 2:15

U tolay a te Ispirito nu Diyos ay maare na a matukuyan u kahalagaan nu atanan a bagay ni iye ay maganda oni awan pero u tolay a awan nikuna u Ispirito nu Diyos ay awan na matukuyan u tolay a tehhod a Ispirito nu Diyos.

1 Corinto 3:1

Nadid, kákkapatkákka, awan takam makauhon konna tu gággimitán ko tu tolay hide a katoy nide u Banal a Ispirito. Kailangan a kauhunán takam bilang tolay a mabiyag palla ayun tu kagustuwan nu bággi, sakay anak palla ti pánnampalataya ni Cristo.

1 Corinto 4:21

Ánya u gusto moy: angayák hina a págngállan takam, oni angayák hina a ipeta u págmahal sakay kabaitan ko nikam?

1 Corinto 7:5

Kanya dyan moy ikemot a mákduhog tu kákkabanga moy, maliban dálla ni napagkasunduwan moy a dyan kam palla magduhog, tánni melaan u panahun moy tu págdasal. Pero káttapos ay maare kamon a magduhog tánni awan kam matokso ni Satanas dipo la a awan kamon makapagpugád tu sadile moy.

2 Corinto 10:1

Nadid, hikán ti Pablo a u kagi nu agum a mapagpakumbaba tu atubang moy pero matapang ni adeyo, mákkekakagbiyák nikam alang-alang tu kapakumbabaan sakay kabaitan ni Cristo.

2 Corinto 2:7

Kaya patawadán moy dán siya sakay tulungan moy siya a magin matatag tu pánnampalataya na tánni awan siya matuluyan a manghina ti isip dipo tu matindi a kalungkutan.

2 Corinto 2:8

Kaya mákkekakagbiyák nikam a ipabate moy nikuna a mahal moy padi siya.

Galacia 5:23

mahinahun, sakay mapugáddan na u sadili na. U atanan a ugale a iye ay awan kontara tu Kautusan.

Galacia 6:18

Kagbiyan kam nakwa nu Panginoon tam a ti Jesu-Cristo kákkapatkákka ko hide. Amen!

1 Tesalonica 4:1

Kaya ngani kákkapatkákka, essa pa a bagay u pákkekakagbi me nikam sakay ipayo tu ngahan nu Panginoon Jesus. Ipakpagguhon me nikam a mabiyag kam a ayun tu natukuyan moy nikame dipo ina u makasaya tu Diyos. Konna ngani hod u kakkabiyag moy nadid pero maspagandaan moy pa.

2 Tesalonica 3:15

Pero diyan moy be siya ibilang a kadima moy. Nan, tolduwan moy siya, ta dipo siya ay nebilang dán a kapatkákka moy.

2 Timoteo 2:25

sakay tehhod siya a kahinahunan tu pángtama na tu mangkontara hide nikuna. Ta bakay tu konna he a paraan ay atádden hide nu Diyos ti pagkakataon a magsise sakay umadág tu kasalanan de hide, sakay matukuyan di pa u tatahoden.

Hebreo 12:13

Sakay maglakad kam tu matuwid a dilan tánni u agum a magkahina ti pánnampalataya, ay awan mesangdul sakay mapilay nan bumegsak.

Hebreo 13:3

Isipán moy u nágkepireso hide a kumán a kaguman dikam a nakapireso. Sakay tulungan moy u kákkapatkákka a apiyadu a kumán a hikam u magdanas be ti konna hod.

Santiagu 3:13

Deya nikam u marunung sakay makaintendi? Patunayan moy iye tu pamamag-itan nu matuwid a kákkabiyag sakay u maganda a gimet bunga nu págpakababa sakay karunungan.

Santiagu 3:2

Atanan tam ay pirme a magkamale. U tolay a awan magkamale tu pággupos na ay essa dán siya a ganap a tolay dipo tukoy na a pugáddan u sadile na.

1 Pedro 3:15

Igalang moy ti Cristo sakay sambaán moy siya bilang Panginoon. Dapat Pirme kitam a handa a magpaliwanag tu maski ni ti deya a magtanung nikam tungkul tu pánnampalataya tam.

1 Juan 5:16

Ni ti deyaman u maketa tu kapatkákka na a naggimet ti kasalanan a awan himmayun tu kákkatay ay ipagdasal na itod a kapatkákka tu Diyos a makapangatád nikuna ti bigu a biyag. Iye ay para tu kapatkákka hide a awan himmayun u kasalanan de tu kákkatay. Dipo tehhod a kasalanan a humayun ti kákkatay, pero awan ko kagiyán a ipagdasal moy u makán gimitán ti konna hod.