Galacia 5:9 - U Maganda A Baheta Ni Jesu-Cristo

⁹ Tehhod a talinghaga ti iye hide a mágtoldu ti baka-bakán. Kumán hide a págpaalsa ti tinapay a maski badit la u medátton ay mapaalsa na dán u lutuwán a tinapay.

Galacia 5:9 ပူးပေါင်းရင်းမြစ်များ

Mateo 13:33

Nagtalinghaga pa ti Jesus ti essa “U pághare nu Diyos ay konna tu lebadura a inhalo nu essa bábbey tu minasa a harina para maggimet ti tinapay. Simmannáp u lebadura tu harina kanya umalsa iye.”

Mateo 23:33

Malinlang kam konna tu biklat! Awan kam talaga makaiwas, maparusaan kam ti impiyerno!

Markos 8:15

Kinagi nide ni Jesus, “Magingat kam tu págpaalsa nu Pariseo hide sakay ti Herodes.”

Lukas 12:1

Nikuna magdemáttan u libu-libu a tolay ay mágkegegemmakan di dán u balang essa nide dipo tu káppal nu tolay. Kinagi ni Jesus tu disepulus na hide, “Magingat kam tu págpaalsa a gággamitán nu Pariseo hide; u gusto ko a kagiyán ay mapagpakunware hide.

Lukas 13:21

I kaparehuwan iye ay konna tu págpaalsa a inhalo nu essa a bábbey tu tállo a takal a arina, kaya immalsa ti husto u arina.”

1 Corinto 15:33

Dyan kam padaya, dipo “U madukás a kaguman ay makasida ti mágkaganda a ugale.”

2 Timoteo 2:17

Sakay u toldu nu tolay hide a konna he ay kumán a kanser a kumalat tu bággi nu essa a tolay. Kasali he di Himeneo sakay ti Fileto.