Galacia 5:21 - U Maganda A Baheta Ni Jesu-Cristo

²¹ Kássene, páglasing, sakay magkasayaan hide ti madukás, sakay ti iba a madukás a gimet. Kagiyán ko iye a huway nikam a awan mebilang tu kahariyan nu Diyos u maggimet hide ti konna he.

Galacia 5:21 ပူးပေါင်းရင်းမြစ်များ

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Lukas 21:34

Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa.

Roma 13:13

Sakay dipo katoy kitam tu demlag, mabiyag kitam ti marangal. Diyan tamon gimitán u páglasing, u magulo hide a págsaya, dyan kitam mangibábbey oni mangilállake, dyan kitam mákdima, sakay diyan kitam be maiyamut tu agum.

Roma 8:13

Dipo matay kam ni mabiyag kam ayun tu makasalanan moy a pagkatolay. Pero mabiyag kam ni adággen moy u makasalanan moy a pagkatolay tu pamamag-itan nu pággiya nu Banal a Ispirito.

1 Corinto 15:50

Iye u gusto ko a kagiyán, kákkapatkákka ko hide: u bággi tam a nabuo nu pilas sakay dige ay awan magkahod ti bahagi tu kahariyan nu Diyos. U bággi a iye a mahunot ay awan maare a makatanggap ti biyag a awan ti kahád.

1 Corinto 5:11

U gusto ko a kagiyán a awan moy pákkagumanan ay u makánkagiyán hide a Kristiyano pero mággagimitán labe hide ti madukás, madadámmot, sumamba tu diyos-diyosan, magsesti, máglalasingán, sakay mágtakaw. Dyan kam mamákkan nide.

Efeso 5:18

Sakay dyan kam máglalasingán, dipo makasida ina ti maganda a kákkabiyag. Nan pilitán moy a u kapangyariyan nu Banal a Spirito u maghare nikam.

Colosas 3:6

Parusaan nu Diyos u tolay hide a maggimet ti konna he a bagay.

1 Tesalonica 5:7

Awan beman sáktidug ni tolay ti gibi sakay ti gibi be hide a maglasing?

2 Tesalonica 2:5

Awan beman kinagi ko dán iye hide a bagay nikuna a kagumanák moy palla hina?

Hebreo 13:4

Dapat igalang nu atanan u pákkabanga, sakay magin tapat tu balang essa u magkabanga. Dipo hatulan nu Diyos u mangibábbey oni mangilállake.

1 Pedro 4:3

Tama dán u panahun a sinayang moy tu pakángimet tu bagay hide a makaluta a gággustuwán nu awan hide makidiyos: konna tu kahalayan, madukás a kagustuwan nu pilas, páglasing, subra a kasayaan a awan ti pinagseserbiyan, inuman, sakay u págsamba tu diyos-diyosan hide.

Pahayag 21:27

Pero awan hod ti makasáddáp a ánya man a bagay a madangát tu pangileng nu Diyos, u makán gimitán ti madukás, sakay u mágkabule hide. Nan u makasáddáp laay hod tu banuwan ay u nakasulat u ngahan na tu libro nu Tupa. Dipo i librowan iye u sássulatan nu ngahan nu naatádden ti biyag a awan ti kahád.

Pahayag 22:15

Pero magwahak tu luwas u mágkadukás hide a tolay, u mágdipoh hide, u mángngibábbey oni mángngilállake, u mágbabono hide, u mágsamba hide ti diyos-diyosan, sakay u mágkabule hide ti upos sakay ti gimet.