Galacia 5:22 - U Maganda A Baheta Ni Jesu-Cristo

²² Pero u tolay a mabiyag ayun tu pággiyya nu Banal a Ispirito ay mapagmahal, tehhod a kasayaan, tehhod a kapayapaan, magtággád ti hirap, mabait, maggimet ti maganda a bagay tu agum hide a tolay sakay tehhod a katapatan

Galacia 5:22 ပူးပေါင်းရင်းမြစ်များ

Mateo 12:33

Kinagi pa ni Jesus “U kayu ay matukuyan tu bunga na. Ni alagaan mo u kayu ay magin maganda u bunga na hide peru ni awan mu siya alagaan ay magin madukás u bunga na hide.

Lukas 13:9

bakay ni magbunga la ti sumunuday a taon. Pero ni awan ay pukanán ku dán.’”

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Juan 15:2

Káttulán na u balang pinget a awan magbunga sakay linisan na u balang pinget a magbunga para mas lalu pa iye a magbunga.

Juan 15:5

Hikán u ponan nu ubas sakay hikam u pinget hide. U tolay a manatile nikán sakay manatiliyák be nikuna ay siya u magbunga ti makpal. Dipo awan kam ti magimet ni hiwalay kam nikán.

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

Roma 15:14

Kákkapatkákka ko hide, maniwalaák a talaga a tunay kam ti kabaitan, te sapat a tukoy sakay marunung a magpaala-alaan tu balang essa.

Roma 15:3

Maskin ti Cristo ay awan naghangad tu sadile na kapiyyaan, nan ayun tu Kasulatan, “Hikán u timmanggap tu atanan a seste de niko, Panginoon.”

Roma 15:30

Kanya mákkekagbiyák nikam, kákkapatkákka ko hide, alang-alang tu Panginoon a Jesu-Cristo sakay tu págmahal a gábwat tu Banal a Ispirito, tulungannák moy tu panalangin moy.

Roma 6:22

Pero napalaya kamon tu kasalanan sakay alipin kamon nu Diyos. Sakay u natanggap moy ay kabanalan sakay biyag a awan ti kahád.

Roma 7:4

Konna labe hod kákkapatkákka ko hide. Natay kamon tu Kautusan tu pamamag-itan nu kákkatay ni Cristo. Nabiyag a huway. Sakay hikam ay kao na dán tánni magbunga kam ti mágkaganda a gimet para tu ikasaya nu Diyos.

Roma 8:5

Dipo u mabiyag hide ayun tu hilig nu pilas ay gugusto de u bagay hide a ayun tu pilas, pero u mabiyag ayun tu pággiya nu Ispirito ay magsumikap a maggimet tu bagay hide a ayun tu kagustuwan nu Banal a Ispirito.

1 Corinto 13:13

Kaya i tálluwan iye ay manatile: u pánnampalataya, pag-asa, sakay págmahal; pero u pinakamahalaga ti tálluwan iye ay u págmahal.

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Efeso 4:23

Nan pakultaden moy a baguwan nu Banal a Ispirito u isip moy sakay tu ugali moy.

Efeso 5:9

Dipo ni u essa a tolay ay nademlagan dán ay ketan tu gimet na u maganda, tama sakay tatahoden.

Filipos 1:11

Nakwa ay maputat u biyag moy tu mágkaganda a ugale a kaluub ni Jesu-Cristo, tán maparangalan sakay mapapuriyan u Diyos.

Colosas 1:10

Para ti konna hod, mabiyag kam a karapat-dapat sakay makasaya tu Panginoon: sakay makagimet kam ti mágkaganda a gimet sakay lumawak u pákkatukoy moy tu Diyos.

2 Tesalonica 3:2

Ipagdasal moy kami be a iligtas kame nu Diyos tu mágkadukás a tolay. Dipo awan atanan a tolay ay maniwala tu itoldu me.

1 Timoteo 3:11

U kákkabanga di be hide ay kailangan a mágkatino, awan hide mametmet nan mapagpugád ti sadile sakay matapat tu atanan a bagay.

1 Timoteo 4:12

Dyan mo pabayan a imemenos kala nu agum dipo ulito ka palla. Nan magin halimbawa ka tu mánnampalataya hide: tu pággupos, ugale, págmahal, pánnampalataya sakay malinis a kákkabiyag.

1 Pedro 1:22

Nadid ay malinis kamon tu kasalanan moy hide dipo tu kássunud moy tu tatahoden sakay nagin tapat kamon tu págmahal moy tu kákkapatkákka moy hide. Nakwa ay tatahoden u págmahal moy.

1 Pedro 1:8

Maski ni awan moy siya netan ay minahal moy dán siya. Sakay maski ni awan moy palla siya netan hanggan nadid ay naniwala kamon nikuna. Kaya awan masukat u kasayaan moy sakay awan mepaliwanag tu pamamag-itan nu pággupos.

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.