Galacia 5:25 - U Maganda A Baheta Ni Jesu-Cristo

²⁵ Nadid ta gábwat tu Banal a Ispirito u bigu tam a biyag, ay dapat ipahintulut tam u pággiyya na tu biyag tam.

Galacia 5:25 ပူးပေါင်းရင်းမြစ်များ

Juan 6:63

U Ispirito nu Diyos u mangatád ti biyag; awan iye magimet nu tolay. U upos hide a kinagi ko ay gábwat tu Ispirito a makapangatád ti biyag.

Roma 8:10

Pero dipo mágyan dán nikam ti Cristo maski matay dán u bággi moy dipo tu kasalanan ay biyag u ispirito moy dipo imbilang kamon nu Diyos a matuwid.

Roma 8:2

Dipo tu pákpagkaessa tam ni Cristo Jesus, ay napalaya kitamon tu kapangyariyan nu kasalanan sakay kamatayan tu pamamag-itan nu kapangyariyan nu Banal a Ispirito a makapangatád ti biyag.

1 Corinto 15:45

Konna he u nakasulat tu Kasulatan, “U kadipalonguwan a tolay a inatádden ti biyag ay ti Adan.” Pero u kadimodyanan a Adan ay ti Cristo a Ispirito a mángngatád ti biyag.

2 Corinto 3:6

Inatádden na kame ti kakayanan para ipangaral u tungkul tu bigu na a tipan. Sakay i ipáppangaral miyan iye ay awan neayun tu nakasulat tu Kautusan nan tu Ispirito. Dipo u iyatád nu nakasulat a Kautusan ay kamatayan, pero u Ispirito ay mangatád ti biyag.

Galacia 5:16

Sa iye u kagiyán ko nikam, “U Banal a Ispirito u magin patnubay moy tu biyag moy sakay dyan kam paalipin tu kagustuwan nu pilas.”

Filipos 3:3

Alalahanán moy a bakán a hide u tatahoden a ture nan hikitam, dipo u Banal a Ispirito u mánggiya nikitam tu págsamba tam tu Diyos sakay ipagmadakál tam u ginimet ni Cristo Jesus a siya u kasayaan tam. Awan kitam manalig tu pangluwas a seremonya a ipáppasunud de.

1 Pedro 4:6

Kanya saiye u dahilan ni bakin u Maganda a Baheta ay nepakapospos maski tu nágkatay dán hide tánni maski nágkatay dán hide a konna tu nakatakda tu atanan a tolay ay mabiyag u ispirito de tu pamamag-itan nu kapangyariyan nu Diyos.

Pahayag 11:11

Pero kállipas nu tállo ay ti kalahate a aldew ay biniyag hide a huway nu Diyos, sakay timmaknág hide. Kaya konna dálla hod u ánteng nu naketa hide nide.