Galacia 5:19 - U Maganda A Baheta Ni Jesu-Cristo

¹⁹ Awan metagu u gimet nu tolay a makamundu. Pángngibábbey oni pángilállake sakay u mágkalaswa sakay mágkadangát hide a gimet,

Galacia 5:19 ပူးပေါင်းရင်းမြစ်များ

Juan 3:6

U meenak a ayun tu pagkatolay ay konna labe tu essa a tolay, sakay u meenak a ayun tu Banal a Ispirito nu Diyos ay magkahod ti biyag a gábwat ti langet.

Roma 7:18

Tukoy ko a awan ti maganda tu makasalanan ko a pagkatolay, dipo ni gusto ko a maggimet ti maganda, ay awan ko labe iye magimet.

Roma 7:25

Salamat tu Diyos, dipo siya u mángligtas nikán tu pamamag-itan ni Jesu-Cristo a Panginoon tam. Ni konna hod, iye u kalagayan ko, u isip ko ay magpasakupák tu Kautusan nu Diyos, pero dipo tu makasalanan ko a pagkatolay ay magkasalaák pade.

Roma 7:5

Nikuna a mabiyag kitam palla tu date tam a pagkatolay, u mágkadukás a kagustuwan nu bággi tam u naghare, sakay lalo pa a pinadukás nu Kautusan kaya nakagimet kitam ti bagay hide a madukás a u resulta na ay u kamatayan tam.

Roma 8:13

Dipo matay kam ni mabiyag kam ayun tu makasalanan moy a pagkatolay. Pero mabiyag kam ni adággen moy u makasalanan moy a pagkatolay tu pamamag-itan nu pággiya nu Banal a Ispirito.

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

Roma 8:5

Dipo u mabiyag hide ayun tu hilig nu pilas ay gugusto de u bagay hide a ayun tu pilas, pero u mabiyag ayun tu pággiya nu Ispirito ay magsumikap a maggimet tu bagay hide a ayun tu kagustuwan nu Banal a Ispirito.

Roma 8:9

Pero awan kamon mabiyag a ayun tu makasalanan a pagkatolay nan ayun tu pággiya nu Banal a Ispirito, ni talaga a mágyan nikam u Ispirito nu Diyos. Ni u Ispirito ni Cristo ay awan tu essa a tolay ay bakán siya a kán Cristo.

1 Corinto 3:3

Dipo maghare palla nikam u kagustuwan nu bággi. Tehhod palla a iyamutan sakay dimaan. Ina u mangpatunay a makamundu kam palla sakay mabiyag ayun tu kagustuwan nu bággi.

1 Corinto 6:18

Kaya iwasan moy u pángngibábbey sakay pángngilállake. U agum a kasalanan a gággimitán nu tolay ay awan makasida tu bággi, pero u mangibábbey sakay mángilállake ay magkasala tu sadile na a bággi.

Galacia 5:13

Nadid kákkapatkákka ko hide, dinulaw kam nu Diyos para magin malaya. Pero diyan moy nakwa gamitán u kalayaan moy para mapagustuwan la u sadile moy hide nan magserbi kam tu balang essa a tehhod a págmahal.

Galacia 5:17

Dipo u hilig nu pilas ay kontara tu kagustuwan nu Banal a Ispirito. Sakay u gusto be nu Banal a Ispirito ay kontara tu kagustuwan nu pilas. Magkalaban i duwwaan iye, kanya awan moy magimet u gusto moy a gimitán.

Galacia 6:8

Ni u sásunudán nu essa a tolay ay u hilig nu pilas na ay mepalulung siya. Pero u tolay a u Banal a Ispirito u sássunudán na ay magkahod siya ti biyag a awan ti kahád.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.

Hebreo 13:4

Dapat igalang nu atanan u pákkabanga, sakay magin tapat tu balang essa u magkabanga. Dipo hatulan nu Diyos u mangibábbey oni mangilállake.

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”

Pahayag 22:15

Pero magwahak tu luwas u mágkadukás hide a tolay, u mágdipoh hide, u mángngibábbey oni mángngilállake, u mágbabono hide, u mágsamba hide ti diyos-diyosan, sakay u mágkabule hide ti upos sakay ti gimet.